म. टा. प्रतिनिधी, औरंगाबाद
लातूरमध्ये झालेल्या अपघातामध्ये १९ वर्षांच्या युवक ‘ब्रेन डेड’ झाला आणि त्याच्या कुटुंबियांनी अवयवदानाचा निर्णय घेतल्यानंतर मंगळवारी (२६ सप्टेंबर) सायंकाळी अवयवदानाची शस्त्रक्रिया ही लातूरच्या शासकीय वैद्यकीय महाविद्यालय व रुग्णालयामध्ये यशस्वी झाली. त्यानंतर संबंधित युवकाचे दोन्ही मूत्रपिंड रुग्णवाहिकेद्वारे औरंगाबाद शहरात पाठवण्यात आले आणि शहरातील दोन रुग्णालयांमध्ये मूत्रपिंड प्रत्यारोपणाची तयारी उशिरापर्यंत सुरू होती, तर युवकाचे हृदय लातूरहून थेट मुंबईला विमानाद्वारे पाठवण्यात आले.
लातूरमधील १९ वर्षांच्या महाविद्यालयीन विद्यार्थी अपघातानंतर ‘ब्रेन डेड’ झाला. त्यानंतर त्याच्या कुटुंबीयांनी मोठ्या धीराने व तात्काळ अवयवदानाचा निर्णय घेतला. अवयवदाच्या शस्त्रक्रियेची नुकतीच परवानगी मिळालेल्या लातूरच्या शासकीय वैद्यकीय महाविद्यालय व रुग्णालयामध्ये सर्व तपासण्या, कायदेशीर प्रक्रिया पूर्ण झाल्यानंतर शस्त्रक्रियेची तयारी करण्यात आली. त्यानुसार मंगळवारी सायंकाळी अवयवदानाची शस्त्रक्रिया पार पडली. युवकाचे दोन्ही मूत्रपिंड रुग्णवाहिकेद्वारे रात्री साडेआठपर्यंत शहरात पाठवण्यात आले. हृदय खास विमानाने लातूरहून मुंबईच्या एशियन हॉस्पिटलला पाठवण्यात आले. यापैकी एका मूत्रपिंडाचे प्रत्यारोपण शहरातील कमलनयन बजाज रुग्णालयात, तर दुसऱ्या मूत्रपिंडाचे प्रत्यारोपण शहरातील एमजीएम वैद्यकीय महाविद्यालय व रुग्णालयात करण्याचे नियोजन करण्यात आले. त्यानुसार दोन्ही रुग्णालयामध्ये प्रत्यारोपणाची तयारी उशिरापर्यंत सुरू होती. तांत्रिक कारणामुळे युवकाच्या यकृत व फुफ्फुसाचे अवयवदान होऊ शकले.
लातूर-अंबाजोगाईच्या कॉलेजांना मान्यता
लातूर तसेच अंबाजोगाईच्या शासकीय वैद्यकीय महाविद्यालय व रुग्णालयाला ‘नॉन ट्रान्स्प्लान्ट ऑर्गन रिट्रायव्हल सेंटर’ची (एनटीओआरसी) नुकतीच मान्यता मिळाली असून, दोन्ही शासकीय वैद्यकीय महाविद्यालयामध्ये आता कधीही अवयवदाची शस्त्रक्रिया होऊ शकते. अशी मान्यता नुकतीच मिळाली असून, त्यानंतर काही दिवसांत लातूरमध्ये अवयवदानाची शस्त्रक्रिया झाली, असे ट्रान्स्प्लान्ट कोऑर्डिनेटर मनोज गाडेकर यांनी ‘मटा’ला सांगितले.
लातूरमध्ये झालेल्या अपघातामध्ये १९ वर्षांच्या युवक ‘ब्रेन डेड’ झाला आणि त्याच्या कुटुंबियांनी अवयवदानाचा निर्णय घेतल्यानंतर मंगळवारी (२६ सप्टेंबर) सायंकाळी अवयवदानाची शस्त्रक्रिया ही लातूरच्या शासकीय वैद्यकीय महाविद्यालय व रुग्णालयामध्ये यशस्वी झाली. त्यानंतर संबंधित युवकाचे दोन्ही मूत्रपिंड रुग्णवाहिकेद्वारे औरंगाबाद शहरात पाठवण्यात आले आणि शहरातील दोन रुग्णालयांमध्ये मूत्रपिंड प्रत्यारोपणाची तयारी उशिरापर्यंत सुरू होती, तर युवकाचे हृदय लातूरहून थेट मुंबईला विमानाद्वारे पाठवण्यात आले.
लातूरमधील १९ वर्षांच्या महाविद्यालयीन विद्यार्थी अपघातानंतर ‘ब्रेन डेड’ झाला. त्यानंतर त्याच्या कुटुंबीयांनी मोठ्या धीराने व तात्काळ अवयवदानाचा निर्णय घेतला. अवयवदाच्या शस्त्रक्रियेची नुकतीच परवानगी मिळालेल्या लातूरच्या शासकीय वैद्यकीय महाविद्यालय व रुग्णालयामध्ये सर्व तपासण्या, कायदेशीर प्रक्रिया पूर्ण झाल्यानंतर शस्त्रक्रियेची तयारी करण्यात आली. त्यानुसार मंगळवारी सायंकाळी अवयवदानाची शस्त्रक्रिया पार पडली. युवकाचे दोन्ही मूत्रपिंड रुग्णवाहिकेद्वारे रात्री साडेआठपर्यंत शहरात पाठवण्यात आले. हृदय खास विमानाने लातूरहून मुंबईच्या एशियन हॉस्पिटलला पाठवण्यात आले. यापैकी एका मूत्रपिंडाचे प्रत्यारोपण शहरातील कमलनयन बजाज रुग्णालयात, तर दुसऱ्या मूत्रपिंडाचे प्रत्यारोपण शहरातील एमजीएम वैद्यकीय महाविद्यालय व रुग्णालयात करण्याचे नियोजन करण्यात आले. त्यानुसार दोन्ही रुग्णालयामध्ये प्रत्यारोपणाची तयारी उशिरापर्यंत सुरू होती. तांत्रिक कारणामुळे युवकाच्या यकृत व फुफ्फुसाचे अवयवदान होऊ शकले.
लातूर-अंबाजोगाईच्या कॉलेजांना मान्यता
लातूर तसेच अंबाजोगाईच्या शासकीय वैद्यकीय महाविद्यालय व रुग्णालयाला ‘नॉन ट्रान्स्प्लान्ट ऑर्गन रिट्रायव्हल सेंटर’ची (एनटीओआरसी) नुकतीच मान्यता मिळाली असून, दोन्ही शासकीय वैद्यकीय महाविद्यालयामध्ये आता कधीही अवयवदाची शस्त्रक्रिया होऊ शकते. अशी मान्यता नुकतीच मिळाली असून, त्यानंतर काही दिवसांत लातूरमध्ये अवयवदानाची शस्त्रक्रिया झाली, असे ट्रान्स्प्लान्ट कोऑर्डिनेटर मनोज गाडेकर यांनी ‘मटा’ला सांगितले.