म. टा. प्रतिनिधी, औरंगाबाद
बनावट कागदपत्रांद्वारे दुसऱ्यांचे भूखंड वेगवेगळ्या व्यक्तींना परस्पर विकून लाखोंची फसवणूक करणाऱ्या आरोपीचा नियमित जामीन प्रथम वर्ग न्यायदंडाधिकारी आर. आर. मावतवाल यांनी बुधवारी (सात फेब्रुवारी) फेटाळला.
याप्रकरणी व्यापारी हाश्मी सैय्यद शफी हाश्मी (६७, रा. सिडको, औरंगाबाद) यांनी फिर्याद दिली होती. फिर्यादीनुसार; सातारा परिसरातील सोनिया नगर येथे मुंबईतील रहिवासी ओंकार गणपत रणवीर यांचे एक व दोन क्रमांकाचे भूखंड आहेत. आरोपी आजमखान अब्दुल रहेमान खान (४९, रा. लोटाकारंजा, औरंगाबाद) याने रणवीर यांचे भूखंड हे स्वतःचे असल्याचे सांगून बनावट मुखत्यारनामा तयार करून फिर्यादीचा मुलगा व मुलगी यांच्या नावे भूखंड करून १७ लाख ९३ हजार रुपये घेतले होते; तसेच बनावट मुखत्यारनामाद्वारे सहनिबंधक कार्यालयात बनावट रजिस्ट्री करून दिली होती. याप्रकरणी सिटीचौक पोलिस ठाण्यामध्ये फसवणुकीचा गुन्हा दाखल झाला होता. याप्रकरणी आरोपी आजमखान याला ३१ जानेवारीला अटक करण्यात आली होती व तीन फेब्रुवारीपर्यंत पोलिस कोठडीत ठेऊन त्याची रवानगी न्यायालयीन कोठडीत करण्यात आली होती. दरम्यान, आरोपीने नियमित जामिनासाठी अर्ज सादर केला असता, आरोपीने एकाच पद्धतीने गुन्हे करुन पाच लोकांना बनावट मुखत्यारनामाद्वारे पाच भूखंडांची विक्री करून लाखोंची फसवणूक केली आहे. आरोपीने सर्व गुन्हे हे कट रचून एकाच पद्धतीने केले आहेत; तसेच आरोपीचे साथीदार फरार असून, त्यांना अटक होणे बाकी आहे. त्यामुळे आरोपीला जामीन दिल्यास तो फिर्यादीवर दबाव आणू शकतो व पुरावा नष्ट करू शकतो. त्यामुळे आरोपीला जामीन मंजूर करू नये, अशी विनंती सहाय्यक सरकारी वकील रवींद्र अवसरमोल यांनी कोर्टात केली. ही विनंती मान्य करून कोर्टाने आरोपीचा नियमित जामीन अर्ज फेटाळला.
बनावट कागदपत्रांद्वारे दुसऱ्यांचे भूखंड वेगवेगळ्या व्यक्तींना परस्पर विकून लाखोंची फसवणूक करणाऱ्या आरोपीचा नियमित जामीन प्रथम वर्ग न्यायदंडाधिकारी आर. आर. मावतवाल यांनी बुधवारी (सात फेब्रुवारी) फेटाळला.
याप्रकरणी व्यापारी हाश्मी सैय्यद शफी हाश्मी (६७, रा. सिडको, औरंगाबाद) यांनी फिर्याद दिली होती. फिर्यादीनुसार; सातारा परिसरातील सोनिया नगर येथे मुंबईतील रहिवासी ओंकार गणपत रणवीर यांचे एक व दोन क्रमांकाचे भूखंड आहेत. आरोपी आजमखान अब्दुल रहेमान खान (४९, रा. लोटाकारंजा, औरंगाबाद) याने रणवीर यांचे भूखंड हे स्वतःचे असल्याचे सांगून बनावट मुखत्यारनामा तयार करून फिर्यादीचा मुलगा व मुलगी यांच्या नावे भूखंड करून १७ लाख ९३ हजार रुपये घेतले होते; तसेच बनावट मुखत्यारनामाद्वारे सहनिबंधक कार्यालयात बनावट रजिस्ट्री करून दिली होती. याप्रकरणी सिटीचौक पोलिस ठाण्यामध्ये फसवणुकीचा गुन्हा दाखल झाला होता. याप्रकरणी आरोपी आजमखान याला ३१ जानेवारीला अटक करण्यात आली होती व तीन फेब्रुवारीपर्यंत पोलिस कोठडीत ठेऊन त्याची रवानगी न्यायालयीन कोठडीत करण्यात आली होती. दरम्यान, आरोपीने नियमित जामिनासाठी अर्ज सादर केला असता, आरोपीने एकाच पद्धतीने गुन्हे करुन पाच लोकांना बनावट मुखत्यारनामाद्वारे पाच भूखंडांची विक्री करून लाखोंची फसवणूक केली आहे. आरोपीने सर्व गुन्हे हे कट रचून एकाच पद्धतीने केले आहेत; तसेच आरोपीचे साथीदार फरार असून, त्यांना अटक होणे बाकी आहे. त्यामुळे आरोपीला जामीन दिल्यास तो फिर्यादीवर दबाव आणू शकतो व पुरावा नष्ट करू शकतो. त्यामुळे आरोपीला जामीन मंजूर करू नये, अशी विनंती सहाय्यक सरकारी वकील रवींद्र अवसरमोल यांनी कोर्टात केली. ही विनंती मान्य करून कोर्टाने आरोपीचा नियमित जामीन अर्ज फेटाळला.