औरंगाबाद: 'एमआयएम' पक्षाचे प्रमुख खासदार असदुद्दीन ओवेसी यांचे बुधवारी (२ ऑक्टोबर) शहरात आगमन होणार आहे. ते हैदराबाद येथून मोटारीने नांदेड येथे सकाळी ११च्या दरम्यान पोहोचणार आहे. नांदेड येथे प्रचार फेरी होणार असून त्यानंतर औरंगाबाद येथे चार वाजता आगमन होईल. पैठण येथे आयोजित प्रचार सभेसाठी पाच वाजता उपस्थित राहतील. सायंकाळी आठ ते नऊच्या दरम्यान त्यांची औरंगाबाद येथे आमखास मैदानावर जाहीर सभा आयोजित करण्यात आली आहे. एमआयएमने औरंगाबाद पूर्व-डॉ. इम्तियाज कादरी, औरंगाबाद मध्य- नासेर सिद्धीकी व औरंगाबाद पश्चिमधून अरुण बोर्डे यांची उमेदवारी जाहीर केली आहे. या तिन्ही उमेदवारांचा प्रचाराची ओवेसी यांच्या सभेने सुरुवात होत आहे. त्यांच्या हस्ते खासदार इम्तियाज जलील यांच्या नवीन कार्यालयाचे उद्घाटन केले जाणार आहे. खासदार ओवेसी हे गुरुवारी सकाळी मोटारीने धुळ्याकडे जाणार आहेत.
खासदार ओवेसींची आमखासवर सभा
'एमआयएम' पक्षाचे प्रमुख खासदार असदुद्दीन ओवेसी यांचे बुधवारी (२ ऑक्टोबर) शहरात आगमन होणार आहे...
महाराष्ट्र टाइम्स.कॉम 2 Oct 2019, 4:00 am