नांदेड - वाचन क्षमता विकसित करण्यासाठी आयोजित करण्यात आलेल्या केंद्रप्रमुखाच्या निवासी प्रशिक्षणाला १७४ पैकी केवळ ३० केंद्रप्रमुख आढळून आल्याने तीन लाख रुपये कपात करण्याचा निर्णय शिक्षण विभागाने घेतला. गुरुवारी रात्री अतिरिक्त मुख्य कार्यकारी अधिकारी यांच्या नेतृत्वाखालील पथकाने अचानक भेट दिल्यानंतर ‘गैरहजरी’चा प्रकार उघड झाला.
पूर्णा रस्त्यावर असलेल्या बजाज फंक्शन हॉलमध्ये केंद्रप्रमुखाचे प्रशिक्षण आयोजित करण्यात आले होते. शासकीय अध्यापक विद्यालयाच्या वतीने आयोजित हे प्रशिक्षण पूर्णतः निवासी होते. दिवसभर प्रशिक्षण झाल्यानंतर सायंकाळी चर्चेच्या माध्यमातून काही नवीन संकल्पना, उपक्रम तयार व्हावेत या उद्देशाने हे प्रशिक्षण निवासी ठेवण्यात आले होते. चार दिवसाच्या या प्रशिक्षणासाठी शिक्षण विभागाने सहा लाख ४० हजार रुपये दिले होते. ज्या केंद्रप्रमुखांना हे प्रशिक्षण दिले गेले, ते केंद्रप्रमुख पुढच्या टप्प्यात इयत्ता पहिली ते पाचवीच्या शिक्षकांना प्रशिक्षण देणार आहेत. केंद्रप्रमुखांचे प्रशिक्षण अपेक्षेप्रमाणे न झाल्याने शिक्षकांचे प्रशिक्षण कितपत यशस्वी होईल, याबाबत शिक्षण विभागातील अधिकारीच साशंक आहेत.
केंद्रप्रमुखांच्या प्रशिक्षणाचा आढावा घेण्यासाठी जिल्हा परिषदेचे अतिरिक्त मुख्य कार्यकारी अधिकारी शरद कुलकर्णी व प्रभारी शिक्षणाधिकारी शिवाजी खुडे यांनी गुरुवारी सायंकाळी प्रशिक्षणस्थळी भेट दिल्यानंतर त्यांना धक्कादायक प्रकार आढळला. १७४ पैकी केवळ ३० केंद्रप्रमुख उपस्थित होते. त्यात दोन महिला केंद्रप्रमुखांचा समावेश होता. उर्वरित केंद्रप्रमुख प्रशिक्षणाची वेळ संपल्यानंतर आपापल्या घरी गेल्याची माहिती आयोजकांनी दिली. निवासी प्रशिक्षण असताना एवढ्या मोठ्या प्रमाणावर अनुपस्थिती कशी ? या प्रश्नामुळे आयोजक मात्र निरुत्तर झाले. प्रशिक्षणार्थ्यांना नाश्ता, जेवण, चहा व राहण्यासाठी पैसे देण्यात येणार होते. मोठ्या प्रमाणावर अनुपस्थित प्रशिक्षक आढळल्यानंतर शिक्षण विभागाने तीन लाख रुपये कपात करण्याचा निर्णय घेतला आहे. देण्यात आलेल्या रकमेपैकी तीन लाख तात्काळ परत करण्याचे आदेश देण्यात आले आहेत.
अधिकारी वर्गानी प्रशिक्षणाला भेट दिली नसती तर आयोजकांनी पैसे परत करण्याचे सौजन्य दाखवले असते का ? असा सवाल पुढे आला आहे. जर बहुतांश केंद्रप्रमुख आपापल्या घरी जाणार होते; तर ती बाब आयोजकांनी शिक्षण विभागाला का कळवली नाही ? हे प्रश्न अनुत्तरित आहेत.
प्रशिक्षणाचा दर्जा उत्तम
निवासी प्रशिक्षणाला आम्ही भेट दिली असता बहुतांश केंद्रप्रमुख अनुपस्थित होते; पण प्रशिक्षणाचा एकंदरीत दर्जा उत्तम होता असे प्रभारी शिक्षणाधिकारी शिवाजी खुडे यांनी सांगितले. आयोजकांनी सरसकट पैशाची मागणी केली होती; पण जे केंद्रप्रमुख पूर्णवेळ उपस्थित होते, त्यांच्यापुरतेच पैसे देण्याचा निर्णय घेण्यात आला आहे. हे प्रशिक्षण निवासी बंधनकारक आहे; पण अनेकांची शहरात ‘सोय’ असल्याने प्रशिक्षणाची वेळ संपल्यानंतरच ते गेले होते, हे चौकशीत स्पष्ट झाले.
