अ‍ॅपशहर

बदलीनंतर अडचण आणखी वाढली

वर्षानुवर्षे आपल्या जिल्ह्यात बदलीसाठी प्रयत्नशील होतो. ऑनलाइन पद्धतीने यंदा प्रक्रिया राबवून आंतरजिल्हा बदल्या करण्यात आल्या. मात्र आपल्या जिल्ह्यात आल्यानंतर मिळालेल्या शाळा पाहिल्यानंतर पूर्वीचीच नोकरी बरी होती, अशी म्हणण्याची पाळी आली आहे, अशा प्रतिक्रिया शिक्षकांनी नोंदविल्या.

Maharashtra Times 24 Jul 2017, 3:00 am
औरंगाबाद : वर्षानुवर्षे आपल्या जिल्ह्यात बदलीसाठी प्रयत्नशील होतो. ऑनलाइन पद्धतीने यंदा प्रक्रिया राबवून आंतरजिल्हा बदल्या करण्यात आल्या. मात्र आपल्या जिल्ह्यात आल्यानंतर मिळालेल्या शाळा पाहिल्यानंतर पूर्वीचीच नोकरी बरी होती, अशी म्हणण्याची पाळी आली आहे, अशा प्रतिक्रिया शिक्षकांनी नोंदविल्या.
महाराष्ट्र टाइम्स.कॉम problems increased after the transfer
बदलीनंतर अडचण आणखी वाढली


जिल्हा परिषदेच्या शिक्षण विभागमार्फत मंगळवारी आंतर जिल्हा बदलीने आलेल्या १५९ शिक्षकांना पदस्थापना देण्यात आल्या. समपुदेश पद्धतीने दिलेल्या समायोजनानंतर दुसऱ्या दिवशी शिक्षक रूजू होण्यासाठी गेले तेव्हा अनेक महिला शिक्षकांना अडचणीच्या शाळेवर पदस्थापना मिळाल्याचे दिसून आले. उदाहरणार्थ जालना जिल्ह्यातून एका महिला शिक्षकाची बदली औरंगाबादेत झाली. त्यांना सोयगाव तालुक्यात पदस्थापना मिळाली. त्यांचे पती पैठण तालुक्यात कार्यरत आहेत. पती-पत्नी एकत्रिकरणाचा नियम औरंगाबाद जिल्हा वगळता अन्यत्र राबविला गेला, असे या शिक्षकांनी सांगितले. शिक्षक पती-पत्नीच्या पदस्थापनेतील अंतर १२५ किलोमीटरहून अधिक आहे. अशीच स्थिती नगर जिल्ह्यातून आलेल्या एका शिक्षकाची आहे. वर्षानुवर्षे जिल्ह्यात बदलीसाठी हे शिक्षक मंडळी वाट पाहून होते. गेल्या वर्षी बदली प्रक्रिया राबविली गेली नव्हती.

नियमानुसार प्रक्रिया
प्रशासनाच्या म्हणण्यानुसार; पदस्थापना देण्यापूर्वी सभागृहात सर्व शिक्षकांना याची कल्पना दिली गेली होती. त्यानंतर स्क्रिनवर गावे दाखवूनच पदे भरली गेली. असे असताना नियम पाळला नाही, असे म्हणणे योग्य होणार नाही. एकूणच एकमेकांच्या त्रुटी दाखविण्यात विद्यार्थ्यांची मात्र फरफट होणार आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज