म. टा. प्रतिनिधी, बीड
बीड नगरपालिकेमध्ये उपनगराध्यक्ष पदाच्या निवडणुकीमध्ये काकू-नाना आघाडीच्या हेमंत क्षीरसागर यांनी २७ मते मिळवत बाजी मारली. त्यामुळे, नगराध्यक्षपदी राष्ट्रवादी काँग्रेसचे भारतभूषण क्षीरसागर, तर उपनगराध्यक्ष काकू-नाना आघाडीचा असे चित्र दिसणार आहे. जिल्ह्याचे लक्ष लागलेल्या क्षीरसागर विरुद्ध क्षीरसागर या लढतीमध्ये पुतण्या संदीप यांनी बाजी मारली आहे.
बीडच्या नगराध्यक्षपदाच्या निवडणुकीमध्ये भारतभूषण क्षीरसागर यांनी बाजी मारली होती. त्यांच्याविरोधात उभ्या ठाकलेल्या रवींद्र क्षीरसागर यांचा त्यांनी पराभव केला होता. मात्र, रवींद्र क्षीरसागर यांच्या काकू-नाना विकास आघाडीने सर्वाधिक २० नगरसेवक निवडून आणले होते. तसेच, एमआयएमच्या नऊपैकी सात नगरसेवकांनी वेगळा गट स्थापन करत, आघाडीला पाठिंबा दिला होता. या पार्श्वभूमीवर, उपनगराध्यक्ष पदाच्या निवडणुकीत कोण बाजी मारतो, याकडे सर्वांचे लक्ष लागले होते.
उपनगराध्यक्ष निवडणुकीसाठी १० जानेवारी रोजी निवडणूक प्रक्रिया आयोजित केली होती. मात्र, बैठकीसाठी सर्व नगरसेवक नगर परिषदेच्या सभागृहात हजर झाले. तथापि, नगराध्यक्ष तथा पिठासिन अधिकारी डॉ. भारतभूषण क्षीरसागर यांनी ऐनवेळी आजारी असल्याचे पत्र नगरपालिकेला दिले. ते आजारी पडल्याने उपाध्यक्ष आणि स्वीकृत सदस्य निवड होऊ शकल्या नाहीत. काकु-नाना विकास आघाडीच्या वतीने नगरसेवक अमर नाईकवाडे यांनी औरंगाबाद उच्च न्यायालयात धाव घेतली. त्यावर तीन दिवसात सर्व नगरसेवकांना नोटीस देवून पहिली सर्वसाधारण बैठक घेण्याचे आदेश न्या. व्ही. एम. कानडे, न्या. संगीतराव पाटील यांनी बीडच्या जिल्हाधिकाऱ्यांना दिले. न्यायालयाच्या आदेशावरून जिल्हाधिकारी नवलकिशोर राम यांनी १७ जानेवारी रोजी नगरपालिकेच्या सभागृहात पहिली सर्वसाधारण सभा बोलावल्याची नोटीस काढली व मंगळवारी हि प्रक्रिया पार पडली. यात राष्ट्रवादीकडून विनोद मुळूक यांना उमेदवारी देण्यात आली. तर, आघाडीकडून हेमंत क्षीरसागर यांना उमेदवारी देण्यात आली. आघाडीकडे २७ नगरसेवकांचे संख्याबळ होते. त्याप्रमाणे क्षीरसागर यांना २७ मते मिळाली. तर, मुळूक यांना १८मते पडली.
या निवडीकडे जिल्ह्यचे लक्ष लागले होते. राष्ट्रवादी जिल्हाध्यक्ष व नगराध्यक्ष भारतभूक्षण क्षीरसागर यांच्या उमेदवाराचा पराभव झाला असून, त्यांचे पुतणे व जिल्हा परिषद सभापती संदीप क्षीरसागर यांनी बाजी मारली आहे. या निवडीनंतर आघाडीच्या कार्यकर्त्यांनी जल्लोष केला. तर स्वीकृत सभापती पदी आघाडीचे दोन, राष्ट्रवादीचे दोन व एमआयएमचा एक नगरसेवक निवडून आला.
