म. टा. प्रतिनिधी, पुणे
शहरातील ऑक्सिजनची कमतरता कमी करण्यासाठी महापालिकेने केलेल्या विविध उपाययोजनांमध्ये दळवी रुग्णालयात ऑक्सिजननिर्मिती प्रकल्प उभारण्यात येणार आहे. कर्नाटकातील बेल्लारी येथून ऑक्सिजन मागविण्यात येणार आहे, तर ऑक्सिजन पुरवठ्यातील समन्वयासाठी विशेष अधिकाऱ्यांची नियुक्तीही करण्यात आली आहे.
महापालिका आयुक्त विक्रमकुमार यांनी ही माहिती दिली. 'शहरातील करोनाबाधितांची संख्या दिवसेंदिवस वाढत आहे. प्रामुख्याने ऑक्सिजन पातळी खालावल्याने रुग्ण रुग्णालयात दाखल होत आहेत. सध्या सुमारे साडेपाच हजार रुग्णांना ऑक्सिजन द्यावा लागत आहे. एकट्या पुणे शहराची ऑक्सिजनची गरज ३०० टनांवर पोहोचली आहे,' असे आयुक्त विक्रमकुमार म्हणाले.
'कर्नाटकातील बेल्लारी येथील कंपनीला १०० टन ऑक्सिजन पुरवठ्याची ऑर्डर देण्यात आली आहे; तसेच जिल्ह्यातील ऑक्सिजन प्लांटवरून ऑक्सिजन आणण्यासाठी अनुक्रमे नऊ, पाच व तीन टन क्षमतेचे टँकर भाडेतत्त्वावर घेण्यात आले आहेत,' असेही त्यांनी स्पष्ट केले.
ऑक्सिजनची अडचण का?
पुणे जिल्ह्यातील विविध कंपन्यात दररोज ३८० टन ऑक्सिजननिर्मिती होते. यापैकी सुमारे ८० टन ऑक्सिजन विदर्भ, मराठवाड्यात पाठवण्यात येतो. पुणे जिल्ह्याला जेमतेम पुरेल इतकाच पुरवठा होत असल्याने रुग्णांना ऑक्सिजन मिळण्यात अडचणी येत आहेत.
'बाहेरून ऑक्सिजन आणायची गरज नाही'
'करोनाग्रस्तांच्या उपचारांसाठी राज्य सरकारने आमदार फंडातून एक कोटी रुपये खर्च करण्याची परवानगी दिली आहे. त्यानुसार दळवी रुग्णालयात ऑक्सिजननिर्मिती प्रकल्प उभारण्यासाठी भाजप प्रदेशाध्यक्ष आमदार चंद्रकांत पाटील यांनी एक कोटी रुपये उपलब्ध करून दिले आहेत. भाजप नगरसेवकांच्या स-यादीतून दोन कोटी २० लाख रुपये उपलब्ध करून देण्यात आले आहेत. यामुळे बाहेरून ऑक्सिजन आणण्याची गरज नाही,' अशी माहिती सभागृह नेते गणेश बीडकर यांनी दिली.
शहरातील ऑक्सिजनची कमतरता कमी करण्यासाठी महापालिकेने केलेल्या विविध उपाययोजनांमध्ये दळवी रुग्णालयात ऑक्सिजननिर्मिती प्रकल्प उभारण्यात येणार आहे. कर्नाटकातील बेल्लारी येथून ऑक्सिजन मागविण्यात येणार आहे, तर ऑक्सिजन पुरवठ्यातील समन्वयासाठी विशेष अधिकाऱ्यांची नियुक्तीही करण्यात आली आहे.
महापालिका आयुक्त विक्रमकुमार यांनी ही माहिती दिली. 'शहरातील करोनाबाधितांची संख्या दिवसेंदिवस वाढत आहे. प्रामुख्याने ऑक्सिजन पातळी खालावल्याने रुग्ण रुग्णालयात दाखल होत आहेत. सध्या सुमारे साडेपाच हजार रुग्णांना ऑक्सिजन द्यावा लागत आहे. एकट्या पुणे शहराची ऑक्सिजनची गरज ३०० टनांवर पोहोचली आहे,' असे आयुक्त विक्रमकुमार म्हणाले.
'कर्नाटकातील बेल्लारी येथील कंपनीला १०० टन ऑक्सिजन पुरवठ्याची ऑर्डर देण्यात आली आहे; तसेच जिल्ह्यातील ऑक्सिजन प्लांटवरून ऑक्सिजन आणण्यासाठी अनुक्रमे नऊ, पाच व तीन टन क्षमतेचे टँकर भाडेतत्त्वावर घेण्यात आले आहेत,' असेही त्यांनी स्पष्ट केले.
ऑक्सिजनची अडचण का?
पुणे जिल्ह्यातील विविध कंपन्यात दररोज ३८० टन ऑक्सिजननिर्मिती होते. यापैकी सुमारे ८० टन ऑक्सिजन विदर्भ, मराठवाड्यात पाठवण्यात येतो. पुणे जिल्ह्याला जेमतेम पुरेल इतकाच पुरवठा होत असल्याने रुग्णांना ऑक्सिजन मिळण्यात अडचणी येत आहेत.
'बाहेरून ऑक्सिजन आणायची गरज नाही'
'करोनाग्रस्तांच्या उपचारांसाठी राज्य सरकारने आमदार फंडातून एक कोटी रुपये खर्च करण्याची परवानगी दिली आहे. त्यानुसार दळवी रुग्णालयात ऑक्सिजननिर्मिती प्रकल्प उभारण्यासाठी भाजप प्रदेशाध्यक्ष आमदार चंद्रकांत पाटील यांनी एक कोटी रुपये उपलब्ध करून दिले आहेत. भाजप नगरसेवकांच्या स-यादीतून दोन कोटी २० लाख रुपये उपलब्ध करून देण्यात आले आहेत. यामुळे बाहेरून ऑक्सिजन आणण्याची गरज नाही,' अशी माहिती सभागृह नेते गणेश बीडकर यांनी दिली.