औरंगाबाद: शासनाचे सर्व नियमांचे पालन करून ईद-उल-अजहाची (बकरी ईद) ईदगाहसह मशिदीत नमाज पढण्यासाठी परवानगी द्यावी. तसेच ऑनलाइन जनावरे विकण्याची ऐपत सर्वांत नसते. त्यामुळे जनावरे विक्रीची मोठ्या मैदानावर परवानगी द्यावी, अशी मागणी शहरातील उलेमांसह विविध पक्ष आणि संघटनांच्या प्रतिनिधींकडून करण्यात आली. सुभेदारी विश्रामगृहात खासदार इम्तियाज जलील यांच्या उपस्थितीत सोमवारी बैठक घेण्यात आली. यासंबंधी मंगळवारी आयुक्त व जिल्हाधिकारी यांच्या सोबत बैठक घेऊन प्रश्न सोडवण्यासाठी निवेदन देण्याचा निर्णय घेण्यात आला. बैठकीला इमारत-ए-शरियाचे मराठवाडा अध्यक्ष मौलाना मुफ्ती मोईजुद्दीन कास्मी, मौलाना डॉ. अब्दुल रशीद मदनी, मौलाना मोईजोद्दीन फारूकी, मौलाना महेफुजुर रहेमान, जियाउद्दीन सिद्दीकी, नसिमोद्दीन मिफ्ताही, इलियाज खान फलाही, अॅड. अन्वर ईशाती, शरिफ निजामी, साजीद रजा, काँग्रेस शहराध्यक्ष हिशाम उस्मानी आदी उपस्थित होते.
‘ईदगाह, मशिदीत नमाज पडू द्या’
शासनाचे सर्व नियमांचे पालन करून ईद-उल-अजहाची (बकरी ईद) ईदगाहसह मशिदीत नमाज पढण्यासाठी परवानगी द्यावी. तसेच ऑनलाइन जनावरे विकण्याची ऐपत सर्वांत नसते. त्यामुळे जनावरे विक्रीची मोठ्या मैदानावर परवानगी द्यावी, अशी मागणी शहरातील उलेमांसह विविध पक्ष आणि संघटनांच्या प्रतिनिधींकडून करण्यात आली.
महाराष्ट्र टाइम्स 21 Jul 2020, 8:43 am