बीड नगरपालिकेमध्ये उपनगराध्यक्ष पदाच्या निवडणुकीमध्ये काकू-नाना आघाडीच्या हेमंत क्षीरसागर यांनी २७ मते मिळवत बाजी मारली. त्यामुळे, नगराध्यक्षपदी राष्ट्रवादी काँग्रेसचे भारतभूषण क्षीरसागर, तर उपनगराध्यक्ष काकू-नाना आघाडीचा असे चित्र दिसणार आहे. जिल्ह्याचे लक्ष लागलेल्या क्षीरसागर विरुद्ध क्षीरसागर या लढतीमध्ये पुतण्या संदीप यांनी बाजी मारली आहे.
बीडच्या नगराध्यक्षपदाच्या निवडणुकीमध्ये भारतभूषण क्षीरसागर यांनी बाजी मारली होती. त्यांच्याविरोधात उभ्या ठाकलेल्या रवींद्र क्षीरसागर यांचा त्यांनी पराभव केला होता. मात्र, रवींद्र क्षीरसागर यांच्या काकू-नाना विकास आघाडीने सर्वाधिक २० नगरसेवक निवडून आणले होते. तसेच, एमआयएमच्या नऊपैकी सात नगरसेवकांनी वेगळा गट स्थापन करत, आघाडीला पाठिंबा दिला होता. या पार्श्वभूमीवर, उपनगराध्यक्ष पदाच्या निवडणुकीत कोण बाजी मारतो, याकडे सर्वांचे लक्ष लागले होते.
उपनगराध्यक्ष निवडणुकीसाठी १० जानेवारी रोजी निवडणूक प्रक्रिया आयोजित केली होती. मात्र, बैठकीसाठी सर्व नगरसेवक नगर परिषदेच्या सभागृहात हजर झाले. तथापि, नगराध्यक्ष तथा पिठासिन अधिकारी डॉ. भारतभूषण क्षीरसागर यांनी ऐनवेळी आजारी असल्याचे पत्र नगरपालिकेला दिले. ते आजारी पडल्याने उपाध्यक्ष आणि स्वीकृत सदस्य निवड होऊ शकल्या नाहीत. काकु-नाना विकास आघाडीच्या वतीने नगरसेवक अमर नाईकवाडे यांनी औरंगाबाद उच्च न्यायालयात धाव घेतली. त्यावर तीन दिवसात सर्व नगरसेवकांना नोटीस देवून पहिली सर्वसाधारण बैठक घेण्याचे आदेश न्या. व्ही. एम. कानडे, न्या. संगीतराव पाटील यांनी बीडच्या जिल्हाधिकाऱ्यांना दिले. न्यायालयाच्या आदेशावरून जिल्हाधिकारी नवलकिशोर राम यांनी १७ जानेवारी रोजी नगरपालिकेच्या सभागृहात पहिली सर्वसाधारण सभा बोलावल्याची नोटीस काढली व मंगळवारी हि प्रक्रिया पार पडली. यात राष्ट्रवादीकडून विनोद मुळूक यांना उमेदवारी देण्यात आली. तर, आघाडीकडून हेमंत क्षीरसागर यांना उमेदवारी देण्यात आली. आघाडीकडे २७ नगरसेवकांचे संख्याबळ होते. त्याप्रमाणे क्षीरसागर यांना २७ मते मिळाली. तर, मुळूक यांना १८मते पडली.
या निवडीकडे जिल्ह्यचे लक्ष लागले होते. राष्ट्रवादी जिल्हाध्यक्ष व नगराध्यक्ष भारतभूक्षण क्षीरसागर यांच्या उमेदवाराचा पराभव झाला असून, त्यांचे पुतणे व जिल्हा परिषद सभापती संदीप क्षीरसागर यांनी बाजी मारली आहे. या निवडीनंतर आघाडीच्या कार्यकर्त्यांनी जल्लोष केला. तर स्वीकृत सभापती पदी आघाडीचे दोन, राष्ट्रवादीचे दोन व एमआयएमचा एक नगरसेवक निवडून आला.