raj thackeray rally : राज ठाकरेंच्या औरंगाबादमधील सभेला परवानगी मिळणार का? आता राष्ट्रवादीने केली मोठी मागणी

औरंगाबाद : मशिदींवरील भोंग्यांच्या मुद्द्यावरून राज्यातील राजकारण तापलं आहे. मनसे अध्यक्ष राज ठाकरे यांनी राज्य सरकारला इशारा दिला आहे. ३ मे पर्यंत भोंगे उतरवण्याचा इशारा त्यांनी दिला आहे. यानंतर राज ठाकरे यांनी औरंगाबादमध्ये १ मे रोजी जाहीर सभा घेणार असल्याची घोषणा केली आहे. राज ठाकरे यांच्या सभेच्या नियोजनासाठी मनसेने तयारी सुरू केली आहे. दुसरीकडे राष्ट्रवादी काँग्रेसनेही ( ncp oppose raj thackeray rally in aurangabad ) या सभेला विरोध केला आहे.

सभेच्या नियोजनासाठी 'मनसे'ची बैठक

औरंगाबादमधील मराठवाडा सांस्कृतिक महामंडळाच्या मैदानावर १ मे रोजी जाहीर सभा घेण्याची घोषणा राज ठाकरे यांनी केली आहे. या जाहीर सभेच्या नियोजनासाठी औरंगाबादमध्ये मनसेच्या पदाधिकाऱ्यांची बैठक सुरू झाली आहे. या बैठकीत औरंगाबाद शहर आणि ग्रामीणमधील कार्यकर्ते आणि पदाधिकारी सहभागी झाले आहेत. बैठकीला मनसेचे नेते दिलीप धोत्रे यांची उपस्थित आहेत.

राष्ट्रवादीचा सभेला विरोध

राज ठाकरे यांच्या औरंगाबादमधील सभेला वंचित बहुजन आघाडी आणि मंत्री बच्चू कडू यांच्या प्रहारसह ५ संघटनांनी विरोध केला आहे. आता राष्ट्रवादी काँग्रेसनेही सभेला विरोध केला आहे. राज ठाकरेंच्या सभेला परवानगी नाकारावी, अशी मागणी राष्ट्रवादी अल्पसंख्यांक सेलने केली आहे. रमजानचा महिना सुरू आहे. राज ठाकरेंच्या सभेने जातीय तेढ निर्माण होण्याची शक्यता आहे, असं राष्ट्रवादीच्या अल्पसंख्यांक सेलने म्हटलं आहे. हिजाब गर्ल मुस्कान खान हिच्या औरंगाबादमधील सत्कार सभेला जशी परवानगी नाकारली गेली, तशीच राज ठाकरे यांच्या सभेलाही परवानगी नाकारण्यात यावी, अशी मागणी राष्ट्रवादीच्या अल्पसंख्यांक सेलने केली आहे.

MNS vs Shiv Sena: 'ईंट का जवाब पत्थर से दिया जाएगा'; राज ठाकरेंच्या भूमिकेवर शिवसेना नेत्याचा हल्लाबोल

राज ठाकरेंची सभा कुठे आणि कधी होणार?

शिवसेनेच्यादृष्टीने आणि राजकीयदृष्टीने एक विशेष महत्त्व राहिलेल्या मराठवाडा सांस्कृतिक मंडळाच्या मैदानावर सभा घेण्याची घोषणा राज ठाकरेंनी केली आहे. औरंगाबाद येथील मराठवाडा सांस्कृतिक मंडळाच्या मैदानावर १ मे रोजी राज ठाकरे यांची सभा आयोजित करण्यात आली आहे. याच मैदानावर दिवंगत शिवसेना पक्षप्रमुख बाळासाहेब ठाकरे यांची सभा झाली होती. २००५ मध्ये महापालिका निवडणुकीच्या प्रचारात याच मैदानावर झालेल्या सभेदरम्यान बाळासाहेब ठाकरेंचं भाषण सुरू असताना अजान झाली होती. त्यावेळी बाळासाहेब ठाकरेंनी अजानला जोरदार विरोध केला होता. त्यात आता राज ठाकरे यांनीही लाऊडस्पीकरवर होणाऱ्या अजानला विरोध केला आहे.

शिवसेनेच्या मंत्र्यांकडून राष्ट्रवादीच्या कार्यकर्त्यांची फोडाफोडी; सुप्रिया