पैठण : बनावट कागदपत्रे सादर करून बँक ऑफ महाराष्ट्रच्या बिडकीन येथील शाखेतून पिककर्ज घेणाऱ्या पैठण तालुक्यातील विविध गावांतील ७१ शेतकऱ्यांच्या विरोधात बिडकीन पोलिस ठाण्यात गुन्हा दाखल करण्यात आला आहे. या पिककर्ज गैरव्यवहारात बँकेतील काही अधिकारी व कर्मचाऱ्यांचा सहभाग असल्याचीही शक्यता व्यक्त करण्यात येत आहे.
बिडकीन (ता. पैठण) येथील बँक ऑफ महाराष्ट्रच्या शाखेतून २६ जून ते आठ ऑगस्ट यादरम्यान तालुक्यातील विविध गावांतील ७१ शेतकऱ्यांना एक कोटी नऊ लाख ७१ हजार रुपये पिककर्ज देण्यात आले. कर्ज घेण्यासाठी या शेतकऱ्यांनी 'सात-बारा', 'आठ अ' हे उतारे, 'सोसायटी'चे बेबाकी प्रमाणपत्र व या कागदपत्राच्या पुष्ट्यर्थ शंभर रुपयांचा बाँड आदी कागदपत्रे सादर केली. शेतकऱ्यांनी सादर केलेली कागदपत्रे व या कागदपत्रांच्या पुष्ट्यर्थ प्रतिज्ञापत्राच्या आधारे बँकेने ७१ शेतकऱ्यांना पिककर्जाचे वाटप केले.
दरम्यान, बँकेने ११ ऑगस्ट २०२० रोजी शेतकऱ्यांनी कर्ज घेण्यासाठी सादर केलेल्या कागदपत्रांची 'ऑनलाइन' तपासणी केली असता, या ७१ शेतकऱ्यांच्या कागदपत्रांत मोठी तफावत आढळली. त्यामुळे बँकेने यासर्व ७१ शेतकऱ्यांना ११ नोव्हेंबर २०२० रोजी वकिलांमार्फत नोटीस पाठवून याबाबत खुलासा मागितला, मात्र या ७१ शेतकऱ्यांपैकी एकाही शेतकऱ्याने पिककर्ज घेण्यासाठी सादर केलेल्या कागदपत्रांसंबंधी खुलासा केला नसल्याने बँक ऑफ महाराष्ट्रच्या बिडकीन शाखेचे व्यवस्थापक अवयकुमार दुबे यांनी या शेतकऱ्यांच्या विरोधात बिडकीन पोलिस ठाण्यात तक्रार दाखल केली. त्याच्या तक्रारीवरून खोटी कागदपत्रे सादर करून पिककर्ज घेणाऱ्या ७१ शेतकऱ्यांच्या विरोधात बिडकीन पोलिस ठाण्यात विविध कलमन्वये गुन्हे दाखल करण्यात आले असल्याची माहिती सहाय्यक पोलिस निरीक्षक पंकज उदावंत यांनी दिली आहे.
अधिकारी, कर्मचाऱ्यांचा सहभागाची शंका
बनावट कागदपत्रे दाखल केलेल्या एक दोन नव्हे चक्क ७१ शेतकऱ्यांना बिडकीन येथील बँक ऑफ महाराष्ट्रच्या शाखेतून सहजपणे पिककर्ज देण्यात आले. यामुळे या पिककर्ज गैरव्यवहारात या बँकेतील काही अधिकारी, कर्मचाऱ्यांचाही सहभाग असू शकतो, अशी शंका व्यक्त करण्यात येत आहे.
बिडकीन (ता. पैठण) येथील बँक ऑफ महाराष्ट्रच्या शाखेतून २६ जून ते आठ ऑगस्ट यादरम्यान तालुक्यातील विविध गावांतील ७१ शेतकऱ्यांना एक कोटी नऊ लाख ७१ हजार रुपये पिककर्ज देण्यात आले. कर्ज घेण्यासाठी या शेतकऱ्यांनी 'सात-बारा', 'आठ अ' हे उतारे, 'सोसायटी'चे बेबाकी प्रमाणपत्र व या कागदपत्राच्या पुष्ट्यर्थ शंभर रुपयांचा बाँड आदी कागदपत्रे सादर केली. शेतकऱ्यांनी सादर केलेली कागदपत्रे व या कागदपत्रांच्या पुष्ट्यर्थ प्रतिज्ञापत्राच्या आधारे बँकेने ७१ शेतकऱ्यांना पिककर्जाचे वाटप केले.
दरम्यान, बँकेने ११ ऑगस्ट २०२० रोजी शेतकऱ्यांनी कर्ज घेण्यासाठी सादर केलेल्या कागदपत्रांची 'ऑनलाइन' तपासणी केली असता, या ७१ शेतकऱ्यांच्या कागदपत्रांत मोठी तफावत आढळली. त्यामुळे बँकेने यासर्व ७१ शेतकऱ्यांना ११ नोव्हेंबर २०२० रोजी वकिलांमार्फत नोटीस पाठवून याबाबत खुलासा मागितला, मात्र या ७१ शेतकऱ्यांपैकी एकाही शेतकऱ्याने पिककर्ज घेण्यासाठी सादर केलेल्या कागदपत्रांसंबंधी खुलासा केला नसल्याने बँक ऑफ महाराष्ट्रच्या बिडकीन शाखेचे व्यवस्थापक अवयकुमार दुबे यांनी या शेतकऱ्यांच्या विरोधात बिडकीन पोलिस ठाण्यात तक्रार दाखल केली. त्याच्या तक्रारीवरून खोटी कागदपत्रे सादर करून पिककर्ज घेणाऱ्या ७१ शेतकऱ्यांच्या विरोधात बिडकीन पोलिस ठाण्यात विविध कलमन्वये गुन्हे दाखल करण्यात आले असल्याची माहिती सहाय्यक पोलिस निरीक्षक पंकज उदावंत यांनी दिली आहे.
अधिकारी, कर्मचाऱ्यांचा सहभागाची शंका
बनावट कागदपत्रे दाखल केलेल्या एक दोन नव्हे चक्क ७१ शेतकऱ्यांना बिडकीन येथील बँक ऑफ महाराष्ट्रच्या शाखेतून सहजपणे पिककर्ज देण्यात आले. यामुळे या पिककर्ज गैरव्यवहारात या बँकेतील काही अधिकारी, कर्मचाऱ्यांचाही सहभाग असू शकतो, अशी शंका व्यक्त करण्यात येत आहे.