म. टा. प्रतिनिधी, औरंगाबाद
अॅट्राॅसिटीच्या समर्थनार्थ शुक्रवारी बहुजन क्रांती मूक मोर्चात दलित बांधव लाखोंच्या संख्येने निळे झेंडे घेऊन सहभागी झाले होते. क्रांतिचौकातून निघालेली ही निळी लाट शांततेत आमखास मैदानावर धडकली. शांतता, शिस्त राखत मोर्चेकऱ्यांनी आपल्या संयमाचे दर्शन घडवले.
मोर्चाची वेळ सकाळी अकराची असली, तरी नऊपासून क्रांतिचौकात नागरिकांनी गर्दी केली होती. दुपारी बारापर्यंत लाखो नागरिक क्रांतिचौकात जमा झाले होते. मोर्चात सर्वात पुढे भंतेजी, नंतर महिला व पुरूष असे नियोजन करण्यात आले होते. आयोजकांच्या वतीने मोर्चेकरांना शिस्त राखण्याच्या सूचना करण्यात आल्या होत्या. जमा झालेल्या मोर्चेकऱ्याच्या हातात निळे ध्वज होते. अवघ्या रस्त्यावर निळी लाट अवतरल्याचा भास होत होता. दुपारी बारा वाजता मोर्चाला सुरुवात झाली. मोर्चेकरी शिस्तीत आमखास मैदानाकडे गेले. जालना रोड, अदालत रोड; तसेच उस्मानपुरा भागाकडून मोर्चेकऱ्यांचे हजारोच्या संख्येने लोंढे मोर्चात सहभागी होत होते. विराट जनसंख्येने निघालेला हा मोर्चा बघण्यासाठी नागरिकांनी देखील रस्त्याच्या दुतर्फा गर्दी केली होती. वाहतुकीची कोंडी होऊ नये म्हणून पोलिसांनी वाहतूक व्यवस्थेत बदल केला होता. क्रांतिचौक, नूतन कॉलनी, पैठणगेट, बाराभाई ताजिया, मीलकॉर्नर, भडकल गेटमार्गे आमखास मैदानावर मोर्चा पोहचला. मैदान पूर्ण भरल्यानंतरही अनेक नागरिक मैदानावर येतच होते.
वाहतुकीची कोंडी : मोर्चा संपल्यानंतर शांततेत मोर्चेकरी मैदानाबाहेर पडले, मात्र टाउन हॉलकडून येणारी वाहने पोलिसांकडून थांबवण्यात आली नाहीत. त्यामुळे मैदानाबाहेर काही वेळ वाहतुकीची कोंडी निर्माण झाली. या कोंडीतून मोर्चेकऱ्यांना वाट लावावी काढत होती. दरम्यान, मोर्चा संपल्यानंतर पायी आलेल्या नागरिकांना जाण्यासाठी वाहने मिळाली नसल्याने अनेकांना पायपीट करावी लागली. औरंगपुरा बसस्टॉवर सायंकाळपर्यंत हजारो नागरिक बसची वाट पाहत उभे होते.
पोलिसांचा चोख बंदोबस्त
या मोर्चासाठी पोलिसांनी चोख बंदोबस्त तैनात केला होता. पोलिस उपायुक्त वसंत परदेशी, संदीप आटोळे, राहूल श्रीरामे यांच्यासह सात सहायक पोलिस आयुक्त, ३० पोलिस निरीक्षक व १३०० पोलिस कर्मचारी, राज्य राखीव दलाच्या दोन तुकड्या, गुन्हे शाखा, विशेष शाखेची पथके बंदोबस्तात सहभागी झाली होती. सीसीटीव्ही कॅमेरे व २० कॅमेऱ्यांमधून मोर्चाचे शुटिंग करण्यात आले. आमखास मैदानावर पोलिसांनी वज्र व वरूण वाहन, अग्निशमन दलाचा बंब, रुग्णवाहिका आदी तैनात करण्यात आले होते.
वॉकीटॉकीचा वापर
मोर्चामध्ये असलेल्या स्वंयसेवकाकडे वॉकीटॉकी देण्यात आले होते. एकूण शंभर वॉकीटॉकीचा वापर यावेळी करण्यात आला. वॉकीटॉकीद्वारे समन्वय साधून सूचना करण्यात येत होत्या. प्रामुख्यांने हरवलेली लहान मुले शोधण्यासाठी वॉकीटॉकीचा चांगलाच वापर झाला.
