औरंगाबाद : मराठवाड्यात खळबळ उडवून देणाऱ्या 'तीस तीस' घोटाळ्यातील (tis tis scam) मुख्य आरोपी संतोष राठोड याला शुक्रवारी पोलिसांनी अटक केली होती. त्यानंतर राठोड याला आज पैठण न्यायालयात हजर केले असता, न्यायालयाने तीन दिवसांची पोलिस कोठडी सुनावली आहे. त्यामुळे आता या घोटाळ्याची व्याप्ती किती आहे, हे पोलीस तपासातून समोर येणार आहे. औरंगाबादच्या समृद्धी महामार्ग आणि डीएमआयसी प्रकल्पात जमीन संपादित झालेल्या शेतकऱ्यांना आकर्षक परतावा देण्याचे आमिष दाखवून कोट्यावधी रुपयांचा घोटाळा करणाऱ्या सचिन उर्फ संतोष राठोड याला औरंगाबाद ग्रामीण पोलिसांनी शुक्रवारी अटक केली होती. त्यानंतर आज दुपारी त्याला पैठणच्या न्यायालयात हजर केले असता न्यायालयाने २४ जानेवारीपर्यंत पोलीस कोठडी सुनावली आहे.
यावेळी पोलिसांच्या वतीने, या घोटाळ्याची व्याप्ती मोठी असल्याचा दावा करण्यात आला. सोबतच संतोष राठोड याने घेतलेले पैसे कुठे गुंतवले आहे?, त्याने कबुली दिलेले ६० ते ७० कोटी ठेवले आहेत? तसेच त्याची प्रॉपर्टी जप्त करण्याबाबतचे मुद्दे पोलिसांकडून मांडण्यात आले. त्यानंतर न्यायालयाने संतोष राठोड याला २४ जानेवारी पर्यंत पोलीस कोठडी सुनावली आहे.
दोन आरोपी फरार!
शुक्रवारी बिडकीन पोलिसांत दौलत राठोड यांनी दिलेल्या तक्रारीनुसार संतोष राठोडसह कृष्णा एकनाथ राठोड आणि पंकज शेषराव चव्हाण यांच्यावर गुन्हा दाखल करण्यात आला होता. तर संतोष राठोड याला कन्नडच्या मुंडवाडी येथील ताच्या राहत्या घरातून ताब्यात घेण्यात आले होते. तर कृष्णा राठोड आणि पंकज चव्हाण हे दोन्ही आरोपी अजूनही फरारच आहे.
यावेळी पोलिसांच्या वतीने, या घोटाळ्याची व्याप्ती मोठी असल्याचा दावा करण्यात आला. सोबतच संतोष राठोड याने घेतलेले पैसे कुठे गुंतवले आहे?, त्याने कबुली दिलेले ६० ते ७० कोटी ठेवले आहेत? तसेच त्याची प्रॉपर्टी जप्त करण्याबाबतचे मुद्दे पोलिसांकडून मांडण्यात आले. त्यानंतर न्यायालयाने संतोष राठोड याला २४ जानेवारी पर्यंत पोलीस कोठडी सुनावली आहे.
दोन आरोपी फरार!
शुक्रवारी बिडकीन पोलिसांत दौलत राठोड यांनी दिलेल्या तक्रारीनुसार संतोष राठोडसह कृष्णा एकनाथ राठोड आणि पंकज शेषराव चव्हाण यांच्यावर गुन्हा दाखल करण्यात आला होता. तर संतोष राठोड याला कन्नडच्या मुंडवाडी येथील ताच्या राहत्या घरातून ताब्यात घेण्यात आले होते. तर कृष्णा राठोड आणि पंकज चव्हाण हे दोन्ही आरोपी अजूनही फरारच आहे.