म. टा. प्रतिनिधी, औरंगाबाद
नारेगावात एका बेवारस भंगारच्या शेडला आग लागल्याची घटना रविवारी सकाळी साडेसात वाजता उघडकीस आली. अग्निशमन दलाला माहिती प्राप्त होताच त्यानी घटनास्थळी धाव घेत दीड तासात आग आटोक्यात आणली. या आगीमध्ये लाखोंचे नुकसान झाले अाहे. या शेडजवळच एचपी गॅस कंपनीचा रिफिलिंग प्लांट आहे, मात्र वेळीच आग आटोक्यात आणल्याने मोठा अनर्थ टळाला.
नारेगाव परिसरातील प्लॉट नंबर १५ येथे एक बेवारस शेड आहे. शेडमध्ये प्लास्टिकच्या बाटल्या, कापडी चिंध्या, प्लास्टिकच्या पिशव्या, स्क्रॅप मटेरिअल आदी भंगार वस्तू होत्या. रविवारी सकाळी परिसरात राहणाऱ्या नागरिकांना शेडमधून धूर निघताना दिसला. त्यांनी ही माहिती वेळीच अग्निशमन दलाला दिली. माहिती मिळताच चिकलठाणा अग्निशमन दलाचे जवान बंबासह घटनास्थळी दाखल झाले. प्रथम त्यांनी शेडच्या बाहेर पडणाऱ्या आगीवर पाण्याची फवारणी केली, मात्र तोपर्यंत आगीने भीषण रूप धारण केले होते.
आग लागलेल्या शेडच्या बाजुला हिदुस्तान पेट्रोलिअम कंपनीचा गॅस रिफिलिंग प्लांट असल्याने व आगीची दाहकता पाहता त्यांनी पद्मपुरा अग्निशमन दलासही पाचारण केले.ही आग चिकलठाणा अग्निशमन दलाचे उपविभागीय अधिकारी लालचंद गायकवाड, अशोक खांडेकर, हरिचंद्र पवार, वाहन चालक किशोर कोळी, पद्मपुरा अग्निशमन दलाचे ड्यूटी इंचार्ज शरद घाटेशाई, नईम पठाण, एस. डी. कदम आदींनी केली.
नुकसानीचा अंदाज नाही
शेडचे शटर बंद होते, शेडचे कोणी मालक सापडत नसल्याने जवानांनी शटर तोडले व आग विझविली. अग्निशमन दलाला ही आग आटोक्यात आणण्यास साधरण: दीड तास लागला. आग लागलेले शेड हे बेवारस असल्याने नुकसान कितीचे झाले हे समजू शकले नसल्याचे अग्निशमन दलाच्या जवानांनी सांगितले.
नारेगावात एका बेवारस भंगारच्या शेडला आग लागल्याची घटना रविवारी सकाळी साडेसात वाजता उघडकीस आली. अग्निशमन दलाला माहिती प्राप्त होताच त्यानी घटनास्थळी धाव घेत दीड तासात आग आटोक्यात आणली. या आगीमध्ये लाखोंचे नुकसान झाले अाहे. या शेडजवळच एचपी गॅस कंपनीचा रिफिलिंग प्लांट आहे, मात्र वेळीच आग आटोक्यात आणल्याने मोठा अनर्थ टळाला.
नारेगाव परिसरातील प्लॉट नंबर १५ येथे एक बेवारस शेड आहे. शेडमध्ये प्लास्टिकच्या बाटल्या, कापडी चिंध्या, प्लास्टिकच्या पिशव्या, स्क्रॅप मटेरिअल आदी भंगार वस्तू होत्या. रविवारी सकाळी परिसरात राहणाऱ्या नागरिकांना शेडमधून धूर निघताना दिसला. त्यांनी ही माहिती वेळीच अग्निशमन दलाला दिली. माहिती मिळताच चिकलठाणा अग्निशमन दलाचे जवान बंबासह घटनास्थळी दाखल झाले. प्रथम त्यांनी शेडच्या बाहेर पडणाऱ्या आगीवर पाण्याची फवारणी केली, मात्र तोपर्यंत आगीने भीषण रूप धारण केले होते.
आग लागलेल्या शेडच्या बाजुला हिदुस्तान पेट्रोलिअम कंपनीचा गॅस रिफिलिंग प्लांट असल्याने व आगीची दाहकता पाहता त्यांनी पद्मपुरा अग्निशमन दलासही पाचारण केले.ही आग चिकलठाणा अग्निशमन दलाचे उपविभागीय अधिकारी लालचंद गायकवाड, अशोक खांडेकर, हरिचंद्र पवार, वाहन चालक किशोर कोळी, पद्मपुरा अग्निशमन दलाचे ड्यूटी इंचार्ज शरद घाटेशाई, नईम पठाण, एस. डी. कदम आदींनी केली.
नुकसानीचा अंदाज नाही
शेडचे शटर बंद होते, शेडचे कोणी मालक सापडत नसल्याने जवानांनी शटर तोडले व आग विझविली. अग्निशमन दलाला ही आग आटोक्यात आणण्यास साधरण: दीड तास लागला. आग लागलेले शेड हे बेवारस असल्याने नुकसान कितीचे झाले हे समजू शकले नसल्याचे अग्निशमन दलाच्या जवानांनी सांगितले.