म. टा. प्रतिनिधी, औरंगाबाद
संबळ, दिमडी, डफ, ढोलकी, तुणतुणे या लोकवाद्यांच्या निनादाने रसिकांना महाराष्ट्रीय लोकसंगीताचा मनमुराद आनंद दिला. रोटरी क्लब ऑफ औरंगाबाद कॅन्टोन्मेंट यांनी विभागीय लोकांगण महोत्सव घेतला. मराठवाड्याच्या आठ जिल्ह्यांतील लोककलावंतांनी बहारदार सादरीकरण करून महोत्सव गाजवला.
रोटरी क्लब ऑफ औरंगाबाद कॅन्टोन्मेंट यांच्या वतीने ज्येष्ठ पत्रकार पी. जी. शिंदे यांच्या स्मृतीप्रित्यर्थ पारंपरिक लोककलांचा ‘लोकांगण महोत्सव’ घेण्यात आला. संत एकनाथ रंगमंदिरात रविवारी या विभागीय महोत्सवात ४० संघ सहभागी झाले. जागरण, गोंधळ, भेदिक, सारजा, लावणी, बतावणी अशा कला प्रकारांनी धमाल उडवली. जय मल्हार वाघे मंडळ (जिंतूर) यांनी ‘आल्या आल्या हो पाच गवळणी, पाच रंगाचा शिनगार करूनी’ ही पारंपरिक रचना सादर केली. पाच रंगांच्या साड्या परिधान केलेली गवळण रसिकांची दाद घेऊन गेली. शिवशक्ती कला संघ (फुलंब्री) यांनी ‘सारजा’ ही दुर्मिळ लोककला सादर केली. सरस्वतीची आराधना करणारा या कला प्रकाराने रसिकांना खिळवून ठेवले. जय मल्हार वाघे मंडळ (भिवपूर) यांनी ‘मल्हारी हो मल्हारी जेजूर गडावरी’ रचना ‘भेदिक’ कला प्रकारात मांडली. ‘गोंधळाला ये अंबे’ अशी साद घालत जय शिव मल्हार इंदूरकर यांचे जागरण रंगले. गोंधळसम्राट राजारामबापू कदम कला मंच (परभणी) यांचा गोंधळ लक्षवेधी ठरला. हरिभाऊ कदम आणि सहकाऱ्यांनी गोंधळाचे पारंपरिक दर्शन घडवले. औरंगाबाद जिल्ह्यासह मराठवाड्यातील कला संघांनी वैविध्यपूर्ण कलांचे दर्शन घडवले. उत्तम सादरीकरणासाठी संघांना पारितोषिके प्रदान करण्यात आली.
दरम्यान, या महोत्सवाला महापालिकेचे स्थायी समितीचे सभापती गजानन बारवाल, गायक प्रमोद सरकटे यांची प्रमुख उपस्थिती होती. महोत्सवाचे संयोजन रोटरी क्लबचे अध्यक्ष प्रशांत शिंदे, डॉ. डॉन अंबिलढगे यांनी केले. कार्यक्रमाच्या यशस्वितेसाठी प्रा. मिलिंद साळवी, जे. सी. फ्रान्सिस, जेम्स अंबिलढगे, प्रमोद सावंत, संदीप सेठी, एम. एस. पाटील, सोमनाथ लहाने, प्रा. वसंत जाधव, दयाल मेवानी, कैसर खान आदींनी सहकार्य केले. यावेळी रसिक व कलाकार मोठ्या संख्येने उपस्थित होते.
बतावणी रंगली
लोकांगण महोत्सवात ‘बतावणी’ कला प्रकाराचे शाहीर रमेश गिरी व मधुकर पाटील यांनी खुमासदार दर्शन घडवले. नवरा बायकोच्या भांडणाचा फार्स सादर करून रसिकांना खळखळून हसवले. उपहास, कोट्या, कोपरखळ्या आणि उत्तम अभिनयाला रसिकांनीही भरभरून प्रतिसाद दिला.
