...तर सर्वात आधी 'ती' वाईनची दुकान मी फोडणार; मुख्यमंत्री, उपमुख्यमंत्र्यांना जलील यांचा थेट इशारा

औरंगाबादः किराणा दुकान आणि सुपरमार्केटमध्ये वाईन विक्रीला ठाकरे सरकारने नुकतीच परवानगी दिली असून त्यावरून विरोधकांकडून सरकारवर टीका केली जात आहे. त्यातच आता एमआयएमचे खासदार इम्तियाज जलील (imtiaz jaleel) यांनी आक्रमक भूमिका घेतली असून, किराणा दुकान आणि सुपरमार्केटमध्ये सुरू होणाऱ्या वाईन शॉपला फोडणार असल्याचा थेट इशारा दिला आहे. (wine in supermarket maharashtra)

औरंगाबादच्या सुभेदारी विश्रामगृहात झालेल्या पत्रकार परिषदेत बोलताना जलील म्हणाले की, आमची स्पष्ट भूमिका आहे की, सरकारने वाईनची दुकान उघडून दाखवावी आम्ही ती फोडणार, कारण समाजात एक नवीन प्रथा निर्माण करण्याचा सरकारचा प्रयत्न आहे. फुले, शाहू, आंबेडकरांच्या महाराष्ट्रात जर असे होत असेल तर यापेक्षा वाईट गोष्ट काय असू शकते. त्यामुळे आम्ही हे खपवून घेणार नाही. त्यामुळे जर तुम्ही वाईन दुकान उघडण्याचा निर्णय घेतला असेल तर आम्ही सुद्धा फोडण्याचा निर्णय घेतला असल्याचं जलील म्हणाले.

वाचाः आर्वी गर्भपात प्रकरण; कदम रुग्णालयाविरोधात आरोग्य विभागाची मोठी कारवाई

मुख्यमंत्री, उपमुख्यमंत्री यांना थेट आव्हान......

यावेळी बोलताना जलील म्हणाले की, मुख्यमंत्री उद्धव ठाकरे, उपमुख्यमंत्री अजित पवार आणि राज्यात असलेल्या ठाकरे सरकारला माझा थेट इशारा आहे की, तुम्ही औरंगाबाद मध्ये येऊन वाईन दुकानाचे उद्घाटन करून दाखवाच, ती दुकान मी स्वतःता फोडून दाखवतो. तुम्हाला माझ्यावर काय गुन्हे दाखल करायचे करा, पण आम्ही मागे हटणार नाही ,असा थेट इशारा जलील यांनी दिला आहे.

वाचाः वर्ध्यातील ७ भावी डॉक्टरांच्या अपघातापूर्वीचा VIDEO आला समोर, दृश्य पाहून तुम्हीही हादराल