उस्मानाबाद:
साऱ्या जगाचे लक्ष लागलेल्या भारताच्या लोकसभा निवडणुकीत अनेक धक्कादायक प्रकार घडत आहेत. कुठे नवरदेव मतदान करत आहेत तर कुठे व्हीव्हीपॅटवरून भांडणं होत आहेत. आज अकोल्यात एका मतदाराने मतदायंत्रच फोडले आहे तर दुसरीकडे मतदान करण्यासाठी गेलेल्या एका तरुणाने चक्क फेसबूक लाइव्ह केल्याचा खळबळजनक प्रकार उस्मानाबादमध्ये घडला आहे. याप्रकरणी पोलिसांनी चार तरुणांविरोधात सायबर क्राइम अंतर्गत गुन्हा दाखल केला असून पुढील कारवाई सुरू आहे.
गेल्या काही वर्षांमध्ये फेसबुक फोटो, फेसबुक लाइव्हचे फॅड प्रचंड प्रमाणात वाढले आहेत. या ‘फॅडचा फिव्हर’ यंदा लोकसभा निवडणूकीतही दिसतो आहे. मागच्या लोकसभा निवडणुकांना मतदान केंद्राबाहेर फोटो काढून इन्स्टाग्राम, फेसबुकवर मोठ्या प्रमाणात अपलोड करण्यात आले होते. यंदा मात्र काही जणं एक पाऊल पुढे गेले आहेत. थेट मतदान करतानाचाच फोटो काढून सोशल मीडियावर काही जणांनी शेअर केला आहे.
मतदानाला जाताना मोबाइल नेण्याची परवानगी नसते. मतदानाची गोपनीयता पाळली जावी म्हणून मतदानयंत्र एका बंद खोलीत ठेवलं जातं. पण असं असतानातही राष्ट्रवादी विद्यार्थी संघटनेच्या एका कार्यकर्त्याने मतदान करताना फेसबूक लाइव्ह केलं आहे. तसंच राष्ट्रवादीला मतदान करण्याचं आव्हानही त्याने केलं आहे. या तरुणाचे नाव प्रणव पाटील असल्याचं समजतं. हा प्रकार लगेच निवडणूक अधिकाऱ्यांच्या लक्षात आल्यामुळे निवडणूक अधिकाऱ्यांनी त्याला पोलिसांच्या हवाली केले. पोलिसांनी त्याला फेसबुक लाइव्ह डिलीट करण्यास भाग पाडले. नंतर त्याच्या सोबत चार जणांविरोधात सायबर क्राइमचा गुन्हा दाखल करण्यात आला आहे.
मतदानानंतर कोणताही गैरप्रकार होऊ नये म्हणून भारताने गुप्त मतदान पद्धती स्वीकारली आहे. पण आता नवीन तंत्रज्ञानाच्या उदयामुळे ही पद्धतीच धोक्यात आली आहे. येत्या काळात सोशल मीडियाच्या वाढत्या वापराला लक्षात घेऊन निवडणूक आयोगाला मतदान केंद्रांच्या सुरक्षा व्यवस्थेत महत्त्वाचे बदल करावे लागणार आहेत.
साऱ्या जगाचे लक्ष लागलेल्या भारताच्या लोकसभा निवडणुकीत अनेक धक्कादायक प्रकार घडत आहेत. कुठे नवरदेव मतदान करत आहेत तर कुठे व्हीव्हीपॅटवरून भांडणं होत आहेत. आज अकोल्यात एका मतदाराने मतदायंत्रच फोडले आहे तर दुसरीकडे मतदान करण्यासाठी गेलेल्या एका तरुणाने चक्क फेसबूक लाइव्ह केल्याचा खळबळजनक प्रकार उस्मानाबादमध्ये घडला आहे. याप्रकरणी पोलिसांनी चार तरुणांविरोधात सायबर क्राइम अंतर्गत गुन्हा दाखल केला असून पुढील कारवाई सुरू आहे.
मतदानाला जाताना मोबाइल नेण्याची परवानगी नसते. मतदानाची गोपनीयता पाळली जावी म्हणून मतदानयंत्र एका बंद खोलीत ठेवलं जातं. पण असं असतानातही राष्ट्रवादी विद्यार्थी संघटनेच्या एका कार्यकर्त्याने मतदान करताना फेसबूक लाइव्ह केलं आहे. तसंच राष्ट्रवादीला मतदान करण्याचं आव्हानही त्याने केलं आहे. या तरुणाचे नाव प्रणव पाटील असल्याचं समजतं. हा प्रकार लगेच निवडणूक अधिकाऱ्यांच्या लक्षात आल्यामुळे निवडणूक अधिकाऱ्यांनी त्याला पोलिसांच्या हवाली केले. पोलिसांनी त्याला फेसबुक लाइव्ह डिलीट करण्यास भाग पाडले. नंतर त्याच्या सोबत चार जणांविरोधात सायबर क्राइमचा गुन्हा दाखल करण्यात आला आहे.
मतदानानंतर कोणताही गैरप्रकार होऊ नये म्हणून भारताने गुप्त मतदान पद्धती स्वीकारली आहे. पण आता नवीन तंत्रज्ञानाच्या उदयामुळे ही पद्धतीच धोक्यात आली आहे. येत्या काळात सोशल मीडियाच्या वाढत्या वापराला लक्षात घेऊन निवडणूक आयोगाला मतदान केंद्रांच्या सुरक्षा व्यवस्थेत महत्त्वाचे बदल करावे लागणार आहेत.