\Bम. टा. प्रतिनिधी, औरंगाबाद
\Bनिराला बाजारमधील हॉटेल आर्ट अॅण्ड एक्झिकेटीव्हच्या चौथ्या मजल्यावर सुरू असलेल्या हुक्का पार्लरवर गुन्हे शाखेच्या पथकाने छापा टाकून चौदा तरुणांसह हॉटेल व्यवस्थापक, कॅफेमालकाला बेड्या ठोकल्या. याप्रकरणी क्रांतीचौक पोलिस ठाण्यात गुन्हा दाखल करण्यात आला आहे.
हॉटेल आर्टच्या चौथ्या मजल्यावर असलेल्या फ्लो कॅफेमध्ये अवैधरित्या हुक्का पार्लर सुरू असून, येथे ग्राहकांना तंबाखू मिश्रीत हुक्का पुरवण्यात येत असल्याची माहिती गुन्हे शाखेला मिळाली. या माहितीवरून गुरुवारी रात्री साडेआठ वाजता पथकाने या ठिकाणी छापा टाकला. यावेळी आतमध्ये चार टेबलावर काही तरुण हुक्का पिताना आढळूले. पोलिसांनी सहा हुक्का पॉट, तंबाखूचे डबे, वेगवेगळ्या कंपनीचे फ्लेवर असलेले तंबाखूचे चाळीस लहान पाकीट आदी सतरा हजारांचे साहित्य जप्त केले. हॉटेल व्यस्थापक फराज अहमद सिद्दीकी याला हुक्का पार्लरच्या परवान्याबाबत विचारले असता त्याने परवाना नसल्याचे सांगत हुक्क्यामध्ये तंबाखू पिण्यासाठी देत असल्याची कबुली दिली. पोलिसांनी या ठिकाणावरून व्यवस्थापक फराज अहमद सिद्दीकी याच्यासह ग्राहक प्रथमेश दीपक मोरे (वय २१), अभिषेक अशोक पंडुरे (वय २२), हर्षद गिरीश परदेशी (वय २२), यश प्रवीण नागोरी (वय २२ सर्व रा. धनमंडी, नारळीबाग), विनायक महेश आधाट (वय १९ रा. सुंदरनगर, नागेश्वरवाडी), सचिन संजय चव्हाण (वय २५ रा. कुंभारवाडा), संदीप सुरेश चंडालिया (वय २४ रा. वडगाव कोल्हाटी), वीरेन दत्ता जाधव (वय २२ रा. जोगेश्वरी), दिनेश दीपक चव्हाण (वय २२ रा. कुंभारवाडा), राहील जलीलखान (वय १८ रा. किलेअर्क), हुमान हमीदखान पठाण (वय १८ रा. किलेअर्क), फरदिनखान फिरोजखान (वय १८ रा. उस्मानपुरा) यांच्यासह एका अल्पवयीन मुलाला ताब्यात घेतले. या प्रकरणी जमादार शिवाजी झिने यांच्या तक्रारीवरून हॉटेल मालक शेख समीर शेख सलीम (वय २४ रा. रंगीन दरवाजा, लेबर कॉलनी) आणि व्यवस्थापक फराज अहम सिद्दीकी (वय २१ रा. टाइम्स कॉलनी, कटकटगेट) यांच्यासह चौदा ग्राहकांवर क्रांतीचौक पोलिस ठाण्यात गुन्हा दाखल करण्यात आला आहे. ही कारवाई एपीआय अजबसिंग जारवाल, पीएसआय विजय जाधव, शिवाजी झिने, नजीर पठाण, राजेंद्र साळुंखे, प्रकाश चव्हाण, संदीप क्षीरसागर, प्रभाकर राऊत, संजय जाधव, नितीन धुळे, महिला पोलिस कर्मचारी शेख सुलताना आणि प्राजक्ता वाघमारे आदींनी केली.
…
\Bअल्पवयीन मुलाला समजपत्र
\Bचौदा ग्राहकांमध्ये एक ग्राहक हा साडेसतरा वर्षांचा असून अल्पवयीन आहे. हा देखील हुक्का पिताना आढळून आला. पोलिसांना या मुलाच्या पालकांना बोलावून घेत त्याला पोलिस ठाण्यात हजर राहण्याचे समजपत्र दिले. या ठिकाणी मध्यरात्रीपर्यंत हे हुक्का पार्लर सुरू राहत होते. वेळी अवेळी तरुण मंडळी येत होती. पार्लरवरून खाली आल्यानंतर देखील रस्त्यावर यांचा गोंधळ सुरू राहत होता. पार्लरच्या आजूबाजूला उच्चभ्रू वसाहत आहे. येथील रहिवाशांना याचा कायम त्रास होता.