एसटी कर्मचाऱ्यांवर 'मेस्मा' लावण्यावर देवेंद्र फडणवीसांची प्रतिक्रिया, म्हणाले...

औरंगाबाद : एसटी कर्मचाऱ्यांवर आजपासून कठोर कारवाई करणार असल्याचा इशारा परिवहन मंत्री अनिल परब यांनी दिला होता. तर मेस्मा लावण्याबाबत सुद्धा सरकार विचार करत असल्याचं परब यांनी म्हटलं होतं. तर यावर बोलताना एसटी कर्मचाऱ्यांचा संप 'मेस्मा'ऐवजी चर्चेतून सोडवावा अशी प्रतिक्रिया विरोधी पक्ष नेते देवेंद्र फडणवीस यांनी दिली आहे.

औरंगाबाद येथे विभागीय बैठकीसाठी आलेल्या देवेंद्र फडणवीस माध्यमांशी संवाद साधताना म्हणाले की, एसटी कर्मचाऱ्यांचा संपाबाबत सरकारीची भूमिका लोकशाही विरोधात आहे. तोडगा काढण्यासाठी सरकारकडून प्रयत्न होत नाही. मात्र विरोधी पक्ष म्हणून भरपुर सहकार्य आम्ही केलं. तरी देखील सरकराने जे दोन पाऊल पुढं यायला पाहिजे ते येत नाहीत,असे फडणवीस म्हणाले.

Msrtc Strike News : 'फाशीची शिक्षा दिली तरी मागणी विलिनीकरनाचीच', एसटी कर्मचाऱ्यांची कठोर भूमिका
तर काल देखील एका एसटी कर्मचाऱ्यांचा मृत्यू झाला असून, सरकारच्या संवेदना हरवल्या आहेत. त्यामुळे अजूनही वेळ गेलेली नाही, त्यामुळे सरकारने एसटी कर्मचाऱ्यांचा संपाबाबत 'मेस्मा' लावण्याऐवजी चर्चेतून प्रश्न सोडवावा असेही फडणवीस म्हणाले.