MIM स्वबळावरच लढणार; ५ उमेदवारांची घोषणा

औरंगाबाद: महाराष्ट्र विधानसभेच्या आगामी निवडणुकीसाठी एमआयएम पक्षानं मुंबईतील पाच उमेदवारांची पहिली यादी जाहीर केली आहे. पक्षाचे नेते खासदार असदुद्दीन ओवेसी स्वत: ही यादी ट्विट केली आहे. एमआयएमच्या या घोषणेमुळं वंचित बहुजन आघाडीशी संभाव्य युतीच्या चर्चेला पूर्णविराम मिळाला आहे.

एमआयएम महाराष्ट्रात ५० जागांवर लढणार: जलील

महाराष्ट्र विधानसभा: यापूर्वीचं पक्षीय बलाबल

'एमआयएम'शी अखेरच्या क्षणापर्यंत चर्चा सुरू राहील, असं म्हणत 'वंचित'चे नेते अॅड. प्रकाश आंबेडकर यांनी म्हटले होते. त्यामुळं एमआयएम 'वंचित' आघाडीत सहभागी होईल अशी आशा होती. मात्र, उमेदवार जाहीर करून एमआयएमनं स्वबळावर निवडणुकीला सामोरे जाण्याचा निर्णय घेतल्याचं स्पष्ट झालं आहे. एमआयएमनं आज जाहीर केलेल्या यादीत मुंबईतील कुर्ला, वांद्रे पूर्व, भायखळा, अणुशक्तीनगर व अंधेरी पश्चिम या पाच मतदारसंघांचा समावेश आहे. पैकी भायखळ्याची जागा सध्या एमआयएमकडे आहे. वारीस पठाण हे येथील आमदार आहेत. त्यांना पुन्हा उमेदवारी मिळाली आहे.
एमआयएमची पहिली यादी पुढीलप्रमाणे:

रत्नाकर डावरे (कुर्ला)
सलीम कुरेशी (वांद्रे पूर्व)
वारीस पठाण (भायखळा)
सरफराज शेख (अणुशक्तीनगर)
आरिफ शेख (अंधेरी पश्चिम)

अशी होईल विधानसभा निवडणूक २०१९