म. टा. प्रतिनिधी, औरंगाबाद
'शिवसेनाप्रमुख बाळासाहेब ठाकरे स्मारकासाठीची प्रस्तावित जागा असलेल्या प्रियदर्शिनी उद्यानातील झाडांची गणना करा आणि त्याचा अहवाल सादर करा,' असे आदेश पालकमंत्री सुभाष देसाई यांनी शुक्रवारी (२६ फेब्रुवारी) महापालिकेच्या अधिकाऱ्यांना दिले.
सुभाष देसाई दोन दिवसांच्या औरंगाबाद दौऱ्यावर आले आहेत. त्यांनी शुक्रवारी सकाळी दहा वाजण्याच्या सुमारास प्रियदर्शिनी उद्यानात भेट देऊन पाहणी केली. या वेळी पक्षीमित्र व पर्यावरण प्रेमीदेखील उपस्थित होते. त्यांनी उद्यानातील वृक्षतोडीस विरोध केला. उद्यानाच्या पाहणीनंतर व पर्यावरण प्रेमींशी चर्चा केल्यानंतर देसाई यांनी महापालिकेच्या अधिकाऱ्यांना उद्यानातील झाडांची गणना करण्याचे आदेश दिले. 'झाडांची गणना करा, प्रत्येक झाडावर क्रमांक टाका,' असे त्यांनी सांगितले. 'स्मारकाचे काम करताना उद्यानातील एकही झाड तोडले जाणार नाही,' अशी ग्वाही दिली.
'महापालिकेने या उद्यानात अनेक झाडे नव्याने लावली आहेत. त्यामुळे येत्या काळात या उद्यानात झाडांची संख्या वाढलेली दिसेल. सहा महिन्यांनंतर हे उद्यान हिरवेगार झालेले दिसून येईल. शिवसेना पक्षप्रमुख तथा मुख्यमंत्री उद्धव ठाकरे स्वत: पर्यावरण प्रेमी आहेत., एकही झाड न तोडता स्मारक उभारा, असे आदेशदेखील त्यांनी दिले आहेत,' असे देसाई यांनी सांगितले.
या वेळी देसाई यांनी महापालिकेचे अधिकारी व स्मारक प्रकल्पाचे सल्लागार यांची बैठक घेतली. स्मारकाच्या उभारणीबद्दल सूचना केल्या. या वेळी पालिकेचे प्रशासक आस्तिककुमार पांडेय, आमदार अंबादास दानवे, पालिकेचे अतिरिक्त आयुक्त बी. बी. नेमाने, शहर अभियंता सखाराम पानझडे, कार्यकारी अभियंता हेमंत कोल्हे, उद्यान अधीक्षक विजय पाटील या अधिकाऱ्यांसह पर्यावरणप्रेमी डॉ. किशोर पाठक, दिलीप यार्दी, रवी पुराणिक आदी उपस्थित होते.
फोटो ओळ - पालकमंत्री सुभाष देसाई यांनी शुक्रवारी प्रियदर्शिनी उद्यानाची पाहणी केली.
'शिवसेनाप्रमुख बाळासाहेब ठाकरे स्मारकासाठीची प्रस्तावित जागा असलेल्या प्रियदर्शिनी उद्यानातील झाडांची गणना करा आणि त्याचा अहवाल सादर करा,' असे आदेश पालकमंत्री सुभाष देसाई यांनी शुक्रवारी (२६ फेब्रुवारी) महापालिकेच्या अधिकाऱ्यांना दिले.
सुभाष देसाई दोन दिवसांच्या औरंगाबाद दौऱ्यावर आले आहेत. त्यांनी शुक्रवारी सकाळी दहा वाजण्याच्या सुमारास प्रियदर्शिनी उद्यानात भेट देऊन पाहणी केली. या वेळी पक्षीमित्र व पर्यावरण प्रेमीदेखील उपस्थित होते. त्यांनी उद्यानातील वृक्षतोडीस विरोध केला. उद्यानाच्या पाहणीनंतर व पर्यावरण प्रेमींशी चर्चा केल्यानंतर देसाई यांनी महापालिकेच्या अधिकाऱ्यांना उद्यानातील झाडांची गणना करण्याचे आदेश दिले. 'झाडांची गणना करा, प्रत्येक झाडावर क्रमांक टाका,' असे त्यांनी सांगितले. 'स्मारकाचे काम करताना उद्यानातील एकही झाड तोडले जाणार नाही,' अशी ग्वाही दिली.
'महापालिकेने या उद्यानात अनेक झाडे नव्याने लावली आहेत. त्यामुळे येत्या काळात या उद्यानात झाडांची संख्या वाढलेली दिसेल. सहा महिन्यांनंतर हे उद्यान हिरवेगार झालेले दिसून येईल. शिवसेना पक्षप्रमुख तथा मुख्यमंत्री उद्धव ठाकरे स्वत: पर्यावरण प्रेमी आहेत., एकही झाड न तोडता स्मारक उभारा, असे आदेशदेखील त्यांनी दिले आहेत,' असे देसाई यांनी सांगितले.
या वेळी देसाई यांनी महापालिकेचे अधिकारी व स्मारक प्रकल्पाचे सल्लागार यांची बैठक घेतली. स्मारकाच्या उभारणीबद्दल सूचना केल्या. या वेळी पालिकेचे प्रशासक आस्तिककुमार पांडेय, आमदार अंबादास दानवे, पालिकेचे अतिरिक्त आयुक्त बी. बी. नेमाने, शहर अभियंता सखाराम पानझडे, कार्यकारी अभियंता हेमंत कोल्हे, उद्यान अधीक्षक विजय पाटील या अधिकाऱ्यांसह पर्यावरणप्रेमी डॉ. किशोर पाठक, दिलीप यार्दी, रवी पुराणिक आदी उपस्थित होते.
फोटो ओळ - पालकमंत्री सुभाष देसाई यांनी शुक्रवारी प्रियदर्शिनी उद्यानाची पाहणी केली.