औरंगाबाद : आयुक्त ओम प्रकाश बकोरिया यांची बदली झाल्यानंतर या पदाची सूत्रे नवे डी. एम. मुगळीकर यांनी सोमवारी दुपारी स्वीकारली आणि महापालिकेत अचानक वर्दळ वाढली. काही निलंबित अधिकारी अचानक सक्रिय झाल्याची चर्चा सुरू झाली. कंत्राटदारांचीही पालिकेच्या मुख्यालयात वर्दळ वाढली. आयुक्तपदावरून पालिकेत सोमवारचा दिवस नाट्यमय घडामोडींचा ठरला.
सरकारने आयुक्त बकोरिया यांच्या बदलीचे आदेश जारी केले. त्यांच्या जागी डी. एम. मुगळीकर यांची नियुक्ती करण्यात आली. बकोरिया यांच्या बदलीचे आदेश निघाल्यापासून पालिकेतील विशिष्ट लॉबीमध्ये आनंदाचे वातावरण होते. त्याचे स्पष्ट दर्शन सोमवारी महापालिकेत झाले.
बकोरिया सकाळी नेहमीप्रमाणे कार्यालयात आले. त्यांचा आठवड्याचा पहिला दिवस नागरिकांना भेटण्यासाठी असतो. त्यामुळे बकोरिया यांच्याकडे गाऱ्हाणी मांडण्यासाठी नागरिकही मोठ्या संख्येने आले होते. दरम्यानच्या काळात आमदार संजय शिरसाट त्यांना भेटण्यासाठी आले. त्यांनी सुमारे अर्धातास बकोरिया यांच्याबरोबर चर्चा केली. त्याचवेळी सुभेदारी विश्रामगृहात पालकमंत्री रामदास कदम विविध विषयांच्या आढावा बैठका घेत होते. शिरसाट यांनी कदम यांची भेट घेऊन बकोरिया यांची बदली रद्द करण्यासाठी प्रयत्न करणार असल्याची चर्चा पालिकेच्या वर्तुळात सुरू झाली.
महापालिकेत पत्रकार बकोरिया यांच्याशी संवाद साधत असताना ‘पालकमंत्र्यांनी तुम्हाला तातडीने बोलावले आहे,’ असे निरोप त्यांना आला. पत्रकारांशी संवाद साधून बकोरिया पालकमंत्र्यांना भेटण्यासाठी निघून गेले. दरम्यानच्या काळात त्यांनी, आणखी दोन दिवस आयुक्त म्हणून राहणार असल्याचे संकेत दिले होते.
पालकमंत्री व बकोरिया यांच्यात बैठक सुरू झाल्यावर पालिकेतील विशिष्ट लॉबीच्या हालचालींना वेग आला. पालकमंत्र्यांच्या शब्दाला मान देऊन मुख्यमंत्र्यांनी बकोरिया यांची बदली रद्द केल्यास अवघड होईल, असे वाटल्यामुळे या लॉबीने यंत्रणा हलवली. दुपारी तीनच्या सुमारास विक्रीकर खात्याच्या कार्यालयातून पत्रकारांना फोन करण्यात आले. ‘मुगळीकरसाहेब साडेचार वाजता आयुक्तपदाची सूत्रे स्वीकारणार आहेत. तुम्ही उपस्थित रहा,’ असे निरोप पत्रकारांना विक्रीकर विभागाच्या कार्यालयातून देण्यात आला. नवीन आयुक्त पदभार स्वीकारणार असल्याबद्दल महापालिकेच्या जनसंपर्क विभागाकडून निरोप दिले जातात, पण तसे घडले नाही. साडेचार वाजता मुगळीकर यांचे महापालिकेत आगमन झाले.
