मित्रांसोबत जेवण केलं, फिरून येतो म्हणून बाहेर पडला तो परत आलाच नाही; अखेर ATM कार्डवरून...

छत्रपती संभाजीनगर : मेकॅनिकल इंजिनिअरिंगचे शिक्षण घेण्यासाठी शहरात आलेल्या २२ वर्षीय विद्यार्थ्याने टोकाचे पाऊल उचलले. मित्रांसह जेवण केले आणि फिरून येतो म्हणून बाहेर पडला. पण तो पुन्हा परतलाच नाही. त्याने धावत्या रेल्वेसमोर आत्महत्या केली. पोलिसांनी मृताच्या खिशातील ATM कार्डवरून तरुणाची ओळख पटवली. अनिल सुरेश जाधव (वय- २२, मूळ रा. ता.भोकरदन जि. जालना, ह.मु. सातारा परिसर, छत्रपती संभाजीनगर) असे आत्महत्या करणाऱ्या विद्यार्थाचे नाव आहे.

या प्रकरणी अधिक माहिती मिळाली आहे. अनिल हा मूळचा जालना जिल्ह्यातील भोकरदन तालुक्यातील होता. तो अभियांत्रिकीच्या शिक्षणासाठी शहरात आला होता. तो एम.आय.टी. महाविद्यालयात मेकॅनिकल इंजिनिअरिंगचे शिक्षण घेत होता. ओळखीच्या मित्रासह त्याने सातारा परिसरात खोली घेतली होती. आणि तिथे तो रहात होता.

अनिल याने खोलीतील सर्व मित्रांसोबत रात्री जेवण केले. त्यानंतर अनिलने ए.टी.एम. कार्डसोबत घेतले. व चक्कर मारून येतो म्हणून घराबाहेर पडला. त्याची वाट पाहून इतर मित्र झोपी गेले. दरम्यान, रात्री दीड वाजेच्या सुमारस रेल्वेरूळावर मृतदेह आढळल्याची माहिती मिळताच उस्मानपुरा पोलिसांनी घटनास्थळी धाव घेतली. पोलिसांनी छिन्न विच्छिन्न अवस्थेतील मृतदेहाची तपासणी केली. तेव्ह फक्त बँकेचे एक ATM कार्ड मिळून आले. इतर कोणताही ओळखीचा पुरावा आढळला नाही.
व्वा मानलं राव! तीव्र संपातही घाटीमध्ये ४८ प्रसूती अन् ओपीडी सुरू; कर्मचाऱ्यांनी कर्तव्याला दिले प्राधान्य
पोलिसांनी मृतदेह रुग्णालयात हलवला. व संबंधित बँकेकडून मृत अनिलची माहिती घेत त्याच्या घरच्यांशी संपर्क केला. अनिलचे वडील गावाचे पोलीस पाटील आहेत. अनिलने आत्महत्ये सारखे टोकाचे पाऊल का उचलले? हे स्पष्ट होऊ शकले नाही. या प्रकरणी उस्मानपुरा पोलीस ठाण्यात आकस्मात मृत्यूची नोंद करण्यात आली आहे. पुढील तपास पोलीस करित आहेत.