\Bऔरंगाबाद : \Bराष्ट्रीय कृषी संशोधन प्रकल्पाच्या पैठण रोड येथील केंद्राचे सहयोगी संचालक डॉ गोपाळ मुरलीधर गोडबोले यांचे शुक्रवारी ह्रद्यविकाराने निधन झाले. ते ८० वर्षांचे होते. वनस्पती रोग शास्त्रात त्यांनी डॉक्टरेट संपादन केली होती. या विषयातील एक चांगले तज्ज्ञ म्हणून त्यांचा कृषी विद्यापीठात लौकिक होता. परभणीच्या मराठवाडा कृषी विद्यापीठाच्या कार्यकरिणीवर ते राज्यपाल नियुक्त सदस्यही होते.
त्या काळात कृषी विज्ञान विषयाचे ते एक लोकप्रिय प्राध्यापक होते. एक उत्तम बासरीवादक, उत्कृष्ट खेळाडू असलेले डॉ गोडबोले एक चांगले वक्ता, तत्त्वज्ञानाचे अभ्यासक तसेच विद्यार्थी किंवा निराश झालेल्या व्यक्तींसाठी प्रेरणा देणारे, आत्मविश्वास वाढविणारे होते. त्यांच्यामागे पत्नी रागिणी, व दोन मुले, एक मुलगी असा परिवार आहे.