म. टा. प्रतिनिधी, औरंगाबाद
संत नामदेव महाराज यांच्या पुण्यतिथीनिमित्त आहिर क्षत्रिय शिंपी समाजाच्यावतीने कार्यक्रमाचे आयोजन करण्यात आले आहे. शुक्रवारी(१७ ऑगस्ट) टिव्ही सेंटर रोडवरील गुलाब विश्व हॉलमध्ये हा कार्यक्रम होईल. सायंकाळी ४ वाजता हॉलपासून शोभायात्रा निघेल. यानंतर समाजाचा मुख्य कार्यक्रम होईल. कार्यक्रमाचे आयोजन नऊ ऑगस्ट रोजी करण्यात आले होते, मात्र बंद मुळे कोणता अनुचित प्रकार होऊ नये याची काळजी घेऊन कार्यक्रम पुढे ढकलण्यात आल्याचे शहराध्यक्ष संदीप दत्तात्रय शिंपी यांनी सांगितले. नवीन नियोजनात सर्वांनी सहभागी होऊन कार्यक्रमाचा आनंद घ्यावा आणि उत्साह वाढवावा, असे आवाहन जिल्हाध्यक्ष सुधाकर शिंपी यांनी केले आहे.