म. टा. प्रतिनिधी, औरंगाबादविवाहितेचा छळ करून तिला आत्महत्येस प्रवृ्त्त केल्याप्रकरणी आरोपी पतीला पोलिसांनी मंगळवारी (२६ मे) रात्री गजाआड केले. त्याला बुधवारी (२७ मे) न्यायालयात हजर करण्यात आले असता, त्याची रवानगी न्यायालयीन कोठडीत करण्याचे आदेश प्रथम वर्ग न्यायदंडाधिकारी वाय. जी. दुबे यांनी दिले. पती प्रवीण अशोक कडवे (३३, रा. देवळाई परिसर, बीड बायपास) असे आरोपीचे नाव आहे.या प्रकरणात मृत अमृता प्रवीण कडवे हिचे वडील तुकाराम जयवंत कांबळे (५७, रा. श्रीरामपूर) यांनी तक्रार दिली होती. अमृता व आरोपी प्रवीण यांचे लग्न २००९मध्ये झाले. त्यांना नऊ वर्षांची एक मुलगी देखील आहे. लग्नाच्या चार वर्षांनंतर आरोपी पीडितेचा शारीरिक व मानसिक छळ करू लागले. पीडितेला स्वंयपाक येत नाही, प्लॉट घेण्यासाठी माहेरहून दहा लाख रुपये आण असा तगादा लावत छळ करण्यात येत होता. दरम्यान, आरोपी पती प्रवीण याचे अनैतिक संबंध होते. तो वारंवार मोबाइलवर बोलायचा व चॅटिंग देखील करीत होता. याबाबत त्याला जाब विचारला असता तो पीडितेला शिवीगाळ करून जबर मारहाण करीत होता, असे तक्रारीत नमूद करण्यात आले आहे.या नेहमीच्या त्रासाला कंटाळून २४ मे रेाजी पीडितेने गळफास घेऊन आत्महत्या केली. या प्रकरणात चिकलठाणा पोलिस ठाण्यात पती प्रवीण कडवे याच्यासह, सासू मीरा कडवे, नणंद कल्याणी अशोक कडवे व दीर राहूल अशोक कडवे (सर्व रा. पिराचे बाभुळगाव, ता. वैजापूर, ह. मु. नेवासा, अहमदनगर) यांच्याविरुद्ध गुन्हा दाखल करण्यात आला आहे. या प्रकरणात सहाय्यक सरकारी वकील जनार्दन जाधव यांनी काम पाहिले.
विवाहितेची आत्महत्या;पती न्यायालयीन कोठडीत
म टा प्रतिनिधी, औरंगाबादविवाहितेचा छळ करून तिला आत्महत्येस प्रवृ्त्त केल्याप्रकरणी आरोपी पतीला पोलिसांनी मंगळवारी (२६ मे) रात्री गजाआड केले...
महाराष्ट्र टाइम्स.कॉम 28 May 2020, 4:00 am