म. टा. प्रतिनिधी, औरंगाबाद
वकिलाला मारहाण करीत दुचाकीवरील तिघांनी ४३ हजाराचा ऐवज लंपास केला. सिडको एन ३ भागात शनिवारी सायंकाळी साडेसात वाजता हा प्रकार घडला. याप्रकरणी अज्ञात आरोपीविरुद्ध पुंडलिकनगर पोलिस ठाण्यात जबरी चोरीचा गुन्हा दाखल करण्यात आला आहे.
अविनाश आत्माराम फड (वय २५, रा. डिघुळे निवास, १३ वी योजना) हे व्यवसायाने वकील आहेत. शनिवारी दिवसभर कोर्टात काम केल्यानंतर फड गवारे नावाच्या व्यक्तीच्या ऑफीसमध्ये गेले. यानंतर मोबाइलवर आजोबाशी बोलत ते पायी एन ३ भागातून जात होते. यावेळी एका दुचाकीवर तीन अनोळखी तरुण त्यांच्या जवळ आले. या आरोपींनी त्यांच्या डोक्यात दगड मारीत मारहाण केली. तसेच त्यांच्या गळ्यातील सोन्याची चैन व आठ हजाराचा मोबाइल हिसकावून पसार झाले. याप्रकरणी फड यांच्या तक्रारीवरून पोलिस ठाण्यात जबरी चोरीचा गुन्हा दाखल करण्यात आला असून पीएसआय पवार तपास करीत आहेत.
वकिलाला मारहाण करीत दुचाकीवरील तिघांनी ४३ हजाराचा ऐवज लंपास केला. सिडको एन ३ भागात शनिवारी सायंकाळी साडेसात वाजता हा प्रकार घडला. याप्रकरणी अज्ञात आरोपीविरुद्ध पुंडलिकनगर पोलिस ठाण्यात जबरी चोरीचा गुन्हा दाखल करण्यात आला आहे.
अविनाश आत्माराम फड (वय २५, रा. डिघुळे निवास, १३ वी योजना) हे व्यवसायाने वकील आहेत. शनिवारी दिवसभर कोर्टात काम केल्यानंतर फड गवारे नावाच्या व्यक्तीच्या ऑफीसमध्ये गेले. यानंतर मोबाइलवर आजोबाशी बोलत ते पायी एन ३ भागातून जात होते. यावेळी एका दुचाकीवर तीन अनोळखी तरुण त्यांच्या जवळ आले. या आरोपींनी त्यांच्या डोक्यात दगड मारीत मारहाण केली. तसेच त्यांच्या गळ्यातील सोन्याची चैन व आठ हजाराचा मोबाइल हिसकावून पसार झाले. याप्रकरणी फड यांच्या तक्रारीवरून पोलिस ठाण्यात जबरी चोरीचा गुन्हा दाखल करण्यात आला असून पीएसआय पवार तपास करीत आहेत.