वाहतूक पोलिसांची मुजोरी
मोर्चाला बारा वाजता सुरुवात होणार होती. क्रांतिचौकात वाहतूक सुरळीत सुरू होती, मात्र उस्मानपुरा चौकातून क्रांतिचौककडे जाणारा मार्ग वाहतूक शाखेने दहालाच बंद केला होता. या ठिकाणी दोन कार्यकर्त्यांची नेमणूक करण्यात आली होती. यापैकी एकाने अनेक वाहनधारकांशी वाद घातला. या रोडवर असलेल्या कार्यालये, व्यापारी प्रतिष्ठाने येथील कर्मचारी व दुकानदारांची वाहने अडवून धरली.
बहुजन मूक मोर्चात सहभागी संघटना
- वाल्मिकी सेना व समाज
- समता सैनिक दल
- एमआयएम
- बहुजन समाज पार्टी
- भीमशक्ती संघटना
- रिपब्लीकन पार्टी ऑफ इंडिया या पक्षाचे विविध गट
- महाराष्ट्र ओबीसी संघर्ष समिती
- संत सावता महाराज विद्यार्थी वसतिगृह
- भोईसमाज सेवा संघ
- महाराष्ट्र वर्कर काँग्रेस
- मुप्टा शिक्षण संघटना
- कास्ट्राइब संघटना
- होली स्पिरिट सोसायटी
- आदिवासी विकास मंच
- महाराष्ट्र सेना
या मान्यवरांचा सहभाग
बहुजन क्रांती मूकमोर्चामध्ये विविध राजकीय पक्षांचे नेते, मान्यवर सहभागी झाले होते. आमदार जोगेंद्र कवाडे, चंद्रकांत हांडोरे, नगरसेवक राजू शिंदे, गंगाधर गाडे, आनंद शिंदे, मिलिंद दाभाडे, गौतम खरात, साहित्यिक डॉ. ऋाषिकेश कांबळे, आनंद कस्तुरे, जालिंधर शेंडगे, नगरसेवक गंगाधर ढगे, मधुकर चांदणे, रमेशभाई खंडागळे, संजय जगताप, अरुण बोर्डे, रमेश गायकवाड, दौलत खरात, किशोर थोरात, अजमल खान, मिलिंद शेळके, बन्सीधर गांगवे, विजय वाहुळ यांसह अनेक मान्यवरांची उपस्थिती होती.
अॅट्राॅसिटीच्या समर्थनार्थ शुक्रवारी बहुजन क्रांती मूक मोर्चात दलित बांधव लाखोंच्या संख्येने निळे झेंडे घेऊन सहभागी झाले होते. क्रांतिचौकातून निघालेली ही निळी लाट शांततेत आमखास मैदानावर धडकली. शांतता, शिस्त राखत मोर्चेकऱ्यांनी आपल्या संयमाचे दर्शन घडवले.
मोर्चाची वेळ सकाळी अकराची असली, तरी नऊपासून क्रांतिचौकात नागरिकांनी गर्दी केली होती. दुपारी बारापर्यंत लाखो नागरिक क्रांतिचौकात जमा झाले होते. मोर्चात सर्वात पुढे भंतेजी, नंतर महिला व पुरूष असे नियोजन करण्यात आले होते. आयोजकांच्या वतीने मोर्चेकरांना शिस्त राखण्याच्या सूचना करण्यात आल्या होत्या. जमा झालेल्या मोर्चेकऱ्याच्या हातात निळे ध्वज होते. अवघ्या रस्त्यावर निळी लाट अवतरल्याचा भास होत होता. दुपारी बारा वाजता मोर्चाला सुरुवात झाली. मोर्चेकरी शिस्तीत आमखास मैदानाकडे गेले. जालना रोड, अदालत रोड; तसेच उस्मानपुरा भागाकडून मोर्चेकऱ्यांचे हजारोच्या संख्येने लोंढे मोर्चात सहभागी होत होते. विराट जनसंख्येने निघालेला हा मोर्चा बघण्यासाठी नागरिकांनी देखील रस्त्याच्या दुतर्फा गर्दी केली होती. वाहतुकीची कोंडी होऊ नये म्हणून पोलिसांनी वाहतूक व्यवस्थेत बदल केला होता. क्रांतिचौक, नूतन कॉलनी, पैठणगेट, बाराभाई ताजिया, मीलकॉर्नर, भडकल गेटमार्गे आमखास मैदानावर मोर्चा पोहचला. मैदान पूर्ण भरल्यानंतरही अनेक नागरिक मैदानावर येतच होते.
