म. टा. प्रतिनिधी, वाळूज महानगर
औरंगाबाद-पुणे महामार्गावर लुटमारी प्रकरणात अटक केलेल्या संशयित आरोपीने शुक्रवारी (१० मे) सव्वा दोनच्या सुमारास वाळूज पोलिस ठाण्यातून पळून गेला. गणेश आण्णासाहेब बनसोडे (वय २७, रा. नांदलगाव, ता. पैठण), असे त्याचे नाव आहे.
लुटमारीच्या प्रकरणात गणेश बनसोडे याला ८ मे रोजी वाळूज पोलिसांनी राहत्या घरातून अटक केली होती़ अटकेनंतर त्याला चार दिवसांची पोलिस कोठडी सुनविण्यात आली. त्याला शुक्रवारी सव्वा दोनच्या सुमारास वाळूज एमआयडीसी पोलिस ठाण्याच्या लॉकअपमधून टु मोबाइल व्हॅनने वाळूज पोलिस ठाण्यात तपासाकरिता आणले होते. त्यांनतर तपास अधिकारी फौजदार रामचंद्र पवार यांच्याकडे पोलिसांनी सोपविले़ पोलिस ठाण्याच्या वरच्या मजल्यावरील खोलीत त्याची चौकशी सुरू होती. या चौकशी दरम्यान त्याने पोलिस ठाण्यामागील सुरक्षक भिंतीवरून उडी मारुन पोबारा केला. तो पळलेल्या दिशेने पोलिसांनी त्याचा पाठलाग केला, पण तो सापडला नाही. 'गणेश बनसोडे याचा शोध सुरू असून तो लवकरच पकडला जाईल,' असे वाळूज पोलिस ठाण्याचे निरीक्षक संदीप गुरमे यांनी सांगितले.
औरंगाबाद-पुणे महामार्गावर लुटमारी प्रकरणात अटक केलेल्या संशयित आरोपीने शुक्रवारी (१० मे) सव्वा दोनच्या सुमारास वाळूज पोलिस ठाण्यातून पळून गेला. गणेश आण्णासाहेब बनसोडे (वय २७, रा. नांदलगाव, ता. पैठण), असे त्याचे नाव आहे.
लुटमारीच्या प्रकरणात गणेश बनसोडे याला ८ मे रोजी वाळूज पोलिसांनी राहत्या घरातून अटक केली होती़ अटकेनंतर त्याला चार दिवसांची पोलिस कोठडी सुनविण्यात आली. त्याला शुक्रवारी सव्वा दोनच्या सुमारास वाळूज एमआयडीसी पोलिस ठाण्याच्या लॉकअपमधून टु मोबाइल व्हॅनने वाळूज पोलिस ठाण्यात तपासाकरिता आणले होते. त्यांनतर तपास अधिकारी फौजदार रामचंद्र पवार यांच्याकडे पोलिसांनी सोपविले़ पोलिस ठाण्याच्या वरच्या मजल्यावरील खोलीत त्याची चौकशी सुरू होती. या चौकशी दरम्यान त्याने पोलिस ठाण्यामागील सुरक्षक भिंतीवरून उडी मारुन पोबारा केला. तो पळलेल्या दिशेने पोलिसांनी त्याचा पाठलाग केला, पण तो सापडला नाही. 'गणेश बनसोडे याचा शोध सुरू असून तो लवकरच पकडला जाईल,' असे वाळूज पोलिस ठाण्याचे निरीक्षक संदीप गुरमे यांनी सांगितले.