म. टा. प्रतिनिधी, औरंगाबाद
'स्वॅब टेस्टिंग'चे पैसे नागरिकांकडून घेऊ नका. त्यांना लाळेचे नमुने विनाशुल्क तपासून द्या, असे आदेश महापालिकेने शहरातील खासगी रुग्णालयांना दिले आहेत. त्यामुळे नागरिकांना मोठा दिलासा मिळणार आहे. खासगी रुग्णालयांमध्ये 'स्वॅब टेस्टिंग'च्या नावाखाली मोठ्या प्रमाणावर शुल्क आकारले जाते.
'स्वॅब टेस्टिंग' आणि करोना आजारावरील उपचारासाठी महापालिकेने शहरातील कमलनयन बजाज हॉस्पिटल, धूत हॉस्पिटल, एमजीएम हॉस्पिटल, डॉ. हेडगेवार हॉस्पिटल या मोठ्या खासगी हॉस्पिटलना परवानगी दिली आहे. रुग्णाच्या लाळेचे नमुने तपासण्यासाठी तेथे शुल्क आकारले जाते. सर्वसामान्य नागरिकांना ते परवडत नाही. आर्थिक पिळवणूक करण्यात येत असल्याची भावना नागरिकांत आहे. ही बाब लक्षात घेऊन महापालिकेने खासगी रुग्णालयांना पत्र पाठवले असून, कोणतेही शुल्क न आकारता लाळेच्या नमुन्यांची तपासणी करा, असे आदेश दिले आहेत.
याबद्दल माहिती देताना महापालिकेचे प्रशासक आस्तिककुमार पांडेय म्हणाले, 'मेट्रोपॉलिस या खासगी प्रयोगशाळेने महापालिकेसाठी दहा हजार चाचण्या मोफत करून देणार असल्याचे सांगितले आहे. या दहा हजार मोफत चाचण्यांचा वापर खासगी रुग्णालयांनी करावा. त्यांच्याकडे येणाऱ्यांचे लाळेचे नमुने या दहा हजार चाचण्यांमध्ये समाविष्ट करावेत व नागरिकांना चाचणीचे शुल्क आकारण्यात येऊ नये, असे खासगी हॉस्पिटलना कळवले आहे. धूत हॉस्पिटलने त्याची अंमलबजावणी सुरू केली आहे. अन्य रुग्णालयांना अंमलबजावणीसाठी सक्ती केली जाणार आहे. त्यामुळे नागरिकांवरील आर्थिक बोजा काही प्रमाणात कमी होईल.'
दरम्यान, जिल्ह्यात सोमवारी (सहा जुलै) दिवसभरात २१० नवे करोनाबाधित आढळून आले. यात शहर परिसरातील १५७, तर ग्रामीण भागातील ५३ बाधितांचा समावेश आहे. त्यामुळे करोनाबाधितांची संख्या सहा हजार ९४० झाली असून, त्यापैकी तीन हजार ५७१ करोनाबाधित रुग्ण बरे झाले आहेत, मात्र आतापर्यंत ३१८ बाधितांचा उपचारादरम्यान मृत्यू झाला आहे व सध्या तीन ५१ बाधितांवर उपचार सुरू आहेत, असे जिल्हा प्रशासनाने कळविले आहे.
'स्वॅब टेस्टिंग'चे पैसे नागरिकांकडून घेऊ नका. त्यांना लाळेचे नमुने विनाशुल्क तपासून द्या, असे आदेश महापालिकेने शहरातील खासगी रुग्णालयांना दिले आहेत. त्यामुळे नागरिकांना मोठा दिलासा मिळणार आहे. खासगी रुग्णालयांमध्ये 'स्वॅब टेस्टिंग'च्या नावाखाली मोठ्या प्रमाणावर शुल्क आकारले जाते.
'स्वॅब टेस्टिंग' आणि करोना आजारावरील उपचारासाठी महापालिकेने शहरातील कमलनयन बजाज हॉस्पिटल, धूत हॉस्पिटल, एमजीएम हॉस्पिटल, डॉ. हेडगेवार हॉस्पिटल या मोठ्या खासगी हॉस्पिटलना परवानगी दिली आहे. रुग्णाच्या लाळेचे नमुने तपासण्यासाठी तेथे शुल्क आकारले जाते. सर्वसामान्य नागरिकांना ते परवडत नाही. आर्थिक पिळवणूक करण्यात येत असल्याची भावना नागरिकांत आहे. ही बाब लक्षात घेऊन महापालिकेने खासगी रुग्णालयांना पत्र पाठवले असून, कोणतेही शुल्क न आकारता लाळेच्या नमुन्यांची तपासणी करा, असे आदेश दिले आहेत.
याबद्दल माहिती देताना महापालिकेचे प्रशासक आस्तिककुमार पांडेय म्हणाले, 'मेट्रोपॉलिस या खासगी प्रयोगशाळेने महापालिकेसाठी दहा हजार चाचण्या मोफत करून देणार असल्याचे सांगितले आहे. या दहा हजार मोफत चाचण्यांचा वापर खासगी रुग्णालयांनी करावा. त्यांच्याकडे येणाऱ्यांचे लाळेचे नमुने या दहा हजार चाचण्यांमध्ये समाविष्ट करावेत व नागरिकांना चाचणीचे शुल्क आकारण्यात येऊ नये, असे खासगी हॉस्पिटलना कळवले आहे. धूत हॉस्पिटलने त्याची अंमलबजावणी सुरू केली आहे. अन्य रुग्णालयांना अंमलबजावणीसाठी सक्ती केली जाणार आहे. त्यामुळे नागरिकांवरील आर्थिक बोजा काही प्रमाणात कमी होईल.'
दरम्यान, जिल्ह्यात सोमवारी (सहा जुलै) दिवसभरात २१० नवे करोनाबाधित आढळून आले. यात शहर परिसरातील १५७, तर ग्रामीण भागातील ५३ बाधितांचा समावेश आहे. त्यामुळे करोनाबाधितांची संख्या सहा हजार ९४० झाली असून, त्यापैकी तीन हजार ५७१ करोनाबाधित रुग्ण बरे झाले आहेत, मात्र आतापर्यंत ३१८ बाधितांचा उपचारादरम्यान मृत्यू झाला आहे व सध्या तीन ५१ बाधितांवर उपचार सुरू आहेत, असे जिल्हा प्रशासनाने कळविले आहे.