वाहतुकीची कोंडी : मोर्चा संपल्यानंतर शांततेत मोर्चेकरी मैदानाबाहेर पडले, मात्र टाउन हॉलकडून येणारी वाहने पोलिसांकडून थांबवण्यात आली नाहीत. त्यामुळे मैदानाबाहेर काही वेळ वाहतुकीची कोंडी निर्माण झाली. या कोंडीतून मोर्चेकऱ्यांना वाट लावावी काढत होती. दरम्यान, मोर्चा संपल्यानंतर पायी आलेल्या नागरिकांना जाण्यासाठी वाहने मिळाली नसल्याने अनेकांना पायपीट करावी लागली. औरंगपुरा बसस्टॉवर सायंकाळपर्यंत हजारो नागरिक बसची वाट पाहत उभे होते.
पोलिसांचा चोख बंदोबस्त
या मोर्चासाठी पोलिसांनी चोख बंदोबस्त तैनात केला होता. पोलिस उपायुक्त वसंत परदेशी, संदीप आटोळे, राहूल श्रीरामे यांच्यासह सात सहायक पोलिस आयुक्त, ३० पोलिस निरीक्षक व १३०० पोलिस कर्मचारी, राज्य राखीव दलाच्या दोन तुकड्या, गुन्हे शाखा, विशेष शाखेची पथके बंदोबस्तात सहभागी झाली होती. सीसीटीव्ही कॅमेरे व २० कॅमेऱ्यांमधून मोर्चाचे शुटिंग करण्यात आले. आमखास मैदानावर पोलिसांनी वज्र व वरूण वाहन, अग्निशमन दलाचा बंब, रुग्णवाहिका आदी तैनात करण्यात आले होते.
वॉकीटॉकीचा वापर
मोर्चामध्ये असलेल्या स्वंयसेवकाकडे वॉकीटॉकी देण्यात आले होते. एकूण शंभर वॉकीटॉकीचा वापर यावेळी करण्यात आला. वॉकीटॉकीद्वारे समन्वय साधून सूचना करण्यात येत होत्या. प्रामुख्यांने हरवलेली लहान मुले शोधण्यासाठी वॉकीटॉकीचा चांगलाच वापर झाला.
वाहतूक पोलिसांची मुजोरी
मोर्चाला बारा वाजता सुरुवात होणार होती. क्रांतिचौकात वाहतूक सुरळीत सुरू होती, मात्र उस्मानपुरा चौकातून क्रांतिचौककडे जाणारा मार्ग वाहतूक शाखेने दहालाच बंद केला होता. या ठिकाणी दोन कार्यकर्त्यांची नेमणूक करण्यात आली होती. यापैकी एकाने अनेक वाहनधारकांशी वाद घातला. या रोडवर असलेल्या कार्यालये, व्यापारी प्रतिष्ठाने येथील कर्मचारी व दुकानदारांची वाहने अडवून धरली.
बहुजन मूक मोर्चात सहभागी संघटना
- वाल्मिकी सेना व समाज
- समता सैनिक दल
- एमआयएम
- बहुजन समाज पार्टी
- भीमशक्ती संघटना
- रिपब्लीकन पार्टी ऑफ इंडिया या पक्षाचे विविध गट
- महाराष्ट्र ओबीसी संघर्ष समिती
- संत सावता महाराज विद्यार्थी वसतिगृह
- भोईसमाज सेवा संघ
- महाराष्ट्र वर्कर काँग्रेस
- मुप्टा शिक्षण संघटना
- कास्ट्राइब संघटना
- होली स्पिरिट सोसायटी
- आदिवासी विकास मंच
- महाराष्ट्र सेना
या मान्यवरांचा सहभाग
बहुजन क्रांती मूकमोर्चामध्ये विविध राजकीय पक्षांचे नेते, मान्यवर सहभागी झाले होते. आमदार जोगेंद्र कवाडे, चंद्रकांत हांडोरे, नगरसेवक राजू शिंदे, गंगाधर गाडे, आनंद शिंदे, मिलिंद दाभाडे, गौतम खरात, साहित्यिक डॉ. ऋाषिकेश कांबळे, आनंद कस्तुरे, जालिंधर शेंडगे, नगरसेवक गंगाधर ढगे, मधुकर चांदणे, रमेशभाई खंडागळे, संजय जगताप, अरुण बोर्डे, रमेश गायकवाड, दौलत खरात, किशोर थोरात, अजमल खान, मिलिंद शेळके, बन्सीधर गांगवे, विजय वाहुळ यांसह अनेक मान्यवरांची उपस्थिती होती.