imtiaz jaleel : 'एमआयएम'चं ठरलं, राज ठाकरेंच्या वक्तव्यावर इम्तियाज जलील बोलले...

औरंगाबाद : गुढीपाडवा मेळाव्यात 'मनसे'प्रमुख राज ठाकरे यांनी मशिदीवरील ( raj thackeray ) भोंगे खाली उतरवण्याची मागणी केली. त्यानंतर यावर वेगवेगळ्या राजकीय पक्षांच्या प्रतिक्रिया येत आहे. मात्र, याचवेळी मुस्लिम चेहरा असलेल्या एमआयएम पक्षाने राज ठाकरेंच्या या वक्तव्यावर प्रतिक्रिया देणे टाळले आहे. राज ठाकरेंच्या वक्तव्यावर एमआयएमने 'नो कमेंट' म्हणत ( imtiaz jaleel reaction on raj thackeray statement ) लगेचच प्रतिक्रिया देणं टाळलं आहे. तर योग्यवेळी बोलू असेही एमआयएमचे प्रदेशाध्यक्ष आणि खासदार इम्तियाज जलील ( imtiaz jaleel ) म्हणाले.

राज ठाकरेंनी केलेल्या वक्तव्यानंतर माध्यमांनी एमआयएमचे नेते जलील यांच्याशी संपर्क साधला. सध्या राज ठाकरे यांच्या भाषणावर कोणतीही प्रतिक्रिया आम्हाला द्यायची नाही. तसेच महाराष्ट्रातील सर्वच नेत्यांना आणि कार्यकर्त्यांना राज ठाकरे यांच्यावर न बोलण्याच्या सूचना मी स्वतः दिल्या असल्याचं जलील म्हणाले. मात्र, यावर आम्ही योग्यवेळी बोलू, असेही जलील म्हणाले. त्यामुळे 'एमआयएम' गप्प का? असाही प्रश्न उपस्थित होत आहे.

औरंगाबादमध्ये २२ मजली इमारतीला परवानगी

काय म्हणाले राज ठाकरे...

प्रार्थनेला विरोध नाही. पण मशिदीवरील लागलेले भोंगे खाली उतरवावेच लागतील. या सरकारला हा निर्णय घ्यावा लागेल अन्यथा जिथे जिथे भोंगे लागतील तिथे दुप्पट लाऊडस्पीकर लावून हनुमान चालीसा लावू, असा इशारा मनसे अध्यक्ष राज ठाकरे यांनी 'मनसे'च्या गुढीपाडवा मेळाव्यात राज ठाकरे यांनी दिला. तर झोपडपट्ट्यांमधील मदरशांवर धाडी टाका, अशी विनंती त्यांनी पंतप्रधान मोदींना केली. पाकिस्तानची गरजच कशाला. उद्या काय घडलं तर आतमध्येच इतकं भरून ठेवले आहे. अनेक मशिदी अशा आहेत, त्यात आत काय चालू आहे कळत नाही. काय काय गोष्टी बाहेर येतील त्याने धडकी भरेल, असेही राज ठाकरे म्हणाले.

अखेर बहुचर्चेत महामार्गावरील अतिक्रमण काढायला सुरुवात; घटनास्थळी पोलिसांचा मोठा बंदोबस्त