आंतरजातीय प्रेम प्रकरणातून तरुणाच्या भावाचं शिर कापलं

औरंगाबाद: पुरोगामी महाराष्ट्राची मान शरमेनं खाली जाईल अशी घटना औरंगाबादमधील वैजापूर तालुक्यातील लाख- खंडाळा गावात घडली. आंतरजातीय प्रेम प्रकरणातून झालेला वाद विकोपाला पोहोचला आणि मुलीला पळवल्याच्या संशयातून तिच्या वडील आणि काकांनी तरुणाच्या लहान भावाचं शिर धडावेगळं करून निर्घृण हत्या केली. तसंच तरुणाच्या आई-वडिलांवरही प्राणघातक हल्ला केला.

या निर्घृण हत्येच्या घटनेचा सामाजिक कार्यकर्ते आणि गृहमंत्री अनिल देशमुख यांनी तीव्र निषेध केला आहे. या हत्येच्या घटनेची औरंगाबाद पोलिसांनी तातडीनं चौकशी पूर्ण करून ३० दिवसांच्या आत आरोपपत्र दाखल करावं, असे निर्देश देशमुख यांनी दिले आहेत.

गोळीबार, वाहने फोडली

गळा आवळून प्रेयसीचा खून

पोलिसांनी दिलेल्या माहितीनुसार, भीमराज गायकवाड असं हत्या झालेल्या मुलाचं नाव आहे. या प्रकरणी पोलिसांनी देविदास देवकर आणि रोहिदास या दोघांना अटक केली आहे. भीमराजचा मोठा भाऊ आणि देवकर याची २० वर्षीय मुलगी १२ मार्च रोजी पळून गेल्याची माहिती आहे. आरोपींना सोमवारी न्यायालयात हजर केले असता, त्यांना चार दिवसांची पोलीस कोठडी सुनावली आहे.