औरंगाबाद : रेल्वे स्टेशनच्या मालधक्क्यावर मालाची वाहतूक थांबलेली आहे. मालधक्क्यावर रेल्वेतून आलेला युरिया अद्याप उतरविण्यात आलेला नाही. दोन दिवसांपूर्वी हमालांनी काम सुरू केले होते. त्यानंतर त्यांचे काम बंद पडले. घरातून मालधक्क्याकडे येत असताना, पोलिस विभागाचे कर्मचारी या हमालांना येऊ देत नसल्याची तक्रार सोमवारी (३० मार्च) हमाल संघटनेचे अध्यक्ष मुसा चाऊस यांनी जिल्हा पुरवठा अधिकारी महादेव किरवले यांच्याकडे केली. किरवले यांनी याबाबत पोलिस उपायुक्त मीना मकवाना यांच्याशी संपर्क साधला. मकवाना यांच्याकडे हमाल संघटनेचे अध्यक्ष मुसा चाऊस व रेल्वे अधिकारी धनंजय सिंग यांची बैठक झाली. या बैठकीत मालवाहतूक ही अत्यावश्यक सेवेत येत आहे. यामुळे हमालांना रेल्वेतून माल उतरविण्यासाठी पास देण्यात येतील, असे आदेश संबंधित अधिकाऱ्यांना देण्यात आले. या आदेशानंतर मंगळवारी (३१ मार्च) मालगाडीतून माल उतरविण्याची कारवाई सुरू होईल, अशी शक्यता वर्तविण्यात येत आहे.
मालधक्यावरील हमालांना परवाना
रेल्वे स्टेशनच्या मालधक्क्यावर मालाची वाहतूक थांबलेली आहे मालधक्क्यावर रेल्वेतून आलेला युरिया अद्याप उतरविण्यात आलेला नाही...
महाराष्ट्र टाइम्स.कॉम 31 Mar 2020, 4:00 am