म. टा. प्रतिनिधी, औरंगाबाद
मिटमिटा परिसरातील खासगी जागेवर कचरा टाकणाऱ्या महापालिकेच्या गाड्यांना बुधवारी नागरिकांनी तीव्र विरोध केला. नागरिक आणि पोलिसांमध्ये दोन तास झालेल्या धुमश्चक्रीमध्ये आंदोलनकर्त्या महिलांवर पोलिसांनी महिला दिनाच्या पूर्वसंध्येला लाठीहल्ला केला. यात अनेक महिला जखमी झाल्या.
बुधवारी दुपारी दोनच्या सुमारास पोलिस बंदोबस्तात गाड्या मिटमिट्यात पोचल्या. पालिका प्रशासनाच्या कारवाईची चाहूल मिटमिट्याच्या रहिवाशांना सकाळीच लागली होती. त्यामुळे त्यांनी बैठका घेऊन आपली भूमिका ठरविली होती. गावालगत कचरा टाकला गेला तर आरोग्यासह अनेक प्रश्न उदभवतील, या शक्यतेने नागरिक जमा झाले. गाड्या दाखल होताच विरोध सुरू झाला. कचरा टाकण्यास विरोध करत नागरिकांनी गाड्या अडविल्या आणि दगडफेक झाली. दोन तास झालेल्या दगडफेकीदरम्यान पोलिसांनी आंदोलकांवर लाठीहल्ल्याचे हत्यार उपसले. त्यात गावातील महिला आंदोलकही सुटल्या नाहीत. त्यात अनेक महिला जखमी झाल्या. जगभर गुरुवारी जागतिक महिला दिन साजरा होणार आहे. एकीकडे नारीशक्तीचा गौरव करण्यासाठी विविध कार्यक्रमांचे आयोजन केलेले असताना महिला दिनाच्या पूर्वसंध्येला मात्र मिटमिट्यातील महिलांना लाठीहल्ल्याला सामोरे जावे लागले. जखमी महिलांवर खाजगी रुग्णालयात उपचार करण्यात आले. या घटनेचा मिटमिट्यातील नागरिकांनी तीव्र शब्दात निषेध केला.
मिटमिटा परिसरातील खासगी जागेवर कचरा टाकणाऱ्या महापालिकेच्या गाड्यांना बुधवारी नागरिकांनी तीव्र विरोध केला. नागरिक आणि पोलिसांमध्ये दोन तास झालेल्या धुमश्चक्रीमध्ये आंदोलनकर्त्या महिलांवर पोलिसांनी महिला दिनाच्या पूर्वसंध्येला लाठीहल्ला केला. यात अनेक महिला जखमी झाल्या.
बुधवारी दुपारी दोनच्या सुमारास पोलिस बंदोबस्तात गाड्या मिटमिट्यात पोचल्या. पालिका प्रशासनाच्या कारवाईची चाहूल मिटमिट्याच्या रहिवाशांना सकाळीच लागली होती. त्यामुळे त्यांनी बैठका घेऊन आपली भूमिका ठरविली होती. गावालगत कचरा टाकला गेला तर आरोग्यासह अनेक प्रश्न उदभवतील, या शक्यतेने नागरिक जमा झाले. गाड्या दाखल होताच विरोध सुरू झाला. कचरा टाकण्यास विरोध करत नागरिकांनी गाड्या अडविल्या आणि दगडफेक झाली. दोन तास झालेल्या दगडफेकीदरम्यान पोलिसांनी आंदोलकांवर लाठीहल्ल्याचे हत्यार उपसले. त्यात गावातील महिला आंदोलकही सुटल्या नाहीत. त्यात अनेक महिला जखमी झाल्या. जगभर गुरुवारी जागतिक महिला दिन साजरा होणार आहे. एकीकडे नारीशक्तीचा गौरव करण्यासाठी विविध कार्यक्रमांचे आयोजन केलेले असताना महिला दिनाच्या पूर्वसंध्येला मात्र मिटमिट्यातील महिलांना लाठीहल्ल्याला सामोरे जावे लागले. जखमी महिलांवर खाजगी रुग्णालयात उपचार करण्यात आले. या घटनेचा मिटमिट्यातील नागरिकांनी तीव्र शब्दात निषेध केला.