भारतीय ज्युदो संघाची कसून तयारी
आशियाई स्पर्धेत दहा पदके जिंकण्याचा निर्धार
म. टा. प्रतिनिधी, औरंगाबाद
आशियाई ज्युदो स्पर्धेसाठी सध्या भारतीय ज्युदो संघाचे सराव शिबिर भारतीय क्रीडा प्राधिकरणाच्या (साई) औरंगाबाद येथील प्रशिक्षण केंद्रात सुरू आहे. या स्पर्धेत आठ ते दहा पदके जिंकण्याचा निर्धार संघाने केला असल्याचे ज्युदो संघाचे प्रशिक्षक विजय धिमन यांनी सांगितले.
साई येथील शिबिरात कॅडेट व ज्युनिअर गटातील मुले-मुली सहभागी झाले आहेत. या शिबिरासाठी घेण्यात आलेल्या निवड चाचणीत देशभरातील पाचशेपेक्षा अधिक ज्युदोपटूंनी सहभाग घेतला होता. या चाचणीतून ६४ खेळाडूंची निवड करण्यात आली आहे. कॅडेट गटात व ज्युनिअर गटात प्रत्येकी १६ मुलां-मुलींचा समावेश आहे, अशी माहिती धिमन यांनी दिली.
किर्गिझिस्तान येथे १२ ते १७ जुलै या कालावधीत आशियाई कॅडेट व ज्युनिअर ज्युदो स्पर्धा होणार आहे. त्यासाठी प्रशिक्षक विजय धीमन, राकेश शिंग, कृष्णन लाल, सावत्री चानू, सुषमा अवस्थी हा प्रशिक्षकांचा गट खेळाडूंची कसून तयारी करून घेत आहे. कॅडेट मुलांच्या गटात ५० ते ९० किलो वजन गटात, तर ज्युनिअर गटात ५५ ते १०० किलो वजन गटात खेळाडू सहभागी होतील. कॅडेट मुलींच्या गटात ४० ते ७० किलो, तर ज्युनिअर मुलींच्या गटात ४४ ते ७८ किलो वजन गटातील खेळाडूंचा सहभाग असेल. दिवसभर तीन सत्रात खेळाडू सराव करत असल्याचे राकेश सिंग यांनी सांगितले.
सकाळच्या सत्रात फिटनेस, मॅटवरील टेक्निक, स्ट्रेंथ वाढवण्यावर भर देण्यात येतो. दुपारच्या सत्रात सामन्याचा सराव करण्यात येतो. सायंकाळच्या सत्रातही खेळाशी संबंधित विविध पैलूंची तयारी करून घेण्यात येत असल्याचे धिमन म्हणाले. गतवेळच्या तुलनेत यंदाचा भारतीय संघ नवीन आहे. तरीही किमान आठ ते दहा पदके जिंकून आणण्याची क्षमता या संघात असल्याचे धिमन व सिंग यांनी नमूद केले. आशियाई ज्युदो स्पर्धेत भारतीय संघासमोर जपान, दक्षिण कोरिया, कझाकिस्तान, इराण या देशांच्या ज्युदोपटूंचे आव्हान असणार आहे. भारतीय ज्युदोपटूंनी या खेळाडूंच्या आव्हानाला समर्थपणे सामोरे जावे, याकडे सराव शिबिरात विशेष लक्ष दिले जात आहे. शिबिराचा कालावधी तुलनेने कमी असला तरी कमी वेळेत सर्वोतोपरी तयारी करून घेण्यावर भर असल्याचे धिमन म्हणाले.
आशियाई स्पर्धेत दहा पदके जिंकण्याचा निर्धार
म. टा. प्रतिनिधी, औरंगाबाद
आशियाई ज्युदो स्पर्धेसाठी सध्या भारतीय ज्युदो संघाचे सराव शिबिर भारतीय क्रीडा प्राधिकरणाच्या (साई) औरंगाबाद येथील प्रशिक्षण केंद्रात सुरू आहे. या स्पर्धेत आठ ते दहा पदके जिंकण्याचा निर्धार संघाने केला असल्याचे ज्युदो संघाचे प्रशिक्षक विजय धिमन यांनी सांगितले.
साई येथील शिबिरात कॅडेट व ज्युनिअर गटातील मुले-मुली सहभागी झाले आहेत. या शिबिरासाठी घेण्यात आलेल्या निवड चाचणीत देशभरातील पाचशेपेक्षा अधिक ज्युदोपटूंनी सहभाग घेतला होता. या चाचणीतून ६४ खेळाडूंची निवड करण्यात आली आहे. कॅडेट गटात व ज्युनिअर गटात प्रत्येकी १६ मुलां-मुलींचा समावेश आहे, अशी माहिती धिमन यांनी दिली.
किर्गिझिस्तान येथे १२ ते १७ जुलै या कालावधीत आशियाई कॅडेट व ज्युनिअर ज्युदो स्पर्धा होणार आहे. त्यासाठी प्रशिक्षक विजय धीमन, राकेश शिंग, कृष्णन लाल, सावत्री चानू, सुषमा अवस्थी हा प्रशिक्षकांचा गट खेळाडूंची कसून तयारी करून घेत आहे. कॅडेट मुलांच्या गटात ५० ते ९० किलो वजन गटात, तर ज्युनिअर गटात ५५ ते १०० किलो वजन गटात खेळाडू सहभागी होतील. कॅडेट मुलींच्या गटात ४० ते ७० किलो, तर ज्युनिअर मुलींच्या गटात ४४ ते ७८ किलो वजन गटातील खेळाडूंचा सहभाग असेल. दिवसभर तीन सत्रात खेळाडू सराव करत असल्याचे राकेश सिंग यांनी सांगितले.
सकाळच्या सत्रात फिटनेस, मॅटवरील टेक्निक, स्ट्रेंथ वाढवण्यावर भर देण्यात येतो. दुपारच्या सत्रात सामन्याचा सराव करण्यात येतो. सायंकाळच्या सत्रातही खेळाशी संबंधित विविध पैलूंची तयारी करून घेण्यात येत असल्याचे धिमन म्हणाले. गतवेळच्या तुलनेत यंदाचा भारतीय संघ नवीन आहे. तरीही किमान आठ ते दहा पदके जिंकून आणण्याची क्षमता या संघात असल्याचे धिमन व सिंग यांनी नमूद केले. आशियाई ज्युदो स्पर्धेत भारतीय संघासमोर जपान, दक्षिण कोरिया, कझाकिस्तान, इराण या देशांच्या ज्युदोपटूंचे आव्हान असणार आहे. भारतीय ज्युदोपटूंनी या खेळाडूंच्या आव्हानाला समर्थपणे सामोरे जावे, याकडे सराव शिबिरात विशेष लक्ष दिले जात आहे. शिबिराचा कालावधी तुलनेने कमी असला तरी कमी वेळेत सर्वोतोपरी तयारी करून घेण्यावर भर असल्याचे धिमन म्हणाले.