म. टा. प्रतिनिधी, औरंगाबाद
गणेशोत्सवानंतर आता नवरात्रोत्सवाचे वेध लागले आहे. दांडिया, गरबा प्रशिक्षण वर्गांची धूम सुरू झालेली असतानाच मूर्तीकारानांही आदिशक्तीच्या मूर्ती निर्मितीच्या कामाला वेग दिला आहे. गणराया प्रमाणेच यंदा आदिशक्तीच्या मूर्तींचे दरही दहा ते पंधरा टक्क्यांनी वधारले असून, काही विक्रेत्यांनी नगरसह मध्य प्रदेशातून मूर्ती मागविल्या आहेत.
आदिमायेच्या स्वागतासाठी औरंगाबादकर सज्ज झाले झाले असून, औरंगापुरा येथील जिल्हा परिषदेच्या मैदान परिसरातही मूर्तीकारांची लगबग सुरू आहे. आता हे काम अंतिम टप्प्यात आले असून, रंगरंगोटी करण्याचे काम सध्या जोमाने सुरू झाले आहे. दुर्गा माता, भवानी माता, महिषासूर मर्दिनी, कालिका माता, रेणुका, सप्तश्रृंगी माता अशी देवीचे विविध रुपे मूर्तीकारांनी साकारली आहेत.
गणेशोत्सवानंतर फार कमी अवधीत देवीच्या मूर्ती घडवायची असते. देवी हे स्त्री रुप असल्याने डोळे, चेहरा, हास्य आदी कामे फार बारकाईने करावी लागतात, अशी माहिती मूर्तीकार हिरालाल बगळे यांनी दिली. मूर्ती तयार करण्यासाठी लागणारे प्लास्टर ऑफ पॅरिस, रंग, नारळाच्या काथ्या, मजुरी आदींमध्ये वाढ झाल्याने यंदा मूर्तीचे भावही १० ते १५ टक्क्यांनी वाढले आहेत. गेल्या वर्षीचा अनुभव लक्षात घेता यंदा देवीच्या मूर्ती मर्यादीत संख्येत तयार करण्यात आल्याचेही त्यांनी नमूद केले.
दरम्यान, नगर, मध्य प्रदेश आदी भागातूनही विक्रेत्यांनी मूर्ती मागविल्या आहेत. दीड फुटापासून ते साडेदहा फूट उंचीपर्यंतच्या मूर्ती उपलब्ध आहेत. दीड हजारापासून ते २५ हजार रुपयांपर्यंत त्याची किंमत असून, नवरात्रोत्सव मंडळाकडून बुकिंग सुरू झाली आहे, अशी माहिती जवळेकर आर्टचे बी. एस. जवळेकर यांनी दिली.
रास दांडियाची धूम
नवरात्री उत्सवानिमित्ताने सिडको परिसरातील रेणुका माता मंदिर, बीड बायपास, जिल्हा कोर्टामागील परिसरातील भक्तांचे श्रद्धास्थान असलेल्या श्री रेणुका माता मंदिरसह शहर परिसरातील विविध मंदिरात विविध धार्मिक कार्यक्रमाचे आयोजन करण्यात आले. या उत्सवात खास आकर्षण असते ते रास दांडियाचे. विविध ठिकाणी रास दांडियाचे आयोजन करण्यात येत असून, तयारीसाठी सार्वजनिक नवरात्र उत्सव समितीच्या कार्यकर्त्यांची सध्या लगबग सुरू आहे.
गणेशोत्सवानंतर आता नवरात्रोत्सवाचे वेध लागले आहे. दांडिया, गरबा प्रशिक्षण वर्गांची धूम सुरू झालेली असतानाच मूर्तीकारानांही आदिशक्तीच्या मूर्ती निर्मितीच्या कामाला वेग दिला आहे. गणराया प्रमाणेच यंदा आदिशक्तीच्या मूर्तींचे दरही दहा ते पंधरा टक्क्यांनी वधारले असून, काही विक्रेत्यांनी नगरसह मध्य प्रदेशातून मूर्ती मागविल्या आहेत.
आदिमायेच्या स्वागतासाठी औरंगाबादकर सज्ज झाले झाले असून, औरंगापुरा येथील जिल्हा परिषदेच्या मैदान परिसरातही मूर्तीकारांची लगबग सुरू आहे. आता हे काम अंतिम टप्प्यात आले असून, रंगरंगोटी करण्याचे काम सध्या जोमाने सुरू झाले आहे. दुर्गा माता, भवानी माता, महिषासूर मर्दिनी, कालिका माता, रेणुका, सप्तश्रृंगी माता अशी देवीचे विविध रुपे मूर्तीकारांनी साकारली आहेत.
गणेशोत्सवानंतर फार कमी अवधीत देवीच्या मूर्ती घडवायची असते. देवी हे स्त्री रुप असल्याने डोळे, चेहरा, हास्य आदी कामे फार बारकाईने करावी लागतात, अशी माहिती मूर्तीकार हिरालाल बगळे यांनी दिली. मूर्ती तयार करण्यासाठी लागणारे प्लास्टर ऑफ पॅरिस, रंग, नारळाच्या काथ्या, मजुरी आदींमध्ये वाढ झाल्याने यंदा मूर्तीचे भावही १० ते १५ टक्क्यांनी वाढले आहेत. गेल्या वर्षीचा अनुभव लक्षात घेता यंदा देवीच्या मूर्ती मर्यादीत संख्येत तयार करण्यात आल्याचेही त्यांनी नमूद केले.
दरम्यान, नगर, मध्य प्रदेश आदी भागातूनही विक्रेत्यांनी मूर्ती मागविल्या आहेत. दीड फुटापासून ते साडेदहा फूट उंचीपर्यंतच्या मूर्ती उपलब्ध आहेत. दीड हजारापासून ते २५ हजार रुपयांपर्यंत त्याची किंमत असून, नवरात्रोत्सव मंडळाकडून बुकिंग सुरू झाली आहे, अशी माहिती जवळेकर आर्टचे बी. एस. जवळेकर यांनी दिली.
रास दांडियाची धूम
नवरात्री उत्सवानिमित्ताने सिडको परिसरातील रेणुका माता मंदिर, बीड बायपास, जिल्हा कोर्टामागील परिसरातील भक्तांचे श्रद्धास्थान असलेल्या श्री रेणुका माता मंदिरसह शहर परिसरातील विविध मंदिरात विविध धार्मिक कार्यक्रमाचे आयोजन करण्यात आले. या उत्सवात खास आकर्षण असते ते रास दांडियाचे. विविध ठिकाणी रास दांडियाचे आयोजन करण्यात येत असून, तयारीसाठी सार्वजनिक नवरात्र उत्सव समितीच्या कार्यकर्त्यांची सध्या लगबग सुरू आहे.