म. टा. प्रतिनिधी, औरंगाबाद
पंतप्रधान नरेंद्र मोदी यांच्या दौऱ्यानिमित्त आंदोलन करण्याची घोषणा करणारे विविध संघटनेच्या कार्यकर्त्यांना पोलिसांनी ताब्यात घेतले. पंतप्रधानांचा दौरा संपल्यानंतर त्यांना सोडून देण्यात आले.
शेतकऱ्यांच्या विविध मागण्यांसाठी आंदोलन करणारे अन्नदाता शेतकरी संघटनेचे जयाजी सूर्यवंशी यांना पोलिसांनी सकाळी ताब्यात घेतले. खासदार इम्तियाज जलील यांचे उद्घाटन पत्रिकेत नाव नसल्याने त्या विरोधात आंदोलनाचा इशारा देणाऱ्या 'एमआयएम' विदयार्थी प्रमुख कुणाल खरात, स्वाभिमानी शेतकरी संघटनेचे तीन पदाधिकारी, धनगर समाजाच्या प्रमुख मागण्यांसाठी आंदोलनाची भूमिका घेणारे अरुण रोडगेंसह अन्य पाच कार्यकर्त्यांना पोलिसांनी ताब्यात घेतले होते. पंतप्रधानांचा दौरा संपताच त्यांना सोडून देण्यात आले.