म. टा. प्रतिनिधी, औरंगाबाद
मारहाण करून जबरदस्तीने 'जय श्रीराम' म्हणण्यास भाग पडणाऱ्या मुस्लीम युवकाची गणेश काळे या दाम्पत्याने आक्रमक टोळक्याच्या तावडीतून सुटका केली. याप्रकरणी दहा जणांविरुद्ध बेगमपुरा पोलिस ठाण्यात गुन्हा दाखल करण्यात आला असून, गणेश सोनवणे (रा. अंबरहिल परिसर, राजानगर, ह. मु. एन-१३, डी सेक्टर, भरतनगर) या रिक्षा चालकाला शनिवारी पोलिसांनी बेड्या ठोकल्या.
कटकट गेट येथील एका हॉटेलात वेटर म्हणून काम करत असलेल्या इम्रान पटेल (रा. मुजफ्फरनगर, जटवाडा) यांनी बेगमपुरा पोलिस ठाण्यात दिलेल्या तक्रारीत म्हटले आहे की, इम्रान हे गुरुवारी (१८ जुलै) रात्री साडेबाराच्या सुमारास दुचाकीने घराकडे जात होते. त्यावेळी हडको कॉर्नरजवळ त्यांना दुचाकी आडवी लावून अडवण्यात आले. यावेळी आठ ते दहा जणांनी घेरले. एकाने दुचाकीची चावी काढून घेतली. दुसरा हातात दगड घेऊन मारण्यासाठी उभा होता. तिघांनी मारहाण करत कुठे जात आहे असे विचारले. त्यावर आपण घरी जात असल्याचे सांगितले होते. मात्र, टोपी घातलेल्या युवकाने 'जय श्रीराम' म्हणण्याची जबरदस्ती केली. आपण काहीही बोलत नसल्याचे पाहून टोळक्याने शिवीगाळ करून बळजबरीने जय श्रीराम म्हणण्यास भाग पाडले. यावेळी आरडा-ओरडा केल्याने गणेश काळे व त्यांची पत्नी घराबाहेर आली. त्यांनी आक्रमक टोळक्याला हुसकावून लावले. या तक्रारीवरून पोलिसांनी शनिवारी गणेश सोनवणेला बेड्या ठोकल्या. विशेष म्हणजे सोनवणेवर यापूर्वी हर्सूल आणि बेगमपुरा पोलिस ठाण्यात मारहाणीचे दोन गुन्हे दाखल असल्याचे पोलिसांनी सांगितले.
मारहाण करून जबरदस्तीने 'जय श्रीराम' म्हणण्यास भाग पडणाऱ्या मुस्लीम युवकाची गणेश काळे या दाम्पत्याने आक्रमक टोळक्याच्या तावडीतून सुटका केली. याप्रकरणी दहा जणांविरुद्ध बेगमपुरा पोलिस ठाण्यात गुन्हा दाखल करण्यात आला असून, गणेश सोनवणे (रा. अंबरहिल परिसर, राजानगर, ह. मु. एन-१३, डी सेक्टर, भरतनगर) या रिक्षा चालकाला शनिवारी पोलिसांनी बेड्या ठोकल्या.
कटकट गेट येथील एका हॉटेलात वेटर म्हणून काम करत असलेल्या इम्रान पटेल (रा. मुजफ्फरनगर, जटवाडा) यांनी बेगमपुरा पोलिस ठाण्यात दिलेल्या तक्रारीत म्हटले आहे की, इम्रान हे गुरुवारी (१८ जुलै) रात्री साडेबाराच्या सुमारास दुचाकीने घराकडे जात होते. त्यावेळी हडको कॉर्नरजवळ त्यांना दुचाकी आडवी लावून अडवण्यात आले. यावेळी आठ ते दहा जणांनी घेरले. एकाने दुचाकीची चावी काढून घेतली. दुसरा हातात दगड घेऊन मारण्यासाठी उभा होता. तिघांनी मारहाण करत कुठे जात आहे असे विचारले. त्यावर आपण घरी जात असल्याचे सांगितले होते. मात्र, टोपी घातलेल्या युवकाने 'जय श्रीराम' म्हणण्याची जबरदस्ती केली. आपण काहीही बोलत नसल्याचे पाहून टोळक्याने शिवीगाळ करून बळजबरीने जय श्रीराम म्हणण्यास भाग पाडले. यावेळी आरडा-ओरडा केल्याने गणेश काळे व त्यांची पत्नी घराबाहेर आली. त्यांनी आक्रमक टोळक्याला हुसकावून लावले. या तक्रारीवरून पोलिसांनी शनिवारी गणेश सोनवणेला बेड्या ठोकल्या. विशेष म्हणजे सोनवणेवर यापूर्वी हर्सूल आणि बेगमपुरा पोलिस ठाण्यात मारहाणीचे दोन गुन्हे दाखल असल्याचे पोलिसांनी सांगितले.