औरंगाबाद : म. टा. प्रतिनिधी, औरंगाबाद
महाराष्ट्र टाइम्सतर्फे विविध कार्यक्रमांचे आयोजन केले जाते. यावेळी 'मीट अॅण्ड ग्रीट' कार्यक्रमात प्रसिद्ध अभिनेत्री सई ताम्हणकर आणि अभिनेता अमेय वाघ यांना भेटण्याची संधी 'मटा'ने आपल्या वाचकांना उपलब्ध करून दिली आहे.
हॉटेल ड्रिम्स व्हेज, दशमेशनगर रोड, उस्मानपुरा येथे ११ जुलै रोजी संध्याकाळी सात वाजता हा कार्यक्रम होणार असून यात तुम्हाला या कलाकारांशी संवाद साधता योणार आहे. सई आणि अमेय वाघ यांच्याबरोबरच प्रसिद्ध दिग्दर्शक उपेंद्र सिधये आणि चित्रपट निर्माते अनिश जोग, रणजित गुगळे आणि अभिनेता सुयोग्य गोऱ्हे यांनाही तुमच्या मनातील प्रश्न विचारता येणार आहे. या कार्यक्रमासाठी नोंदणी आवश्यक आहे. रजिस्ट्रेशनसाठी ९८२२६३०५५ (सकाळी १० ते संध्याकाळी पाच वाजेपर्यंत) या क्रमांकावर किंवा महाराष्ट्र टाइम्स, दुसरा मजला, साई स्केअर, उस्मानपुरा सर्कल, स्टेशन रोड येथे संपर्क साधावा.