स्वागतासाठी झुंबड
मुगळीकर आयुक्तपदाच्या खुर्चीत बसल्यावर त्यांच्या स्वागतासाठी अक्षरशः झुंबड उडाली. स्वागत करणाऱ्यांमध्ये नगरसेवकांबरोबर कंत्राटदार व स्वतःला सामाजिक कार्यकर्ते म्हणवणाऱ्यांचाही समावेश होता. काही निलंबित अधिकाऱ्यांनीदेखील आयुक्तांच्या दालनाबाहेर चक्कर मारून अंदाज घेतला.
सरकारने आयुक्त बकोरिया यांच्या बदलीचे आदेश जारी केले. त्यांच्या जागी डी. एम. मुगळीकर यांची नियुक्ती करण्यात आली. बकोरिया यांच्या बदलीचे आदेश निघाल्यापासून पालिकेतील विशिष्ट लॉबीमध्ये आनंदाचे वातावरण होते. त्याचे स्पष्ट दर्शन सोमवारी महापालिकेत झाले.
बकोरिया सकाळी नेहमीप्रमाणे कार्यालयात आले. त्यांचा आठवड्याचा पहिला दिवस नागरिकांना भेटण्यासाठी असतो. त्यामुळे बकोरिया यांच्याकडे गाऱ्हाणी मांडण्यासाठी नागरिकही मोठ्या संख्येने आले होते. दरम्यानच्या काळात आमदार संजय शिरसाट त्यांना भेटण्यासाठी आले. त्यांनी सुमारे अर्धातास बकोरिया यांच्याबरोबर चर्चा केली. त्याचवेळी सुभेदारी विश्रामगृहात पालकमंत्री रामदास कदम विविध विषयांच्या आढावा बैठका घेत होते. शिरसाट यांनी कदम यांची भेट घेऊन बकोरिया यांची बदली रद्द करण्यासाठी प्रयत्न करणार असल्याची चर्चा पालिकेच्या वर्तुळात सुरू झाली.
महापालिकेत पत्रकार बकोरिया यांच्याशी संवाद साधत असताना ‘पालकमंत्र्यांनी तुम्हाला तातडीने बोलावले आहे,’ असे निरोप त्यांना आला. पत्रकारांशी संवाद साधून बकोरिया पालकमंत्र्यांना भेटण्यासाठी निघून गेले. दरम्यानच्या काळात त्यांनी, आणखी दोन दिवस आयुक्त म्हणून राहणार असल्याचे संकेत दिले होते.
पालकमंत्री व बकोरिया यांच्यात बैठक सुरू झाल्यावर पालिकेतील विशिष्ट लॉबीच्या हालचालींना वेग आला. पालकमंत्र्यांच्या शब्दाला मान देऊन मुख्यमंत्र्यांनी बकोरिया यांची बदली रद्द केल्यास अवघड होईल, असे वाटल्यामुळे या लॉबीने यंत्रणा हलवली. दुपारी तीनच्या सुमारास विक्रीकर खात्याच्या कार्यालयातून पत्रकारांना फोन करण्यात आले. ‘मुगळीकरसाहेब साडेचार वाजता आयुक्तपदाची सूत्रे स्वीकारणार आहेत. तुम्ही उपस्थित रहा,’ असे निरोप पत्रकारांना विक्रीकर विभागाच्या कार्यालयातून देण्यात आला. नवीन आयुक्त पदभार स्वीकारणार असल्याबद्दल महापालिकेच्या जनसंपर्क विभागाकडून निरोप दिले जातात, पण तसे घडले नाही. साडेचार वाजता मुगळीकर यांचे महापालिकेत आगमन झाले.
स्वागतासाठी झुंबड
मुगळीकर आयुक्तपदाच्या खुर्चीत बसल्यावर त्यांच्या स्वागतासाठी अक्षरशः झुंबड उडाली. स्वागत करणाऱ्यांमध्ये नगरसेवकांबरोबर कंत्राटदार व स्वतःला सामाजिक कार्यकर्ते म्हणवणाऱ्यांचाही समावेश होता. काही निलंबित अधिकाऱ्यांनीदेखील आयुक्तांच्या दालनाबाहेर चक्कर मारून अंदाज घेतला.