औरंगाबाद : लोकनाथतीर्थ स्वामी महाराज महायोग ट्रस्टतर्फे शुक्रवारी (१७ जानेवारी) श्री गुळवणी महाराज पुण्यतिथी महोत्सवाचे आयोजन करण्यात आले आहे. बन्सीलालनगर येथील 'वामन निवास' (प्लॉट क्रमांक ४९/अ) येथे हा महोत्सव होणार आहे. महोत्सवात सकाळी आठ ते नऊदरम्यान सामूदायिक साधना, सकाळी दहा ते ११दरम्यान प्रभुणे महाराज यांचे 'महायोगाची परंपरा व गुळवणी महाराज' या विषयावर प्रवचन होणार आहे. ११ ते दुपारी १२दरम्यान स्तोत्रपठण, दुपारी १२ ते एकदरम्यान 'कृतार्थतेसाठी महायोग' या विषयावर सूर्यकांत राखे महाराज यांचे प्रवचन. त्यानंतर आरती, महाप्रसाद होणार आहे. साडेतीन ते सव्वाचार यादरम्यान प्रश्नोत्तरे व शंकासमाधान, सव्वाचार ते पावणेपाचदरम्यान 'नाशिक मुख्य केंद्राचे उपक्रम व आगामी वाटचाल' या विषयावर बाळासाहेब देशपांडे मार्गदर्शन होणार आहे. सायंकाळी पाच ते सव्वासहादरम्यान पं. विश्वनाथ दाशरथे यांची भजनसेवा, साडेसहा ते साडेसात 'श्रीं'ची पालखी, साडेसात ते पावणेआठदरम्यान आरती व प्रसाद वाटप असे कार्यक्रम होणार आहेत. या कार्यक्रमात सहभागी व्हावे, असे आवाहन प्रकाश कुलकर्णी, सुहास जोशी यांनी केले आहे.
गुळवणी महाराज पुण्यतिथी महोत्सव येत्या शुक्रवारी
लोकनाथतीर्थ स्वामी महाराज महायोग ट्रस्टतर्फे शुक्रवारी (१७ जानेवारी) श्री गुळवणी महाराज पुण्यतिथी महोत्सवाचे आयोजन करण्यात आले आहे...
महाराष्ट्र टाइम्स.कॉम 13 Jan 2020, 4:00 am