भरधाव कारचा भीषण अपघात, ग्रामसेवकाचा जागीच मृत्यू तर सरपंच गंभीर जखमी

हिंगोली : हिंगोलीच्या सेनगाव तालुक्यातील सेनगाव ते गोरेगाव या मार्गावर एका वळण रस्त्यावर एका भरधाव करचा भीषण अपघात झाल्याची घटना घडली आहे. हा अपघात इतका भीषण होता की यामध्ये ग्रामसेवक नितीन शिंदे यांचा जागीच मृत्यू झाला तर सरपंच संदीप शिंदे हे गंभीर जखमी झाले आहे. अपघाताची माहिती मिळताच पोलीस घटनास्थळी दाखल होत पुढील तपास सुरू असल्याचं सांगण्यात येत आहे.

मिळालेल्या माहितीनुसार, MH 37 V 2397 असा अपघात झालेल्या कारचा नंबर आहे. जखमी संदीप शिंदे यांच्यावर सेनगाव येथे प्राथमिक उपचार करून हिंगोली येथे एका खाजगी रुग्णालयात दाखल केलं आहे. मयत व जखमी हे दोघे चुलत भाऊ असून ते वाशिममधील जुमडा गावचे रहिवासी आहेत. नादेड येथून काम आटोपून घरी परतत असताना त्यांच्यावर काळाने घाला घतला.

हा अपघात इतका भयंकर होता की कारचे चारही टायर वर झाले असून कार रस्त्याच्या काही अंतरावर जाऊन कोसळली. घटनेची माहिती मिळताच पोलीस घटनास्थळी दाखल झाले असून झालेल्या घटनेबद्दल अधिक तपास सुरू आहे.