म. टा. प्रतिनिधी, औरंगाबाद
खुलताबाद तालुक्यातील खिर्डी येथील शेतकरी व कुलस्वामिनी प्रतिष्ठानचे अध्यक्ष विलास कोरडे, अलका कोरडे यांनी ‘निसर्गराजा गणेश’ हा पर्यावरणपूरक गणरायाचा देखावा तयार केला आहे. गहू, ज्वारी व मका याचे ४५ किलो बियाणे यासाठी वापरण्यात आले. दोन महिन्यांपूर्वी पेरलेल्या बियाणातून अडीच ते तीन फूट उंचीचे गणराय, मूषक आणि शिवलिंग साकारले आहे.
‘आमच्या आठ एकर पैकी दोन एकरात दोन महिन्यांपूर्वी आम्ही देखावा साकारण्यास सुरवात केली. पाणी बचत आणि पाण्याचा जपून वापर, पर्यावरण संदेश देतानाच शेतकऱ्यांना दिलासा देण्याचा संदेश या देखाव्यातून करण्यात आला आहे. दोन हजार फूट मल्चिंग पेपरचा वापर करून गणपती, मूषक, शिवलिंगाची आखणी केली. त्यात २५ किलो मका व प्रत्येकी १० किलो ज्वारी आणि गहू पेरले. तृणधान्याची दोन महिन्यात चांगली उगवण झाली. गणेशाची ही प्रतिमा २०० बाय ४०० फूट आकाराची दिसत आहे.
देखावा तयार करण्यासाठी खिर्डीचे किशोर हिवर्डे, रमेश हिवर्डे, राजू राठोड, वैभव कोरडे, कैलास खंदारे, चंद्रमणी जायभाये, संजय राठोड, अतुल सावजी, प्रल्हाद गायकवाड, भाउसाहेब घुगे, संजू जहागिरदार, अतिक पठाण, शेख मजहर, राजू दौड, संतोष गायकवाड, अनिल गावंडे यांनी पुढाकार घेतला.
चित्रीकरण दाखवणार
या देखाव्याचे चित्रीकरण ड्रोण कॅमेऱ्याद्वारे करण्यात आले आहे. गणेश विसर्जनाच्या दिवशी शहरात वेगवेगळ्या सहा ठिकाणी एलसीडीवर ते दाखवण्यात येणार आहे.
खुलताबाद तालुक्यातील खिर्डी येथील शेतकरी व कुलस्वामिनी प्रतिष्ठानचे अध्यक्ष विलास कोरडे, अलका कोरडे यांनी ‘निसर्गराजा गणेश’ हा पर्यावरणपूरक गणरायाचा देखावा तयार केला आहे. गहू, ज्वारी व मका याचे ४५ किलो बियाणे यासाठी वापरण्यात आले. दोन महिन्यांपूर्वी पेरलेल्या बियाणातून अडीच ते तीन फूट उंचीचे गणराय, मूषक आणि शिवलिंग साकारले आहे.
‘आमच्या आठ एकर पैकी दोन एकरात दोन महिन्यांपूर्वी आम्ही देखावा साकारण्यास सुरवात केली. पाणी बचत आणि पाण्याचा जपून वापर, पर्यावरण संदेश देतानाच शेतकऱ्यांना दिलासा देण्याचा संदेश या देखाव्यातून करण्यात आला आहे. दोन हजार फूट मल्चिंग पेपरचा वापर करून गणपती, मूषक, शिवलिंगाची आखणी केली. त्यात २५ किलो मका व प्रत्येकी १० किलो ज्वारी आणि गहू पेरले. तृणधान्याची दोन महिन्यात चांगली उगवण झाली. गणेशाची ही प्रतिमा २०० बाय ४०० फूट आकाराची दिसत आहे.
देखावा तयार करण्यासाठी खिर्डीचे किशोर हिवर्डे, रमेश हिवर्डे, राजू राठोड, वैभव कोरडे, कैलास खंदारे, चंद्रमणी जायभाये, संजय राठोड, अतुल सावजी, प्रल्हाद गायकवाड, भाउसाहेब घुगे, संजू जहागिरदार, अतिक पठाण, शेख मजहर, राजू दौड, संतोष गायकवाड, अनिल गावंडे यांनी पुढाकार घेतला.
चित्रीकरण दाखवणार
या देखाव्याचे चित्रीकरण ड्रोण कॅमेऱ्याद्वारे करण्यात आले आहे. गणेश विसर्जनाच्या दिवशी शहरात वेगवेगळ्या सहा ठिकाणी एलसीडीवर ते दाखवण्यात येणार आहे.