पूर्णा रस्त्यावर असलेल्या बजाज फंक्शन हॉलमध्ये केंद्रप्रमुखाचे प्रशिक्षण आयोजित करण्यात आले होते. शासकीय अध्यापक विद्यालयाच्या वतीने आयोजित हे प्रशिक्षण पूर्णतः निवासी होते. दिवसभर प्रशिक्षण झाल्यानंतर सायंकाळी चर्चेच्या माध्यमातून काही नवीन संकल्पना, उपक्रम तयार व्हावेत या उद्देशाने हे प्रशिक्षण निवासी ठेवण्यात आले होते. चार दिवसाच्या या प्रशिक्षणासाठी शिक्षण विभागाने सहा लाख ४० हजार रुपये दिले होते. ज्या केंद्रप्रमुखांना हे प्रशिक्षण दिले गेले, ते केंद्रप्रमुख पुढच्या टप्प्यात इयत्ता पहिली ते पाचवीच्या शिक्षकांना प्रशिक्षण देणार आहेत. केंद्रप्रमुखांचे प्रशिक्षण अपेक्षेप्रमाणे न झाल्याने शिक्षकांचे प्रशिक्षण कितपत यशस्वी होईल, याबाबत शिक्षण विभागातील अधिकारीच साशंक आहेत.
केंद्रप्रमुखांच्या प्रशिक्षणाचा आढावा घेण्यासाठी जिल्हा परिषदेचे अतिरिक्त मुख्य कार्यकारी अधिकारी शरद कुलकर्णी व प्रभारी शिक्षणाधिकारी शिवाजी खुडे यांनी गुरुवारी सायंकाळी प्रशिक्षणस्थळी भेट दिल्यानंतर त्यांना धक्कादायक प्रकार आढळला. १७४ पैकी केवळ ३० केंद्रप्रमुख उपस्थित होते. त्यात दोन महिला केंद्रप्रमुखांचा समावेश होता. उर्वरित केंद्रप्रमुख प्रशिक्षणाची वेळ संपल्यानंतर आपापल्या घरी गेल्याची माहिती आयोजकांनी दिली. निवासी प्रशिक्षण असताना एवढ्या मोठ्या प्रमाणावर अनुपस्थिती कशी ? या प्रश्नामुळे आयोजक मात्र निरुत्तर झाले. प्रशिक्षणार्थ्यांना नाश्ता, जेवण, चहा व राहण्यासाठी पैसे देण्यात येणार होते. मोठ्या प्रमाणावर अनुपस्थित प्रशिक्षक आढळल्यानंतर शिक्षण विभागाने तीन लाख रुपये कपात करण्याचा निर्णय घेतला आहे. देण्यात आलेल्या रकमेपैकी तीन लाख तात्काळ परत करण्याचे आदेश देण्यात आले आहेत.
अधिकारी वर्गानी प्रशिक्षणाला भेट दिली नसती तर आयोजकांनी पैसे परत करण्याचे सौजन्य दाखवले असते का ? असा सवाल पुढे आला आहे. जर बहुतांश केंद्रप्रमुख आपापल्या घरी जाणार होते; तर ती बाब आयोजकांनी शिक्षण विभागाला का कळवली नाही ? हे प्रश्न अनुत्तरित आहेत.
प्रशिक्षणाचा दर्जा उत्तम
निवासी प्रशिक्षणाला आम्ही भेट दिली असता बहुतांश केंद्रप्रमुख अनुपस्थित होते; पण प्रशिक्षणाचा एकंदरीत दर्जा उत्तम होता असे प्रभारी शिक्षणाधिकारी शिवाजी खुडे यांनी सांगितले. आयोजकांनी सरसकट पैशाची मागणी केली होती; पण जे केंद्रप्रमुख पूर्णवेळ उपस्थित होते, त्यांच्यापुरतेच पैसे देण्याचा निर्णय घेण्यात आला आहे. हे प्रशिक्षण निवासी बंधनकारक आहे; पण अनेकांची शहरात ‘सोय’ असल्याने प्रशिक्षणाची वेळ संपल्यानंतरच ते गेले होते, हे चौकशीत स्पष्ट झाले.