म. टा. प्रतिनिधी, औरंगाबाद
औरंगाबाद ब्लॅक बक्स संघटनेतर्फे २७ नोव्हेंबर रोजी शहरात आंतरराष्ट्रीय दर्जाची एमआयटी औरंगाबाद हेरिटेज अर्ध मॅरेथॉन स्पर्धा होणार आहे. संघटनेने शनिवारी झालेल्या सोहळ्यात ही घोषणा करण्यात आली.
दौलताबाद ते वेरुळ लेणी या मार्गावर १०, २१, २५ किलोमीटर अशा प्रकारांत स्पर्धा होईल. पुरुष व महिला धावपटूंसाठी प्रत्येकी आठ गट आहेत. विजेत्या धावपटूंना तीन हजार ते पंचवीस हजारांपर्यंत रोख पारितोषिके दिली जातील. स्पर्धेच्या अधिकृत संकेतस्थळाचे उदघाटन शनिवारी झाले. एमआयटी, एन्ड्युरन्स टेक्नॉलॉजी, मॉर्गनाइट क्रुसिबल यांनी स्पर्धेचे प्रायोजकत्व स्वीकारलेले आहे तसेच, महाराष्ट्र पर्यटन विकास महामंडळ, वन विभाग, असोसिएशन ऑफ इंटरनॅशनल मॅरेथॉन अँड डिस्टन्स रेसेस, विंडसर कॅसल यू टू कॅन रन, आयस्टे स्पोर्टी, पगारिया ऑटो यांचेही सहकार्य आहे.
दर महिन्याला स्पर्धा
औरंगाबाद ब्लॅक बक्स हा मॅरेथॉन धावपटूंचा एक गट आहे. या गटाने एकत्रित येऊन २०१३मध्ये संघटनेची स्थापना केली. धावणे, सायकलिंग व अन्य साहसी खेळांच्या प्रचार-प्रसारासाठी संघटना प्रामुख्याने काम करीत आहे. संघटनेतर्फे दर महिन्याच्या शेवटच्या रविवारी विद्यापीठ परिसरात स्पर्धा होतात. त्यात दोनशे धावपटू नियमित सहभागी होतात. नियमित धावण्यांबरोबरच नवीन धावपटूंना अनुभवी खेळाडू मार्गदर्शन उपलब्ध करुन दिले जाते.
पन्नास मॅरेथॉन धावपटू
गेल्या तीन वर्षांत संघटनेचे २०० नियमित सदस्य झाले आहेत. त्यात मॅरेथॉन धावपटूंची संख्या सहावरुन पन्नास इतकी झाल्याची माहिती यावेळी देण्यात आली. या प्रसंगी विभागीय आयुक्त उमाकांत दांगट, उद्योजक मुकुंद भोगले यांच्यासह ‘आयर्नमॅन’ कौस्तुभ राडकर, सचिन चित्रे उपस्थित होते.
औरंगाबाद ब्लॅक बक्स संघटनेतर्फे २७ नोव्हेंबर रोजी शहरात आंतरराष्ट्रीय दर्जाची एमआयटी औरंगाबाद हेरिटेज अर्ध मॅरेथॉन स्पर्धा होणार आहे. संघटनेने शनिवारी झालेल्या सोहळ्यात ही घोषणा करण्यात आली.
दौलताबाद ते वेरुळ लेणी या मार्गावर १०, २१, २५ किलोमीटर अशा प्रकारांत स्पर्धा होईल. पुरुष व महिला धावपटूंसाठी प्रत्येकी आठ गट आहेत. विजेत्या धावपटूंना तीन हजार ते पंचवीस हजारांपर्यंत रोख पारितोषिके दिली जातील. स्पर्धेच्या अधिकृत संकेतस्थळाचे उदघाटन शनिवारी झाले. एमआयटी, एन्ड्युरन्स टेक्नॉलॉजी, मॉर्गनाइट क्रुसिबल यांनी स्पर्धेचे प्रायोजकत्व स्वीकारलेले आहे तसेच, महाराष्ट्र पर्यटन विकास महामंडळ, वन विभाग, असोसिएशन ऑफ इंटरनॅशनल मॅरेथॉन अँड डिस्टन्स रेसेस, विंडसर कॅसल यू टू कॅन रन, आयस्टे स्पोर्टी, पगारिया ऑटो यांचेही सहकार्य आहे.
दर महिन्याला स्पर्धा
औरंगाबाद ब्लॅक बक्स हा मॅरेथॉन धावपटूंचा एक गट आहे. या गटाने एकत्रित येऊन २०१३मध्ये संघटनेची स्थापना केली. धावणे, सायकलिंग व अन्य साहसी खेळांच्या प्रचार-प्रसारासाठी संघटना प्रामुख्याने काम करीत आहे. संघटनेतर्फे दर महिन्याच्या शेवटच्या रविवारी विद्यापीठ परिसरात स्पर्धा होतात. त्यात दोनशे धावपटू नियमित सहभागी होतात. नियमित धावण्यांबरोबरच नवीन धावपटूंना अनुभवी खेळाडू मार्गदर्शन उपलब्ध करुन दिले जाते.
पन्नास मॅरेथॉन धावपटू
गेल्या तीन वर्षांत संघटनेचे २०० नियमित सदस्य झाले आहेत. त्यात मॅरेथॉन धावपटूंची संख्या सहावरुन पन्नास इतकी झाल्याची माहिती यावेळी देण्यात आली. या प्रसंगी विभागीय आयुक्त उमाकांत दांगट, उद्योजक मुकुंद भोगले यांच्यासह ‘आयर्नमॅन’ कौस्तुभ राडकर, सचिन चित्रे उपस्थित होते.