म. टा. प्रतिनिधी, औरंगाबाद
करोना विषाणूच्या सावटामुळे धम्मचक्र प्रवर्तन दिन अत्यंत साधेपणाने साजरा करण्यात आला. दरवर्षी डॉ. बाबासाहेब आंबेडकर मराठवाडा विद्यापीठाच्या प्रवेशद्वारापासूनच बौद्ध उपासक, उपासिकांची बुद्ध लेणीवर जाण्यासाठी तोबा गर्दी असते. यावर्षी विद्यापीठ परिसर तसेच बुद्ध लेणी येथे शुकशुकाट जाणवला. करोना विषाणूच्या पार्श्वभूमीवर विद्यापीठ प्रवेशद्वार, प्रशासकीय इमारतीजवळ पोलिस बंदोबस्त लावला होता.
अनेक वर्षांपासून बुद्धलेणी धम्मभूमी येथील महाविहारात कार्यक्रमांचे आयोजन करण्यात येते. यंदा करोना संकटामुळे विहार, मंदिरांसह सर्वच धार्मिकस्थळे बंद आहेत. त्यामुळे धम्मचक्र प्रवर्तन दिनाचे सर्व कार्यक्रम रद्द करण्यात आले होत. सकाळी केवळ भिक्खू संघाच्या उपस्थितीत धम्मध्वजवंदन करण्यात आले. त्यानंतर महापरित्राणपाठ आणि तथागत भगवान गौतम बुद्ध व महामानव डॉ. बाबासाहेब आंबेडकर यांना वंदन करण्यात आले. विद्यापीठाच्या मुख्य प्रवेशद्वार, पर्यटन विभाग, हनुमान टेकडीकडून लेणीकडे जाणारा रस्ता, महाविहार परिसर येथे बंदोबस्त ठेवण्यात आला. काही उपासक वाहने करून तर काही पायी बुद्ध लेणीकडे निघाले होते, मात्र पोलिसांनी त्यांना करोनामुळे सर्व कार्यक्रम रद्द झाल्याचे सांगून परत पाठविले.
७१ जणांचे रक्तदान
धम्मचक्र प्रवर्तन दिनानिमित्त ज्ञान उत्सव विद्यार्थी कृती समिती व शिल्पकार प्रतिष्ठान यांच्या वतिने विद्यापीठ प्रवेशद्वाराजवळ रक्तदान शिबिर घेण्यात आले. या शिबिरात संध्याकाळपर्यंत ७१ दात्यांनी रक्तदान केले.
करोना विषाणूच्या सावटामुळे धम्मचक्र प्रवर्तन दिन अत्यंत साधेपणाने साजरा करण्यात आला. दरवर्षी डॉ. बाबासाहेब आंबेडकर मराठवाडा विद्यापीठाच्या प्रवेशद्वारापासूनच बौद्ध उपासक, उपासिकांची बुद्ध लेणीवर जाण्यासाठी तोबा गर्दी असते. यावर्षी विद्यापीठ परिसर तसेच बुद्ध लेणी येथे शुकशुकाट जाणवला. करोना विषाणूच्या पार्श्वभूमीवर विद्यापीठ प्रवेशद्वार, प्रशासकीय इमारतीजवळ पोलिस बंदोबस्त लावला होता.
अनेक वर्षांपासून बुद्धलेणी धम्मभूमी येथील महाविहारात कार्यक्रमांचे आयोजन करण्यात येते. यंदा करोना संकटामुळे विहार, मंदिरांसह सर्वच धार्मिकस्थळे बंद आहेत. त्यामुळे धम्मचक्र प्रवर्तन दिनाचे सर्व कार्यक्रम रद्द करण्यात आले होत. सकाळी केवळ भिक्खू संघाच्या उपस्थितीत धम्मध्वजवंदन करण्यात आले. त्यानंतर महापरित्राणपाठ आणि तथागत भगवान गौतम बुद्ध व महामानव डॉ. बाबासाहेब आंबेडकर यांना वंदन करण्यात आले. विद्यापीठाच्या मुख्य प्रवेशद्वार, पर्यटन विभाग, हनुमान टेकडीकडून लेणीकडे जाणारा रस्ता, महाविहार परिसर येथे बंदोबस्त ठेवण्यात आला. काही उपासक वाहने करून तर काही पायी बुद्ध लेणीकडे निघाले होते, मात्र पोलिसांनी त्यांना करोनामुळे सर्व कार्यक्रम रद्द झाल्याचे सांगून परत पाठविले.
७१ जणांचे रक्तदान
धम्मचक्र प्रवर्तन दिनानिमित्त ज्ञान उत्सव विद्यार्थी कृती समिती व शिल्पकार प्रतिष्ठान यांच्या वतिने विद्यापीठ प्रवेशद्वाराजवळ रक्तदान शिबिर घेण्यात आले. या शिबिरात संध्याकाळपर्यंत ७१ दात्यांनी रक्तदान केले.