अ‍ॅपशहर

प्री-मॅट्रिक ‌शिष्यवृत्तीसाठी शाळांना ३१ जुलैपर्यंत मुदत

अल्पसंख्याक समाजातील विद्यार्थ्यांसाठी प्री-मॅट्रिक शिष्यवृत्ती योजनेचे वेळापत्रक जाहीर करण्यात आले. दरवर्षी होणारा विलंब लक्षात घेऊन प्रक्रियेचे वेळापत्रक शाळा सुरू होताच जाहीर केले. नूतनीकरणाची प्रक्रिया ३१ जुलैपर्यंत आणि नवीन विद्यार्थ्यांची नोंजणी प्रक्रिया ३१ ऑगस्टपर्यंत शाळांनी पूर्ण करावी, अशा सूचना देण्यात आल्या आहेत.

Maharashtra Times 22 Jun 2017, 3:00 am
औरंगाबाद : अल्पसंख्याक समाजातील विद्यार्थ्यांसाठी प्री-मॅट्रिक शिष्यवृत्ती योजनेचे वेळापत्रक जाहीर करण्यात आले. दरवर्षी होणारा विलंब लक्षात घेऊन प्रक्रियेचे वेळापत्रक शाळा सुरू होताच जाहीर केले. नूतनीकरणाची प्रक्रिया ३१ जुलैपर्यंत आणि नवीन विद्यार्थ्यांची नोंजणी प्रक्रिया ३१ ऑगस्टपर्यंत शाळांनी पूर्ण करावी, अशा सूचना देण्यात आल्या आहेत.
महाराष्ट्र टाइम्स.कॉम pre matric scholarship
प्री-मॅट्रिक ‌शिष्यवृत्तीसाठी शाळांना ३१ जुलैपर्यंत मुदत

पंतप्रधानांनी घोषित केलेल्या १५ कलमी कार्यक्रमानुसार २०१७-१८ शैक्षणिक वर्षात अल्पसंख्याक समाजातील गुणवत्ताधारक विद्यार्थ्यांसाठी प्री-मॅट्रिक शिष्यवृत्ती योजनेचे ऑनलाइन अर्ज भरण्याची प्रक्रिया सुरू झाल्याचे सूत्रांनी सांगितले. २०१७-१८ या वर्षासाठी अल्पसंख्याक समाजातील विद्यार्थ्यांनी केंद्र शासनाच्या www.scholarships.gov.in या वेबसाइटवर अर्ज ऑनलाइन पद्धतीने भरायचे आहेत. २०१६-१७ यावर्षी शिष्यवृत्तीसाठी निवड झालेल्या सर्व विद्यार्थ्यांना नूतनीकरणासाठी अर्ज करावे लागतील. त्याचबरोबर नवीन विद्यार्थ्यांचेही अर्ज स्वीकारण्यात येतील.
ऑनलाइन अर्ज भरण्याची जबाबदारी संबंधित शाळांच्या मुख्याध्यापकांची आहे. त्यात नूतनीकरणासाठी शाळांना ३१ जुलैपर्यंतची मुदत देण्यात आली आहे. नवीन विद्यार्थ्यांचे अर्ज ३१ ऑगस्टपर्यंत भरता येणार आहेत. पात्र विद्यार्थी शिष्यवृत्तीपासून वंचित राहणार नाही, याची दक्षता घ्यावी. त्यासाठी प्रक्रिया पूर्ण करावी, अशा सूचना शिक्षण विभागाने दिल्याचे सूत्रांनी सांगितले.

साहित्यासाठी अर्थसाह्य
ही शिष्यवृत्ती शैक्षणिक साहित्याच्या खर्चासाठी दिली जाते. निवडलेल्या विद्यार्थ्यांना दरवर्षी एक हजार रुपये दिले जातात. औरंगाबाद जिल्ह्यात ५५ हजार विद्यार्थ्यांची शिष्यवृत्तीसाठी निवड करण्यात आली.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज