म. टा. विशेष प्रतिनिधी ,औरंगाबाद
उस्मानाबाद-लातूर-बीड विधान परिषद निवडणुकीत प्रथमच भारतीय जनता पक्षाचे उमेदवार सुरेश धस यांनी ७६ मतांनी विजय मिळवला आहे, तर राष्ट्रवादी काँग्रेस पुरस्कृत अपक्ष उमेदवार अशोक जगदाळे यांचा पराभव झाला आहे. या विजयामुळे ग्रामविकासमंत्री पंकजा मुंडे यांनी प्रतिष्टेच्या लढतीत बाजी मारली आहे. राष्ट्रवादी काँग्रेसचे विरोधी पक्ष नेते धनंजय मुंडे यांना जोरदार धक्का बसला आहे.
भाजपचे उमेदवार सुरेश धस यांना ५२७, राष्ट्रवादी काँग्रेस पुरस्कृत अपक्ष उमेदवार अशोक जगदाळे यांना ४५१ मते मिळाली. मतपत्रिकेवर आकडे लिहिलेले असल्याने २५ मते बाद ठरली आहेत. सुरेश धस आणि पराभूत उमेदवार अशोक जगदाळे यांच्यात मतांवरून वाद झाला होता. निवडणूक निर्णय अधिकारी व उस्मानाबादचे जिल्हाधिकारी राधाकृष्ण गमे यांनी शिष्ठाई करून हा वाद मिटविला.
राष्ट्रवादीचे नेते धनंजय मुंडे आणि भाजप नेत्या, राज्याच्या महिला बालविकास व ग्रामविकास मंत्री पंकजा मुंडे यांनी ही निवडणूक प्रतिष्ठेची केली होती. त्यात पंकजा मुंडे यांनी बाजी मारली असून, धनंजय मुंडे यांना मोठा धक्का बसला आहे. राष्ट्रवादीने रमेश कराड यांना उमेदवारी दिली होती, मात्र त्यांनी ऐनवेळी अर्ज मागे घेतल्याने 'राष्ट्रवादी'ची आणि पर्यायाने धनंजय मुंडेंची चांगलीच पंचाईत झाली होती. त्यामुळे राष्ट्रवादीला ऐनवेळी बंडखोरी करत अपक्ष उमेदवारी अर्ज दाखल केलेल्या अशोक जगदाळे यांना पाठिंबा द्यावा लागला होता. राष्ट्रवादीला बसलेला हा मोठा धक्का अंतिम निकालातही कायम राहिला. सलग तीन निवडणुकांत (१८वर्षे) काँग्रेसचे नेते व माजी मंत्री दिलीप देशमुख यांनी या मतदारसंघाचे प्रतिनिधित्व केले आहे.
संख्याबळ नसूनही धस यांनी हा विजय मिळविला आहे. निवडणुकीपूर्वी भाजप आणि मित्रपक्षांचे संख्याबळ जवळपास ४०० होते, मात्र १००पेक्षा जास्त मतांनी पिछाडीवर असूनही, सुरेश धस यांनी राष्ट्रवादी पुरस्कृत अपक्ष उमेदवारापेक्षा तब्बल ७६ मते जास्त मिळवली. लातूर -उस्मानाबाद-बीड स्थानिक स्वराज्य मतदारसंघाच्या निवडणुकीपूर्वी बीड नगरपालिकेच्या दहा सदस्यांना राज्यमंत्री रणजित पाटील यांनी अपात्र ठरविले होते. या निर्णयाला औरंगाबाद खंडपीठात आव्हान दिल्यामुळे मतमोजणी १८ दिवस लांबणीवर पडली होती. त्या दहा नगरसेवकांची मते एकत्रित मोजावी, असे निर्देश खंडपीठाने सोमवारी दिले होते.
निकाल हा धनशक्तीच्या विरोधातील विजय आहे. प्रलोभने दाखवत राष्ट्रवादीने ही निवडणूक जिंकण्याचा प्रयत्न केला. साम, दाम, दंड, भेद कोणाचा होता हा निर्णय जनतेने घ्यावा
- सुरेश धस, विजयी उमेदवार
उस्मानाबाद जिल्ह्यात काँग्रेसने राष्ट्रवादीचा विश्वासघात केला. आघाडीचा धर्म पाळू असे त्यांनी म्हटले, पण त्यांनी धर्म पाळला नाही. उलट राष्ट्रावीदीने माझ्या बाजूने पूर्णपणे ताकद लावली.