संबळ, दिमडी, डफ, ढोलकी, तुणतुणे या लोकवाद्यांच्या निनादाने रसिकांना महाराष्ट्रीय लोकसंगीताचा मनमुराद आनंद दिला. रोटरी क्लब ऑफ औरंगाबाद कॅन्टोन्मेंट यांनी विभागीय लोकांगण महोत्सव घेतला. मराठवाड्याच्या आठ जिल्ह्यांतील लोककलावंतांनी बहारदार सादरीकरण करून महोत्सव गाजवला.
रोटरी क्लब ऑफ औरंगाबाद कॅन्टोन्मेंट यांच्या वतीने ज्येष्ठ पत्रकार पी. जी. शिंदे यांच्या स्मृतीप्रित्यर्थ पारंपरिक लोककलांचा ‘लोकांगण महोत्सव’ घेण्यात आला. संत एकनाथ रंगमंदिरात रविवारी या विभागीय महोत्सवात ४० संघ सहभागी झाले. जागरण, गोंधळ, भेदिक, सारजा, लावणी, बतावणी अशा कला प्रकारांनी धमाल उडवली. जय मल्हार वाघे मंडळ (जिंतूर) यांनी ‘आल्या आल्या हो पाच गवळणी, पाच रंगाचा शिनगार करूनी’ ही पारंपरिक रचना सादर केली. पाच रंगांच्या साड्या परिधान केलेली गवळण रसिकांची दाद घेऊन गेली. शिवशक्ती कला संघ (फुलंब्री) यांनी ‘सारजा’ ही दुर्मिळ लोककला सादर केली. सरस्वतीची आराधना करणारा या कला प्रकाराने रसिकांना खिळवून ठेवले. जय मल्हार वाघे मंडळ (भिवपूर) यांनी ‘मल्हारी हो मल्हारी जेजूर गडावरी’ रचना ‘भेदिक’ कला प्रकारात मांडली. ‘गोंधळाला ये अंबे’ अशी साद घालत जय शिव मल्हार इंदूरकर यांचे जागरण रंगले. गोंधळसम्राट राजारामबापू कदम कला मंच (परभणी) यांचा गोंधळ लक्षवेधी ठरला. हरिभाऊ कदम आणि सहकाऱ्यांनी गोंधळाचे पारंपरिक दर्शन घडवले. औरंगाबाद जिल्ह्यासह मराठवाड्यातील कला संघांनी वैविध्यपूर्ण कलांचे दर्शन घडवले. उत्तम सादरीकरणासाठी संघांना पारितोषिके प्रदान करण्यात आली.
दरम्यान, या महोत्सवाला महापालिकेचे स्थायी समितीचे सभापती गजानन बारवाल, गायक प्रमोद सरकटे यांची प्रमुख उपस्थिती होती. महोत्सवाचे संयोजन रोटरी क्लबचे अध्यक्ष प्रशांत शिंदे, डॉ. डॉन अंबिलढगे यांनी केले. कार्यक्रमाच्या यशस्वितेसाठी प्रा. मिलिंद साळवी, जे. सी. फ्रान्सिस, जेम्स अंबिलढगे, प्रमोद सावंत, संदीप सेठी, एम. एस. पाटील, सोमनाथ लहाने, प्रा. वसंत जाधव, दयाल मेवानी, कैसर खान आदींनी सहकार्य केले. यावेळी रसिक व कलाकार मोठ्या संख्येने उपस्थित होते.
बतावणी रंगली
लोकांगण महोत्सवात ‘बतावणी’ कला प्रकाराचे शाहीर रमेश गिरी व मधुकर पाटील यांनी खुमासदार दर्शन घडवले. नवरा बायकोच्या भांडणाचा फार्स सादर करून रसिकांना खळखळून हसवले. उपहास, कोट्या, कोपरखळ्या आणि उत्तम अभिनयाला रसिकांनीही भरभरून प्रतिसाद दिला.