म. टा. प्रतिनिधी, छत्रपती संभाजीनगर : सुक्या मेव्याला तशी कमी-अधिक प्रमाणात बाराही महिने मागणी असली तरी दर हिवाळ्यात आणि रमजानच्या काळात सुक्या मेव्याला हमखास सर्वाधिक मागणी असते. उन्हाळ्यात ही मागणी तुलनेने कमी असते; परंतु यंदा रमजान महिना हा भर उन्हाळ्यात आल्यामुळे सुक्या मेव्याला मागणी वाढली आहे. सध्या तरी पेंड खजुरांची सर्वाधिक विक्री होत असली तरी पुढील आठवड्यापासून सर्वच सुक्या मेव्याची विक्री काहीपटींनी वाढणार असल्याची चिन्हे आहेत.
रमजानच्या काळात दररोजचा उपवास सोडण्यासाठी पेंड खजुरांचा आवर्जून वापर होतो. त्यामुळे गेल्या आठवड्यापासून संपूर्ण शहरात पेंड खजुरांची विक्री कितीतरी पटींनी वाढली आहे. पुन्हा रमझानच्या पार्श्वभूमीवर खजुरांसह सर्वच प्रकारच्या सुक्या मेव्याची भरभरून आवक झाली आहे. अर्थात, रमजानच्या सुरुवातीच्या काळात खजुरांना सर्वाधिक मागणी असते आणि ईदजवळ येताच शिरखुर्म्यासाठी लागणाऱ्या समस्त सुक्या मेव्याची तसेच खोबऱ्याची मागणी वाढते. साहजिकच या काळात पहिले दोन आठवडे खजुरांची धडाक्यात विक्री होत असते. यानिमित्ताने सुक्या मेव्याच्या बहुतांश दुकानांमध्ये किमान डझन-दोन डझन प्रकारचे खजुर दिसून येत आहेत. तसे तर एकूण दीडशे प्रकारचे खजुर असतात, असे सांगताना व्यापारी इसुफ खान सुलेमान खान म्हणाले, आपल्या शहरात सर्वसाधारणपणे १०० रुपयांपासून ते १४०० रुपये किलोग्रॅमपर्यंतचे खजुर विक्रीसाठी उपलब्ध होतात. त्यातही अज्वा, अंबर, कल्मी, जबरी, सुलतान आदी प्रकारच्या खजुरांना अधिक मागणी असते. त्याशिवाय ईदला केल्या जाणाऱ्या शिर्खुर्म्यासाठी काजू, बदाम, पिस्ता, आक्रोड अशा सगळ्याच सुक्यामेव्याचा हमखास वापर होतो. सद्यस्थितीत काजू व बदाम ६५० ते १४०० रुपये किलोग्रॅम अशा दराने विक्री होत असल्याचेही सांगण्यात आले.
रमजाननिमित्त सर्व प्रकारच्या ड्रायफ्रुटसला मागणी असतेच; शिवाय खास वाफेवर तयार केलेल्या प्रक्रियायुक्त फळांनाही मागणी वाढल्याचे दिसून येत आहे. या प्रकारांमध्ये आवळा, किव्ही, रोजबेरी, मिक्स फ्रुट, जिंजर कॅन्डी, हापूस आंबा, ब्लॅक बेरी, कच्चे संत्रे, लिची आदी वाफाळलेली फळे ग्राहकांना आकर्षित करुन घेत आहेत. या खास पद्धतीने वाळवलेल्या व काचेच्या बरण्यांमध्ये ठेवलेल्या फळांची २८० ते ८०० रुपये किलोग्रॅमपर्यंत विक्री होत आहे.
एकूण सुक्या मेव्यामध्ये सर्वाधिक आवक व अर्थातच सर्वाधिक विक्री ही पेंड खजुरांची होत असून, हेच चित्र दरवर्षीचे आहे. मात्र यंदा खजुरांच्या किंमतीमध्ये काही प्रमाणात वाढ झाल्याचेही सांगण्यात आले. मागच्या वर्षी पाच किलोग्रॅमच्या पॅकचे दर हे ८०० ते १२०० रुपयांपर्यंत होते, तर यंदा हेच दर १२०० ते १५०० रुपयांपर्यंत गेले आहेत, असेही विक्रेत्यांनी सांगितले.
ड्रायफ्रुटच्या दुकानांमध्ये सुका मेवा घेणाऱ्यांची लक्षणीय संख्या असली तरी हातगाड्यांवरील सुका मेव्याची खरेदी करणाऱ्यांची संख्या खूप जास्त असल्याचेही दिसून येत आहे. विशेष म्हणजे शहागंज, गुलमंडी, औरंगपुरा, गारखेडा, पुंडलिक नगर आदी वेगवेगळ्या भागांमध्ये हातगाड्यांवर सुक्यामेव्याची विक्री होताना दिसून येत आहे.
वाफेवरील खास फळांची बहार
रमजाननिमित्त सर्व प्रकारच्या ड्रायफ्रुटसला मागणी असतेच; शिवाय खास वाफेवर तयार केलेल्या प्रक्रियायुक्त फळांनाही मागणी वाढल्याचे दिसून येत आहे. या प्रकारांमध्ये आवळा, किव्ही, रोजबेरी, मिक्स फ्रुट, जिंजर कॅन्डी, हापूस आंबा, ब्लॅक बेरी, कच्चे संत्रे, लिची आदी वाफाळलेली फळे ग्राहकांना आकर्षित करुन घेत आहेत. या खास पद्धतीने वाळवलेल्या व काचेच्या बरण्यांमध्ये ठेवलेल्या फळांची २८० ते ८०० रुपये किलोग्रॅमपर्यंत विक्री होत आहे.
दरांमध्ये काही प्रमाणात वाढ
एकूण सुक्या मेव्यामध्ये सर्वाधिक आवक व अर्थातच सर्वाधिक विक्री ही पेंड खजुरांची होत असून, हेच चित्र दरवर्षीचे आहे. मात्र यंदा खजुरांच्या किंमतीमध्ये काही प्रमाणात वाढ झाल्याचेही सांगण्यात आले. मागच्या वर्षी पाच किलोग्रॅमच्या पॅकचे दर हे ८०० ते १२०० रुपयांपर्यंत होते, तर यंदा हेच दर १२०० ते १५०० रुपयांपर्यंत गेले आहेत, असेही विक्रेत्यांनी सांगितले.
हातगाड्यांवरही लक्षणीय विक्री
ड्रायफ्रुटच्या दुकानांमध्ये सुका मेवा घेणाऱ्यांची लक्षणीय संख्या असली तरी हातगाड्यांवरील सुका मेव्याची खरेदी करणाऱ्यांची संख्या खूप जास्त असल्याचेही दिसून येत आहे. विशेष म्हणजे शहागंज, गुलमंडी, औरंगपुरा, गारखेडा, पुंडलिक नगर आदी वेगवेगळ्या भागांमध्ये हातगाड्यांवर सुक्यामेव्याची विक्री होताना दिसून येत आहे.