म. टा. विशेष प्रतिनिधी, औरंगाबाद
औरंगाबादमधील ८ पेट्रोल पंप शहराबाहेर हलविण्यासाठी अमन मेडिकल फाउंडेशन व सोशल वेलफेअर या स्वयंसेवी संघटनेने मुंबई हायकोर्टाच्या औरंगाबाद खंडपीठात धाव घेतली आहे. या पेट्रोल पंप चालकांनी निकष पाळलेले नाहीत, असा आक्षेप याचिकेत घेतला आहे.
अमन मेडिकल फाउंडेशनचे शहीद अस्लम गुलाम अहमद यांनी याचिका केली आहे. या पेट्रोल पंपावर काही अघटित घडल्यास अनेकांचे जीव जाऊ शकतात. मालमत्तेचे प्रचंड नुकसान होऊ शकते, अशी भीती याचिकेत व्यक्त करण्यात आली आहे. या पंपांकडे ‘फायर एनओसी’ नाही. त्यांनी शासकीय निकष पाळले नाहीत. राज्य पुरातत्व, वक्फ व अन्य शासकीय कार्यालयांची परवानगी घेतली नाही. ऐतिहासिक शहागंज मशिदीजवळील पंपावर १९८४मध्ये पेट्रोलच्या टँकरने पेट घेतला होता. दाट लोकसंख्येच्या वस्तीत हे पेट्रोल पंप आहेत. ते हलविण्याची विनंती याचिकेत केली आहे. याचिकाकर्त्याची बाजू रुपा दक्षिणी या मांडत आहेत. या याचिकेची सुनावणी २ फेब्रुवारीला होणार असल्याचे दक्षिणी यांनी सांगितले.
शहरातील ८ पंप
एन. ए. प्रिंटर ः दिल्ली गेट, शहागंज, स्टेशन रोड
ए. पी. पटेल अँड कंपनी ः शहागंज
अशोक ब्रदर्स ः मोंढा/जाफर गेट
श्रीराम पेट्रोल पंप ः पुष्पनगरी (मुख्य बसस्टॅन्ड रोड )
डॉ . दत्ता पाथ्रीकर ः जळगाव रोड
राजेंद्र अदानी ः राजयोग पेट्रोल पंप, जळगाव रोड
औरंगाबादमधील ८ पेट्रोल पंप शहराबाहेर हलविण्यासाठी अमन मेडिकल फाउंडेशन व सोशल वेलफेअर या स्वयंसेवी संघटनेने मुंबई हायकोर्टाच्या औरंगाबाद खंडपीठात धाव घेतली आहे. या पेट्रोल पंप चालकांनी निकष पाळलेले नाहीत, असा आक्षेप याचिकेत घेतला आहे.
अमन मेडिकल फाउंडेशनचे शहीद अस्लम गुलाम अहमद यांनी याचिका केली आहे. या पेट्रोल पंपावर काही अघटित घडल्यास अनेकांचे जीव जाऊ शकतात. मालमत्तेचे प्रचंड नुकसान होऊ शकते, अशी भीती याचिकेत व्यक्त करण्यात आली आहे. या पंपांकडे ‘फायर एनओसी’ नाही. त्यांनी शासकीय निकष पाळले नाहीत. राज्य पुरातत्व, वक्फ व अन्य शासकीय कार्यालयांची परवानगी घेतली नाही. ऐतिहासिक शहागंज मशिदीजवळील पंपावर १९८४मध्ये पेट्रोलच्या टँकरने पेट घेतला होता. दाट लोकसंख्येच्या वस्तीत हे पेट्रोल पंप आहेत. ते हलविण्याची विनंती याचिकेत केली आहे. याचिकाकर्त्याची बाजू रुपा दक्षिणी या मांडत आहेत. या याचिकेची सुनावणी २ फेब्रुवारीला होणार असल्याचे दक्षिणी यांनी सांगितले.
शहरातील ८ पंप
एन. ए. प्रिंटर ः दिल्ली गेट, शहागंज, स्टेशन रोड
ए. पी. पटेल अँड कंपनी ः शहागंज
अशोक ब्रदर्स ः मोंढा/जाफर गेट
श्रीराम पेट्रोल पंप ः पुष्पनगरी (मुख्य बसस्टॅन्ड रोड )
डॉ . दत्ता पाथ्रीकर ः जळगाव रोड
राजेंद्र अदानी ः राजयोग पेट्रोल पंप, जळगाव रोड