- अशोक जगदाळे, पराभूत उमेदवार
\Bअंतिम निकाल
\Bएकूण मतदार : १००५
झालेले मतदान : १००३
सुरेश धस : ५२७
अशोक जगदाळे : ४५१
अवैध मते : २५
उस्मानाबाद-लातूर-बीड विधान परिषद निवडणुकीत प्रथमच भारतीय जनता पक्षाचे उमेदवार सुरेश धस यांनी ७६ मतांनी विजय मिळवला आहे, तर राष्ट्रवादी काँग्रेस पुरस्कृत अपक्ष उमेदवार अशोक जगदाळे यांचा पराभव झाला आहे. या विजयामुळे ग्रामविकासमंत्री पंकजा मुंडे यांनी प्रतिष्टेच्या लढतीत बाजी मारली आहे. राष्ट्रवादी काँग्रेसचे विरोधी पक्ष नेते धनंजय मुंडे यांना जोरदार धक्का बसला आहे.
भाजपचे उमेदवार सुरेश धस यांना ५२७, राष्ट्रवादी काँग्रेस पुरस्कृत अपक्ष उमेदवार अशोक जगदाळे यांना ४५१ मते मिळाली. मतपत्रिकेवर आकडे लिहिलेले असल्याने २५ मते बाद ठरली आहेत. सुरेश धस आणि पराभूत उमेदवार अशोक जगदाळे यांच्यात मतांवरून वाद झाला होता. निवडणूक निर्णय अधिकारी व उस्मानाबादचे जिल्हाधिकारी राधाकृष्ण गमे यांनी शिष्ठाई करून हा वाद मिटविला.
राष्ट्रवादीचे नेते धनंजय मुंडे आणि भाजप नेत्या, राज्याच्या महिला बालविकास व ग्रामविकास मंत्री पंकजा मुंडे यांनी ही निवडणूक प्रतिष्ठेची केली होती. त्यात पंकजा मुंडे यांनी बाजी मारली असून, धनंजय मुंडे यांना मोठा धक्का बसला आहे. राष्ट्रवादीने रमेश कराड यांना उमेदवारी दिली होती, मात्र त्यांनी ऐनवेळी अर्ज मागे घेतल्याने 'राष्ट्रवादी'ची आणि पर्यायाने धनंजय मुंडेंची चांगलीच पंचाईत झाली होती. त्यामुळे राष्ट्रवादीला ऐनवेळी बंडखोरी करत अपक्ष उमेदवारी अर्ज दाखल केलेल्या अशोक जगदाळे यांना पाठिंबा द्यावा लागला होता. राष्ट्रवादीला बसलेला हा मोठा धक्का अंतिम निकालातही कायम राहिला. सलग तीन निवडणुकांत (१८वर्षे) काँग्रेसचे नेते व माजी मंत्री दिलीप देशमुख यांनी या मतदारसंघाचे प्रतिनिधित्व केले आहे.
संख्याबळ नसूनही धस यांनी हा विजय मिळविला आहे. निवडणुकीपूर्वी भाजप आणि मित्रपक्षांचे संख्याबळ जवळपास ४०० होते, मात्र १००पेक्षा जास्त मतांनी पिछाडीवर असूनही, सुरेश धस यांनी राष्ट्रवादी पुरस्कृत अपक्ष उमेदवारापेक्षा तब्बल ७६ मते जास्त मिळवली. लातूर -उस्मानाबाद-बीड स्थानिक स्वराज्य मतदारसंघाच्या निवडणुकीपूर्वी बीड नगरपालिकेच्या दहा सदस्यांना राज्यमंत्री रणजित पाटील यांनी अपात्र ठरविले होते. या निर्णयाला औरंगाबाद खंडपीठात आव्हान दिल्यामुळे मतमोजणी १८ दिवस लांबणीवर पडली होती. त्या दहा नगरसेवकांची मते एकत्रित मोजावी, असे निर्देश खंडपीठाने सोमवारी दिले होते.
निकाल हा धनशक्तीच्या विरोधातील विजय आहे. प्रलोभने दाखवत राष्ट्रवादीने ही निवडणूक जिंकण्याचा प्रयत्न केला. साम, दाम, दंड, भेद कोणाचा होता हा निर्णय जनतेने घ्यावा
- सुरेश धस, विजयी उमेदवार
उस्मानाबाद जिल्ह्यात काँग्रेसने राष्ट्रवादीचा विश्वासघात केला. आघाडीचा धर्म पाळू असे त्यांनी म्हटले, पण त्यांनी धर्म पाळला नाही. उलट राष्ट्रावीदीने माझ्या बाजूने पूर्णपणे ताकद लावली.
- अशोक जगदाळे, पराभूत उमेदवार
\Bअंतिम निकाल
\Bएकूण मतदार : १००५
झालेले मतदान : १००३
सुरेश धस : ५२७
अशोक जगदाळे : ४५१
अवैध मते : २५