या मोर्चात लोणी बु. येथील शेतकरी मोठ्या संख्येने सहभागी झाले होते. दुपारी १ च्या दरम्यान शहरातील मोंढा परिसरातून हा मोर्चा काढण्यात आला. लोणी येथील शेतकऱ्यांसोबत या मोर्चात शिवसेना तालुका प्रमुख रवींद्र धर्मे, तालुका संघटक मुंजाभाऊ कोल्हे, रावसाहेब निकम, ज्ञानेश्वर धर्मे यांचा सहभाग होता. तहसीलदार यांना यावेळी शेतकऱ्यांनी मागणीचे निवेदन दिले. पीक पंचनामे करा, दुष्काळ जाहीर करा, गुरांना चारा उपलब्ध करून घ्या व गावातील पाणी टंचाई सोडवा अशा शेतकऱ्यांच्या मागण्या आहेत.