म. टा. प्रतिनिधी, औरंगाबाद
महाराष्ट्र राज्य मार्ग परिवहन महामंडळात (एसटी) अनुकंपा तत्वावर नियुक्ती देण्यात आलेल्या लिपिक, टंकलेखक पदांवरील कर्मचाऱ्यांना दोन वर्षांच्या आत टंकलेखन व 'एमएस-सीआयटी' अभ्यासक्रम प्रमाणपत्र सादर करणे बंधनकारक होते. अन्यथा त्यांची सेवा समाप्त करण्यात येणार होती. 'कोविड-१९' साथीमुळे बंद असलेले 'एमएस-आयटी'चे प्रशिक्षण सुरू होणार नाही तोपर्यंत या कर्मचाऱ्यांची सेवा समाप्त करू नये ,असे आदेश एसटी महामंडळाच्या महाव्यवस्थापकांनी दिल्याने या कर्मचाऱ्यांना मोठा दिलासा मिळाला आहे.
एसटी महामंडळात अनुकंपा तत्वावर काही लिपिक आणि टंकलेखक पदांवर नियुक्ती देण्यात आली आहे. या कर्मचाऱ्यांना नियुक्ती मिळालेल्या दिवसांपासून दोन वर्षांत टंकलेखनाचे व 'एमएस-सीआयटी'चे प्रमाणपत्र सादर करणे बंधनकारक आहे. कर्मचारी हे प्रमाणपत्र दिलेल्या कालावधीत सादर नाही करू शकले नाहीत तर, त्याची सेवा समाप्त करण्याचे आदेश देण्यात आले होते. दरम्यान, करोना विषाणू संसर्गामुळे २३ मार्चपासून टंकलेखन व 'एमएस-सीआयटी' अभ्यासक्रमाचे प्रशिक्षण बंद आहे. हे प्रशिक्षण महाराष्ट्र राज्य परीक्षा परिषद आणि महाराष्ट्र तंत्र शिक्षण मंडळ यांच्यामार्फत देण्यात येते. त्यामुळे या कर्मचाऱ्यांमध्ये चिंतेचे वातावरण होते, परंतु नुकतेच एसटी महामंडळाच्या महाव्यवस्थापकांनी यासंदर्भात आदेश दिले आहेत. संबंधित विभाग प्रशिक्षण घेऊन प्रमाणपत्र देत नाही, तोपर्यंत अशा कर्मचाऱ्यांचा सेवा समाप्त करू नयेत, असे या आदेशात म्हटले आहे. या निर्णयामुळे अनुकंपातत्वार नियुक्ती मिळालेल्या कर्मचाऱ्यांना मोठा दिलासा मिळाला आहे.
महाराष्ट्र राज्य मार्ग परिवहन महामंडळात (एसटी) अनुकंपा तत्वावर नियुक्ती देण्यात आलेल्या लिपिक, टंकलेखक पदांवरील कर्मचाऱ्यांना दोन वर्षांच्या आत टंकलेखन व 'एमएस-सीआयटी' अभ्यासक्रम प्रमाणपत्र सादर करणे बंधनकारक होते. अन्यथा त्यांची सेवा समाप्त करण्यात येणार होती. 'कोविड-१९' साथीमुळे बंद असलेले 'एमएस-आयटी'चे प्रशिक्षण सुरू होणार नाही तोपर्यंत या कर्मचाऱ्यांची सेवा समाप्त करू नये ,असे आदेश एसटी महामंडळाच्या महाव्यवस्थापकांनी दिल्याने या कर्मचाऱ्यांना मोठा दिलासा मिळाला आहे.
एसटी महामंडळात अनुकंपा तत्वावर काही लिपिक आणि टंकलेखक पदांवर नियुक्ती देण्यात आली आहे. या कर्मचाऱ्यांना नियुक्ती मिळालेल्या दिवसांपासून दोन वर्षांत टंकलेखनाचे व 'एमएस-सीआयटी'चे प्रमाणपत्र सादर करणे बंधनकारक आहे. कर्मचारी हे प्रमाणपत्र दिलेल्या कालावधीत सादर नाही करू शकले नाहीत तर, त्याची सेवा समाप्त करण्याचे आदेश देण्यात आले होते. दरम्यान, करोना विषाणू संसर्गामुळे २३ मार्चपासून टंकलेखन व 'एमएस-सीआयटी' अभ्यासक्रमाचे प्रशिक्षण बंद आहे. हे प्रशिक्षण महाराष्ट्र राज्य परीक्षा परिषद आणि महाराष्ट्र तंत्र शिक्षण मंडळ यांच्यामार्फत देण्यात येते. त्यामुळे या कर्मचाऱ्यांमध्ये चिंतेचे वातावरण होते, परंतु नुकतेच एसटी महामंडळाच्या महाव्यवस्थापकांनी यासंदर्भात आदेश दिले आहेत. संबंधित विभाग प्रशिक्षण घेऊन प्रमाणपत्र देत नाही, तोपर्यंत अशा कर्मचाऱ्यांचा सेवा समाप्त करू नयेत, असे या आदेशात म्हटले आहे. या निर्णयामुळे अनुकंपातत्वार नियुक्ती मिळालेल्या कर्मचाऱ्यांना मोठा दिलासा मिळाला आहे.