औरंगाबाद:
सर्वात लहान मुलगी बाळंतपणासाठी माहेरी आली. वडिलांनी तिची बाळंतपणापर्यंतची सर्व व्यवस्था केली. बाळाला पाहण्यासाठी व्याही घरी आले, मात्र त्यांच्यासमोर मुलींनेच वडिलांचा अपमान केला. हे सहन न झाल्याने ६० वर्षांचे वडील आत्महत्या करण्यासाठी रेल्वे रूळावर गेले. पण, कोणीतरी आत्महत्या करत आहे हे लक्षात येताच विशेष पोलिस अधिकारी तसेच मेट्रो औरंगाबाद असोसिएशनच्या सदस्यांनी त्यांची समजूत काढून आत्महत्येपासून परावृत्त केले.
एक वृद्ध व्यक्ती संग्रामनगर येथील रेल्वे रुळावर मंगळवारी रात्री बाराच्या झोपला आहे, तो आत्महत्या करण्यासाठीच आला असावा, अशी माहिती डॉ. संदीप शुक्रे यांना एका सायकलस्वाराकडून मिळाली. त्यांनी ही माहिती विशेष पोलिस अधिकारी श्रीमंत गोर्डे पाटील यांना दिली. ही माहिती मिळताच गोर्डे पाटील यांनी घटनास्थळी धाव घेऊन त्या वृद्धाला समजविण्याचा प्रयत्न केला. मात्र, माझा अपमान झाला आहे, मला मरू द्या, असा धोशा लावत त्याने रेल्वे रुळावरून उठण्यास नकार दिला. तुम्ही जबरदस्तीने येथून उठवण्याचा प्रयत्न केला तरी मी आत्महत्या करेनच, असा निग्रहही त्याने बोलून दाखवला. पण, गोर्डे यांनी त्याची कशीबशी समजूत पाटील त्याला रुळावरून बाजुला आणले आणि एक वाईट घटना टळली.
ही वृद्ध व्यक्ती हे मूळ बुलडाणा येथील रहिवासी असून औरंगाबादेत आल्यानंतर त्याने वॉचमन व इतर अनेक कामे केली. त्या उत्पन्नातून पत्नी, तीन मुली आणि एका मुलाचा सांभाळ केला. शहरात एक पोळी-भाजी केंद्र सुरू करून त्याआधारे पत्नीसोबत मुलांचेही शिक्षण केले, मुलींची लग्न करून दिली. सर्वात लहान मुलगी मुंबईहून बाळंतपणासाठी आली होती. बाळाला पाहण्यासाठी व्याही घरी आलेस असता त्यांच्यासमोरच मुलींने अपमान केला. हे सहन न झाल्याने आत्महत्या करण्यासाठी आल्याचे त्यांनी गोर्डे यांना सांगितले. गोर्डे व त्यांच्या सहकाऱ्यांनी वृद्धाची समजूत काढून आत्महत्येपासून परावृत्त केले. दरम्यान, ते घरातून निघून गेल्यापासून कुटुंबीय शोध घेत होते. संग्रामनगर उड्डाणपुलाजवळ त्या वृद्धाचा मुलगा आला. वडील सुखरूप पाहून त्याने सुटकेचा नि:श्वास सोडला. यावेळी दोघे खूप रडले, त्यानंतर दोघांना घराकडे रवाना करण्यात आले.
दारूमुळे कुटुंबीयास त्रासाची कबुली
गेल्या अनेक वर्षापासून या वृद्धाला दारू पिण्याची सवय आहे. या सवयीमुळे अनेकदा पत्नीसोबत वादावादी झाली आहे. मुलींला पैशाची गरज असते तेव्हा पैसे देतो, असे सांगत दारूच्या व्यसनामुळे अनेकदा कुटुंबाला त्रास होत असल्याचे वृद्धाने कबूल केले.
सर्वात लहान मुलगी बाळंतपणासाठी माहेरी आली. वडिलांनी तिची बाळंतपणापर्यंतची सर्व व्यवस्था केली. बाळाला पाहण्यासाठी व्याही घरी आले, मात्र त्यांच्यासमोर मुलींनेच वडिलांचा अपमान केला. हे सहन न झाल्याने ६० वर्षांचे वडील आत्महत्या करण्यासाठी रेल्वे रूळावर गेले. पण, कोणीतरी आत्महत्या करत आहे हे लक्षात येताच विशेष पोलिस अधिकारी तसेच मेट्रो औरंगाबाद असोसिएशनच्या सदस्यांनी त्यांची समजूत काढून आत्महत्येपासून परावृत्त केले.
एक वृद्ध व्यक्ती संग्रामनगर येथील रेल्वे रुळावर मंगळवारी रात्री बाराच्या झोपला आहे, तो आत्महत्या करण्यासाठीच आला असावा, अशी माहिती डॉ. संदीप शुक्रे यांना एका सायकलस्वाराकडून मिळाली. त्यांनी ही माहिती विशेष पोलिस अधिकारी श्रीमंत गोर्डे पाटील यांना दिली. ही माहिती मिळताच गोर्डे पाटील यांनी घटनास्थळी धाव घेऊन त्या वृद्धाला समजविण्याचा प्रयत्न केला. मात्र, माझा अपमान झाला आहे, मला मरू द्या, असा धोशा लावत त्याने रेल्वे रुळावरून उठण्यास नकार दिला. तुम्ही जबरदस्तीने येथून उठवण्याचा प्रयत्न केला तरी मी आत्महत्या करेनच, असा निग्रहही त्याने बोलून दाखवला. पण, गोर्डे यांनी त्याची कशीबशी समजूत पाटील त्याला रुळावरून बाजुला आणले आणि एक वाईट घटना टळली.
ही वृद्ध व्यक्ती हे मूळ बुलडाणा येथील रहिवासी असून औरंगाबादेत आल्यानंतर त्याने वॉचमन व इतर अनेक कामे केली. त्या उत्पन्नातून पत्नी, तीन मुली आणि एका मुलाचा सांभाळ केला. शहरात एक पोळी-भाजी केंद्र सुरू करून त्याआधारे पत्नीसोबत मुलांचेही शिक्षण केले, मुलींची लग्न करून दिली. सर्वात लहान मुलगी मुंबईहून बाळंतपणासाठी आली होती. बाळाला पाहण्यासाठी व्याही घरी आलेस असता त्यांच्यासमोरच मुलींने अपमान केला. हे सहन न झाल्याने आत्महत्या करण्यासाठी आल्याचे त्यांनी गोर्डे यांना सांगितले. गोर्डे व त्यांच्या सहकाऱ्यांनी वृद्धाची समजूत काढून आत्महत्येपासून परावृत्त केले. दरम्यान, ते घरातून निघून गेल्यापासून कुटुंबीय शोध घेत होते. संग्रामनगर उड्डाणपुलाजवळ त्या वृद्धाचा मुलगा आला. वडील सुखरूप पाहून त्याने सुटकेचा नि:श्वास सोडला. यावेळी दोघे खूप रडले, त्यानंतर दोघांना घराकडे रवाना करण्यात आले.
दारूमुळे कुटुंबीयास त्रासाची कबुली
गेल्या अनेक वर्षापासून या वृद्धाला दारू पिण्याची सवय आहे. या सवयीमुळे अनेकदा पत्नीसोबत वादावादी झाली आहे. मुलींला पैशाची गरज असते तेव्हा पैसे देतो, असे सांगत दारूच्या व्यसनामुळे अनेकदा कुटुंबाला त्रास होत असल्याचे वृद्धाने कबूल केले.