म. टा. प्रतिनिधी, औरंगाबाद
आंतरराष्ट्रीय बॅडमिंटन चॅम्पियनशिपसाठी पात्र ठरलेला शहरातील बॅडमिंटनपटू प्रथमेश कुलकर्णी याचे नाव 'बॅडमिंटन फेडरेशन ऑफ इंडिया'च्या चुकीमुळे ३० ऑगस्टपासून सुरू होणाऱ्या आंतरराष्ट्रीय स्पर्धेसाठी समाविष्ट झाले नाही. त्याचे नाव महिला गटात समाविष्ट करुन नंतर दुरूस्ती करण्यात आली नाही. यासंबंधी मुंबई उच्च न्यायालयाच्या औरंगाबाद खंडपीठाचे न्या. रवींद्र घुगे आणि न्या. अरुण पेडणेकर यांनी १५ ऑगस्ट रोजी सकाळी ११.३० वाजता सुनावणी ठेवली आहे. केंद्राचे अतिरिक्त सॉलिसिटर जनरल अजय तल्हार यांना सर्व माहितीसह हजर राहण्याचे आदेश दिले आहेत.
राष्ट्रीय मानांकनात २३ व्या क्रमांकावरील खेळाडू प्रथमेश कुलकर्णी याला बॅडमिंटन फेडरेशन ऑफ इंडियाच्या चुकीने आंतरराष्ट्रीय स्पर्धेला मुकावे लागले. त्याची इंडिया ज्युनिअर इंटरनॅशनल ग्रँड ट्रिक्स या पुणे येथे होणाऱ्या स्पर्धेसाठी निवड झाली होती. संबंधित निवड गोवा येथे २५ जुलैला झालेल्या राष्ट्रीय स्पर्धेतून झाली. आंतरराष्ट्रीय स्पर्धेसाठी फेडरेशनकडे रीतसर अर्ज सादर केला. नाव नोंदविताना चुकून त्याचा समावेश महिलांच्या यादीत केला. यासंबंधी अर्ज केल्यानंतर त्याचे नाव महिला यादीतून हटविले. परंतु पुरुषांच्या यादीत समाविष्ट केले नाही. या विरोधात औरंगाबाद खंडपीठात खेळाडू प्रथमेशचे पालक माजी सैनिक प्रकाश कुलकर्णी यांनी धाव घेतली. सुनावणीअंती बॅडमिंटन ऑफ इंडिया भारत सरकारच्या अखत्यारित असल्याने त्यावर अतिरिक्त सॉलिसिटर जनरल अजय तल्हार यांना मत मांडायचे निर्देश दिले. स्वातंत्र्यदिनी ज्या स्थितीत गणेवशात असले तरी खंडपीठात वादी-प्रतिवादींनी हजर राहावे असे आदेश आहेत. याचिकाकर्त्याच्या वतीने अॅड. अमोल जोशी यांनी बाजू मांडली.
आंतरराष्ट्रीय बॅडमिंटन चॅम्पियनशिपसाठी पात्र ठरलेला शहरातील बॅडमिंटनपटू प्रथमेश कुलकर्णी याचे नाव 'बॅडमिंटन फेडरेशन ऑफ इंडिया'च्या चुकीमुळे ३० ऑगस्टपासून सुरू होणाऱ्या आंतरराष्ट्रीय स्पर्धेसाठी समाविष्ट झाले नाही. त्याचे नाव महिला गटात समाविष्ट करुन नंतर दुरूस्ती करण्यात आली नाही. यासंबंधी मुंबई उच्च न्यायालयाच्या औरंगाबाद खंडपीठाचे न्या. रवींद्र घुगे आणि न्या. अरुण पेडणेकर यांनी १५ ऑगस्ट रोजी सकाळी ११.३० वाजता सुनावणी ठेवली आहे. केंद्राचे अतिरिक्त सॉलिसिटर जनरल अजय तल्हार यांना सर्व माहितीसह हजर राहण्याचे आदेश दिले आहेत.
राष्ट्रीय मानांकनात २३ व्या क्रमांकावरील खेळाडू प्रथमेश कुलकर्णी याला बॅडमिंटन फेडरेशन ऑफ इंडियाच्या चुकीने आंतरराष्ट्रीय स्पर्धेला मुकावे लागले. त्याची इंडिया ज्युनिअर इंटरनॅशनल ग्रँड ट्रिक्स या पुणे येथे होणाऱ्या स्पर्धेसाठी निवड झाली होती. संबंधित निवड गोवा येथे २५ जुलैला झालेल्या राष्ट्रीय स्पर्धेतून झाली. आंतरराष्ट्रीय स्पर्धेसाठी फेडरेशनकडे रीतसर अर्ज सादर केला. नाव नोंदविताना चुकून त्याचा समावेश महिलांच्या यादीत केला. यासंबंधी अर्ज केल्यानंतर त्याचे नाव महिला यादीतून हटविले. परंतु पुरुषांच्या यादीत समाविष्ट केले नाही. या विरोधात औरंगाबाद खंडपीठात खेळाडू प्रथमेशचे पालक माजी सैनिक प्रकाश कुलकर्णी यांनी धाव घेतली. सुनावणीअंती बॅडमिंटन ऑफ इंडिया भारत सरकारच्या अखत्यारित असल्याने त्यावर अतिरिक्त सॉलिसिटर जनरल अजय तल्हार यांना मत मांडायचे निर्देश दिले. स्वातंत्र्यदिनी ज्या स्थितीत गणेवशात असले तरी खंडपीठात वादी-प्रतिवादींनी हजर राहावे असे आदेश आहेत. याचिकाकर्त्याच्या वतीने अॅड. अमोल जोशी यांनी बाजू मांडली.